香港新浪網 MySinaBlog
« 上一篇 | 下一篇 »
阿文 | 06-Feb-06 | 回憶記錄 | (1572 Reads)

每個小朋友都明白「包」、「剪」、「槌」相克的道理,很多遊戲亦需要猜拳作開始。即使人大了,猜拳也是一個較易受落的方法,去決定一些瑣事。

兩個人在猜拳,沒什麼特別,便找來一班朋友猜皇帝。人多的話,皇帝身旁可加上兩名守衛,攻城者先要敵過他們,方能與皇帝一決高下,否則要退到隊尾,再次向守衛與皇帝桃戰。在與皇帝的終極一戰後,勝出者可取而代之,失敗了也可當皇帝旁邊的守衛。

記得小一的某個小息,我與數名同學在玩猜皇帝。起初只得五、六人,循環來得快,成為皇帝的機會也很大。漸漸吸引了其他同學的加入,有些是來自別的班級,甚至學長們也來參與。久而久之,這條小龍變成了長龍,比小食部的隊還要長。面孔由親切的變成陌生,皇帝與敵人,甚至與他身旁的守衛可能互不認識。結果,我們排了很久,都沒有機會桃戰皇者,十五分鐘的小息就此結束。

這次小息的遊戲令我畢生難忘,因為以後都沒有機會集合三、四十人一起玩猜皇帝。


[1]

那你最佳職位呢?


[引用] | 作者 靚女Aunt | 07-Feb-06 | [舉報垃圾留言]

[2]

細個時我都有玩過,還記得試過有兩個皇帝的猜,猜完一個再一個。仲有係跳象根繩,以前可以跳到好高好高,有朋友仔仲要打側手翻來跳TIM,不過依家D小朋友都唔玩了。


[引用] | 作者 貓糊 | 07-Feb-06 | [舉報垃圾留言]

[3]

猜皇帝?我都有玩過呀!


[引用] | 作者 蝦米 | 07-Feb-06 | [舉報垃圾留言]

[4] 回:靚女 Aunt
靚女Aunt : 那你最佳職位呢?
最佳職位???
如果妳講猜皇帝,最叻o米做過皇帝law。


[引用] | 作者 阿文 | 07-Feb-06 | [舉報垃圾留言]

[5] 回:貓糊
貓糊 : 細個時我都有玩過,還記得試過有兩個皇帝的猜,猜完一個再一個。仲有係跳象根繩,以前可以跳到好高好高,有朋友仔仲要打側手翻來跳TIM,不過依家D小朋友都唔玩了。
咁似去到一間房入面,有得唱K、打機、打保齡球…
我就未玩過跳象根繩,多數女仔玩,都有唔少乸形會同女仔一齊玩。


[引用] | 作者 阿文 | 07-Feb-06 | [舉報垃圾留言]

[6] 回:蝦米
蝦米 : 猜皇帝?我都有玩過呀!
小朋友大o左,可以同佢o地一齊玩。


[引用] | 作者 阿文 | 07-Feb-06 | [舉報垃圾留言]

[7]

咁有冇玩猜樓梯呀?


[引用] | 作者 | 07-Feb-06 | [舉報垃圾留言]

[8] 回:雪
: 咁有冇玩猜樓梯呀?
一定有啦!細個探祖母會同表弟表妹玩,又或者到酒樓等開席都會玩,不過自從識玩cards同麻雀(切高、排次序、切骨排)後,就冇玩。
其實猜樓梯比較公平,有時冇樓梯,就o向平路玩。呢個遊戲都幾唔公平,因為猜贏就跳一大步,腳仔長或跳得遠當然著數啦!


[引用] | 作者 阿文 | 07-Feb-06 | [舉報垃圾留言]

[9]

次次和小孩們玩這個,他們都會異常興奮 !!! 玩到「撲」上來的 !!


[引用] | 作者 火綾 | 07-Feb-06 | [舉報垃圾留言]

[10] 回:火綾
火綾 : 次次和小孩們玩這個,他們都會異常興奮 !!! 玩到「撲」上來的 !!
最好同佢o地玩埋「小明」,等佢o地早o的分清上下左右前後。哈哈!


[引用] | 作者 阿文 | 07-Feb-06 | [舉報垃圾留言]

[11] Re: 阿明
阿文 : 火綾 : 次次和小孩們玩這個,他們都會異常興奮 !!! 玩到「撲」上來的 !!最好同佢o地玩埋「小明」,等佢o地早o的分清上下左右前後。哈哈!
想不到你連教小朋友都有一手


[引用] | 作者 Kennes | 07-Feb-06 | [舉報垃圾留言]

[12]

我最近都有玩猜皇帝,是4個大人同兩個小朋友一起玩的,小時經常玩這個,但未試過三四十人一起玩。


[引用] | 作者 Kennes | 07-Feb-06 | [舉報垃圾留言]

[13]

我依稀記得,有D同學鐘意走成百步衝埋去猜一次,係咪會勁D呢?

呢度有無人試過...?


[引用] | 作者 二元 | 07-Feb-06 | [舉報垃圾留言]

[14] 回:二元
二元 : 我依稀記得,有D同學鐘意走成百步衝埋去猜一次,係咪會勁D呢? 呢度有無人試過...?
走幾步只不過係加強剎氣,對勝負冇乜關係。
不過我唔明點解o的同學玩得好激時會"dum"地(其中一隻腳好有節奏與猜拳節奏配合)?兩條友輕則一次起兩次止;嚴重則玩三盤兩勝,分分鐘"dum"到電光火石。真費解?


[引用] | 作者 阿文 | 07-Feb-06 | [舉報垃圾留言]

[15] 回:kennes
Kennes :  想不到你連教小朋友都有一手
因為我最細個阿叔大我十年左右,佢有三個細路,o者係我唐細佬妹,最大果個都只係八歲。所以教o下一個,教o下又一個。


[引用] | 作者 阿文 | 07-Feb-06 | [舉報垃圾留言]

[16]

猜皇帝, 跳像筋繩, 猜樓級我都有玩過呀!! 不過宜家d小朋友唔會玩呢d野咯.


[引用] | 作者 加菲 | 07-Feb-06 | [舉報垃圾留言]

[17] Re:
加菲 : 猜皇帝, 跳像筋繩, 猜樓級我都有玩過呀!! 不過宜家d小朋友唔會玩呢d野咯.

其實d 小朋友仲好鍾意架.  我教會的小朋友一放主日學就會玩, 其他遊戲如 "ABC紅綠燈", "狐狸小姐幾多點", "大風吹", "痳鷹捉雞仔".......也是他們的 favours!!   但有唔同的係, 以前玩 "痳鷹捉雞仔", 好多人爭做母雞, 冇小朋友鍾意做痳鷹.  現在佢地會搶住做痳鷹, 試過一次有5隻痳鷹, 1隻母雞 (我)及1隻小雞 (被迫)!! 


[引用] | 作者 女伯爵 | 07-Feb-06 | [舉報垃圾留言]

[18] 回:加菲
加菲 : 猜皇帝, 跳像筋繩, 猜樓級我都有玩過呀!! 不過宜家d小朋友唔會玩呢d野咯.
宜家o的小朋友都會玩o架,不過比較少見人玩像筯繩。佢地都好鐘意玩抛手巾同估領袖。


[引用] | 作者 阿文 | 07-Feb-06 | [舉報垃圾留言]

[19] 回:女伯爵
女伯爵 : 其實d 小朋友仲好鍾意架.  我教會的小朋友一放主日學就會玩, 其他遊戲如 "ABC紅綠燈", "狐狸小姐幾多點", "大風吹", "痳鷹捉雞仔".......也是他們的 favours!!   但有唔同的係, 以前玩 "痳鷹捉雞仔", 好多人爭做母雞, 冇小朋友鍾意做痳鷹.  現在佢地會搶住做痳鷹, 試過一次有5隻痳鷹, 1隻母雞 (我)及1隻小雞 (被迫)!! 
多謝解話。


[引用] | 作者 阿文 | 07-Feb-06 | [舉報垃圾留言]

[20]

現在的小朋友也有玩猜皇帝呢. 還未失傳.


[引用] | 作者 EE | 08-Feb-06 | [舉報垃圾留言]

[21]

我做皇帝的時候 少之有少!!

猜包箭槌~~~~~~~~~弱項

完全沒有思考之下 只以反應出拳

我的運動神經太差了~ 

 

CO2

 


[引用] | 作者 二氧化碳 CO2 | 08-Feb-06 | [舉報垃圾留言]

[22] dum地
阿文 :  不過我唔明點解o的同學玩得好激時會"dum"地(其中一隻腳好有節奏與猜拳節奏配合
YES!@! YES!!  Just feel like stepping on the floor plus 猜 will be more powerful and more fun... hahah.. I damaged my shoes from stepping too much on the floor ~~  *luckily my mom didn't know~~


[引用] | 作者 Poo | 09-Feb-06 | [舉報垃圾留言]

[23]

皇帝輸左,去隊尾定係做守衛?


[引用] | 作者 亞占 | 09-Feb-06 | [舉報垃圾留言]

[24] Re: 女伯爵/ 阿文

痳鷹捉雞仔同估領袖我都好鍾意玩....killer都好正架! 原來呢d遊戲仲未失傳.


[引用] | 作者 加菲 | 09-Feb-06 | [舉報垃圾留言]

[25]

"這條小龍變成了長龍,比小食部的隊還要長。"<--- 哈哈哈!好好笑啊!


[引用] | 作者 紫水晶 | 09-Feb-06 | [舉報垃圾留言]

[26] 回:EE
EE :
現在的小朋友也有玩猜皇帝呢. 還未失傳.

有遊戲的地方,就有猜皇帝。


[引用] | 作者 阿文 | 09-Feb-06 | [舉報垃圾留言]

[27] 回:CO2
二氧化碳 CO2 :
我做皇帝的時候 少之有少!!
猜包箭槌~~~~~~~~~弱項
完全沒有思考之下 只以反應出拳
我的運動神經太差了~ 
 
CO2
 

遊戲也不在乎勝負,最重要係過程。


[引用] | 作者 阿文 | 09-Feb-06 | [舉報垃圾留言]

[28] 回:poo
Poo :
YES!@! YES!!  Just feel like stepping on the floor plus 猜 will be more powerful and more fun... hahah.. I damaged my shoes from stepping too much on the floor ~~ *luckily my mom didn't know~~

又唔見得有幾勁!?不過我就覺得好醜怪!


[引用] | 作者 阿文 | 09-Feb-06 | [舉報垃圾留言]

[29] 回:亞占
亞占 :
皇帝輸左,去隊尾定係做守衛?

我玩開做守衛,不過規舉係人定。


[引用] | 作者 阿文 | 09-Feb-06 | [舉報垃圾留言]

[30] 回:加菲
加菲 :
痳鷹捉雞仔同估領袖我都好鍾意玩....killer都好正架! 原來呢d遊戲仲未失傳.

當然啦!


[引用] | 作者 阿文 | 09-Feb-06 | [舉報垃圾留言]

[31] 回:紫水晶
紫水晶 :
"這條小龍變成了長龍,比小食部的隊還要長。"<--- 哈哈哈!好好笑啊!

當然啦!小食部最長龍o既時候係小息開始無幾耐,佢慢慢咁短,我o地條隊就慢慢咁長,直到鐘聲響起歸隊的訊號…


[引用] | 作者 阿文 | 09-Feb-06 | [舉報垃圾留言]