香港新浪網 MySinaBlog
« 上一篇 | 下一篇 »
阿文 | 14-Feb-06 | 回憶記錄, 讀萬卷書 | (10241 Reads)

平均分: 10.00 | 評分人數: 3
八四年三月的一個晚上,父親下班回家,給我一份神秘的生日禮物,是一本令人百看不厭的漫畫──《牛仔》。


牛仔與契爺這對父子,是作者王司馬先生筆下的一對活寶貝。契爺是個光頭鬍子的畫家,牛仔是個愛穿「人字拖」的小孩;契爺就是王司馬,牛仔就是他三個兒子的化身,圍繞兩父子的,還有牛仔的母親與小狗。

簡潔的畫功、沒有太多的文字是漫畫的獨特風格。四格漫畫幽默又溫淳地帶出人間的溫暖,當中的吃冰淇淋、繪畫、捉迷藏、做功課、過時過節…一切一切都描繪著兩父子間可貴的親情。讀者亦深深的體會到這些溫情和歡樂,因為這就是大家的縮影,若說:「契爺是我的父親,牛仔是我。」一點也不過份。

一個成功的漫畫,人物的造形會隨著時間的飛逝,作出些少變化。經歷了廿二年光陰的牛仔與契爺也不例外,大致分為三個階段:初期的牛仔個子比較高大,穿著小汗衣的他,頭髮也比較稀薄;當時的契爺喜歡帶著煲呔。接下來的牛仔變化較明顯,頭與身體的比例也改變了,變得更可愛;契爺的鼻子也細了,格外慈祥。長大了的牛仔改穿直間衛衣,在面部的輪廓與其他人物也起了很大的變化;契爺也將煲呔除下,將白裇衫最頂的紐扣鬆開,變得更加親切。


〔初期牛仔與契爺的造形〕


〔接下來牛仔與契爺的造形〕


〔後期牛仔與契爺的造形〕

一九四零年,王司馬生於澳門,中學期間在廣州唸書,課餘學習美術。五七年重返澳門,一邊教書,一邊習畫。六一年他到港工作,並開始從事漫畫的創作,作品包括《牛仔》、《狄保士》與《靚女蘇珊》。《牛仔》刻劃了父子間深厚的感情,是最為人熟悉的作品。無論你是兒子,你是父親,你也感受到漫畫中的真摰親情。可惜的是,他於八三年九月廿七日因骨癌病逝,享年四十三歲。

「昨天,牛仔是我。
 今天,牛仔是我的孩子。
 明天,牛仔是我的孩子的孩子。」   王司馬

簡單而又深遠的幾句,就道出作者對創作牛仔時的抱負。人去了,但情懷依舊。畫中的愛永遠不滅,永遠長留在我心。

======================================================
相關連結:港台節目 陽光下的孩子--哈囉牛仔 (1984)


[1]

哇! 你本牛仔仲o係度?!

我個D一早俾老豆掉洒lu......


[引用] | 作者 多多媽 | 14-Feb-06 | [舉報垃圾留言]

[2]

當年在報攤上看到很想買,但好貴,老爸不肯,結果買了老夫子。
好彩到中學時學校圖書館有得借,還記得佢好似出過卡通TIM架WO(唔係好肯定)


[引用] | 作者 貓糊 | 14-Feb-06 | [舉報垃圾留言]

[3] 回:啤梨
多多媽 :
哇! 你本牛仔仲o係度?!
我個D一早俾老豆掉洒lu......

所有都仲o係度。第一本就係第九期,跟住期期都買,好彩有第二版、第三版,所以我追翻第一期至第八期。可惜去到第四十一期就要同牛仔講再見!


[引用] | 作者 阿文 | 15-Feb-06 | [舉報垃圾留言]

[4] 回:貓糊
貓糊 :
當年在報攤上看到很想買,但好貴,老爸不肯,結果買了老夫子。好彩到中學時學校圖書館有得借,還記得佢好似出過卡通TIM架WO(唔係好肯定)

當時五蚊一本,每個月出一期,我記得要儲錢,先可以買到一本。
好似有個雞香餅廣告係用牛仔拍。


[引用] | 作者 阿文 | 15-Feb-06 | [舉報垃圾留言]

[5]

我兒時也愛看牛仔,但通常到書檔看個飽,記憶中也不曾擁有過一本牛仔漫畫啊!


[引用] | 作者 蝦米 | 15-Feb-06 | [舉報垃圾留言]

[6]

我都有睇過! 果陣都幾鍾意睇!
不過真係無乜印象...老夫子都睇唔少,等飛髮果陣...


[引用] | 作者 國王 | 15-Feb-06 | [舉報垃圾留言]

[7]

我當年都有買「牛仔」,佢比起「老夫子」清新好多,又唔會成日用「耐人尋味」或「無題」黎做標題,行到死。


[引用] | 作者 舒夫真高 | 15-Feb-06 | [舉報垃圾留言]

[8]

我都有睇過, 不過, 印象中係係小學的圖書館借的 -- 但已經係'後期'的作品了.


[引用] | 作者 | 15-Feb-06 | [舉報垃圾留言]

[9]

牛仔我有睇啊…
不過另一本我更記得,更覺得好睇既係三毛…好慘啊


[引用] | 作者 poonwinghang | 15-Feb-06 | [舉報垃圾留言]

[10]

我細細個已經開始中意睇牛仔了~
很喜歡王司馬用簡單既故事表達出果份親切同溫馨~
不過我同年紀既朋友通常都唔太中意睇,佢地只覺得牛仔係普通既生活故事...


[引用] | 作者 Oscar | 15-Feb-06 | [舉報垃圾留言]

[11] 回:蝦米
蝦米 :
我兒時也愛看牛仔,但通常到書檔看個飽,記憶中也不曾擁有過一本牛仔漫畫啊!

妳屋企開書檔嗎?


[引用] | 作者 阿文 | 15-Feb-06 | [舉報垃圾留言]

[12] 回:國王
國王 :
我都有睇過! 果陣都幾鍾意睇!不過真係無乜印象...老夫子都睇唔少,等飛髮果陣...

我都係剪髮時(到上海理髮店)勁睇老夫子。


[引用] | 作者 阿文 | 15-Feb-06 | [舉報垃圾留言]

[13] 回:舒夫真高
舒夫真高 :
我當年都有買「牛仔」,佢比起「老夫子」清新好多,又唔會成日用「耐人尋味」或「無題」黎做標題,行到死。

《牛仔》同《老夫子》比,我同你一樣,都係鐘牛仔。《老夫子》標題經常翻炒都唔係問題,最大問題係漫畫經常重覆。
不過有時見到契爺同牛仔出現o向《老夫子》漫畫,又幾得意。


[引用] | 作者 阿文 | 15-Feb-06 | [舉報垃圾留言]

[14] 回:雪
:
我都有睇過, 不過, 印象中係係小學的圖書館借的 -- 但已經係'後期'的作品了.

原來圖畫館都有漫畫睇…


[引用] | 作者 阿文 | 15-Feb-06 | [舉報垃圾留言]

[15] 回:Hang
poonwinghang :
牛仔我有睇啊…不過另一本我更記得,更覺得好睇既係三毛…好慘啊

三毛…我有少少印象,但唔係太清楚,你可唔可以講o黎聽聽?


[引用] | 作者 阿文 | 15-Feb-06 | [舉報垃圾留言]

[16] 回:Oscar
Oscar :
我細細個已經開始中意睇牛仔了~很喜歡王司馬用簡單既故事表達出果份親切同溫馨~不過我同年紀既朋友通常都唔太中意睇,佢地只覺得牛仔係普通既生活故事...

唔通佢地唔覺得親情係好重要?
你個blog好靚呀!


[引用] | 作者 阿文 | 15-Feb-06 | [舉報垃圾留言]

[17]
阿文 :
所有都仲o係度。第一本就係第九期,跟住期期都買,好彩有第二版、第三版,所以我追翻第一期至第八期。可惜去到第四十一期就要同牛仔講再見!

好勁呀!


[引用] | 作者 M | 15-Feb-06 | [舉報垃圾留言]

[18] 回:M
M :
阿文 :所有都仲o係度。第一本就係第九期,跟住期期都買,好彩有第二版、第三版,所以我追翻第一期至第八期。可惜去到第四十一期就要同牛仔講再見!

好勁呀!


唔及牛仔勁!佢小便真係好勁,可以玩到出神入化……


[引用] | 作者 阿文 | 16-Feb-06 | [舉報垃圾留言]

[19]

我好喜歡牛仔啊......這是我其中一本讓孩子看的香港漫畫啊!很溫情,很好笑......王司馬英年早逝,實在可惜。


[引用] | 作者 agnes | 16-Feb-06 | [舉報垃圾留言]

[20]

我都有睇過牛仔呀...
不過,印象好模糊


[引用] | 作者 皇后 | 16-Feb-06 | [舉報垃圾留言]

[21]

請問你當年幾歲? :)


[引用] | 作者 mad dog | 16-Feb-06 | [舉報垃圾留言]

[22]

--> 「好似有個雞香餅廣告係用牛仔拍。」...........

阿文,o個個應該係雞脾餅廣告,唔係雞香餅廣告呀。

兩款餅應該以經絕跡了,好多時往往要等失去才覺得珍惜...

另外,看來你的年紀應該有番咁上下... :>


[引用] | 作者 One Ken | 16-Feb-06 | [舉報垃圾留言]

[23]

我細個都有買過三四本牛仔,而家全部唔知去晒邊。細個仲好鍾意自己畫牛仔,因為貪佢容易畫,尤其係個頭。我o個時諗:牛仔個頭咁大,著唔到過頭笠既T-shirt,只可以畫佢著裇衫。

但我都唔知原來我睇既係第三代牛仔,仲有第一、二代呢!


[引用] | 作者 Kennes | 16-Feb-06 | [舉報垃圾留言]

[24] 回:agnes
agnes :
我好喜歡牛仔啊......這是我其中一本讓孩子看的香港漫畫啊!很溫情,很好笑......王司馬英年早逝,實在可惜。

真的很可惜! 如果唔係牛仔可以培我讀中學同大學…


[引用] | 作者 阿文 | 16-Feb-06 | [舉報垃圾留言]

[25] 回:皇后
皇后 :
我都有睇過牛仔呀...不過,印象好模糊

咁就睇住我貼果三個漫畫吊住引啦!


[引用] | 作者 阿文 | 16-Feb-06 | [舉報垃圾留言]

[26] 回:mad dog

妳指八四年?


[引用] | 作者 阿文 | 16-Feb-06 | [舉報垃圾留言]

[27] 回:Ken
One Ken :
--> 「好似有個雞香餅廣告係用牛仔拍。」...........
阿文,o個個應該係雞脾餅廣告,唔係雞香餅廣告呀。
兩款餅應該以經絕跡了,好多時往往要等失去才覺得珍惜...
另外,看來你的年紀應該有番咁上下... :>

又好似係... 好o野!
咁你年紀都同我相約.


[引用] | 作者 阿文 | 16-Feb-06 | [舉報垃圾留言]

[28] 回:kennes
Kennes :
我細個都有買過三四本牛仔,而家全部唔知去晒邊。細個仲好鍾意自己畫牛仔,因為貪佢容易畫,尤其係個頭。我o個時諗:牛仔個頭咁大,著唔到過頭笠既T-shirt,只可以畫佢著裇衫。
但我都唔知原來我睇既係第三代牛仔,仲有第一、二代呢!

我細個都好鐘意畫牛仔, 尤其是個側面.


[引用] | 作者 阿文 | 16-Feb-06 | [舉報垃圾留言]

[29] Re: 蝦米回阿文
阿文 :
妳屋企開書檔嗎?

我家不是開書檔,只是在家附近有一書檔,經常聚集大大小小的人在看「免費書」,當然我也是其中一人啦!


[引用] | 作者 蝦米 | 17-Feb-06 | [舉報垃圾留言]

[30] 回:蝦米
蝦米 :
我家不是開書檔,只是在家附近有一書檔,經常聚集大大小小的人在看「免費書」,當然我也是其中一人啦!

估唔到可以咁樣…咁老闆唔會趕你地走嗎?有理由做齋睇唔賣o既生意。


[引用] | 作者 阿文 | 17-Feb-06 | [舉報垃圾留言]

[31]

成日覺得王司馬d公仔甩皮甩骨,但係我又好鐘意睇喎!emoticon


[引用] | 作者 silly | 17-Feb-06 | [舉報垃圾留言]

[32] 回:三姑
silly :
成日覺得王司馬d公仔甩皮甩骨,但係我又好鐘意睇喎!

唔係甩皮甩骨,只係個人風格。


[引用] | 作者 阿文 | 17-Feb-06 | [舉報垃圾留言]

[33]

家里的珍藏《牛仔》同《老夫子》全部在美国!


[引用] | 作者 金婆婆@广州 | 17-Feb-06 | [舉報垃圾留言]

[34] 回:金婆婆
金婆婆@广州 :
家里的珍藏《牛仔》同《老夫子》全部在美国!

咁咪有等於冇!?


[引用] | 作者 阿文 | 17-Feb-06 | [舉報垃圾留言]

[35]

我細個都好鍾意睇﹐都係喺圖書館睇嘅。記憶中有好多本﹐究竟總共有幾多本呢﹖...


[引用] | 作者 water_dam | 18-Feb-06 | [舉報垃圾留言]

[36] 回:water_dam
water_dam :
我細個都好鍾意睇﹐都係喺圖書館睇嘅。記憶中有好多本﹐究竟總共有幾多本呢﹖...

博益呢個版杠就出o左一共四十一期。


[引用] | 作者 阿文 | 18-Feb-06 | [舉報垃圾留言]

[37]

我小時侯都有睇,不過比較喜歡13點,因為多靚衫...另外就係[兒童樂園],媽媽期期都買..


[引用] | 作者 Poo | 18-Feb-06 | [舉報垃圾留言]

[38] 回:poo

兒童樂園令我想起有段時間,小學可以訂購呢一類形讀物,可惜果陣時屋企冇錢,所以冇訂。睇見其他同學有訂,班主任派書,大部份同學有書睇,果時我有o的眼紅。所以我好珍惜我擁有《牛仔》。


[引用] | 作者 阿文 | 21-Feb-06 | [舉報垃圾留言]

[39]

借這篇文章引用一下!^^


[引用] | 作者 agnes | 02-Mar-06 | [舉報垃圾留言]

[40] 回:agnes
agnes :
借這篇文章引用一下!^^

難得有人欣賞,OK!


[引用] | 作者 阿文 | 02-Mar-06 | [舉報垃圾留言]

[41]

牛仔呢本漫畫真係好好睇啊...
每個短小的故事都放左落四格圖畫內,當中你會感受到王司馬的震撼威力,睇完每個故事都會覺得好warm,好好笑,好開心,不知點解,當時十一,二歲既我,真的睇到會心微笑,好正!
仲記得當年我要去便便既時候,帶埋佢係廁所睇,會去得暢快點...哈哈..

而家我都廿八歲啦,唉!回想起呢本漫畫,陪伴左我及給我童年時,讀小學時好多開心回憶,真係好回味呀...

我好有衝動想去書局買番本牛仔珍藏版...

i am loving it!!!


[引用] | 作者 阿洸 | 14-Mar-06 | [舉報垃圾留言]

[42] 回:阿洸
阿洸 :
牛仔呢本漫畫真係好好睇啊...每個短小的故事都放左落四格圖畫內,當中你會感受到王司馬的震撼威力,睇完每個故事都會覺得好warm,好好笑,好開心,不知點解,當時十一,二歲既我,真的睇到會心微笑,好正!仲記得當年我要去便便既時候,帶埋佢係廁所睇,會去得暢快點...哈哈..
而家我都廿八歲啦,唉!回想起呢本漫畫,陪伴左我及給我童年時,讀小學時好多開心回憶,真係好回味呀...
我好有衝動想去書局買番本牛仔珍藏版...
i am loving it!!!

邊度有牛仔珍藏版賣?同博益出板果o的有乜分別?


[引用] | 作者 阿文 | 14-Mar-06 | [舉報垃圾留言]

[43] Re: 回:阿文

我有一日無意中去左時化廣場頂樓間page one睇到有本博益出版既牛仔珍藏版喎,好似係黃色封面架...


[引用] | 作者 阿洸 | 15-Mar-06 | [舉報垃圾留言]

[44] 牛仔同契爺

我細個都好鐘意睇牛仔。我有齊全套牛仔O架,全部都係我爸爸買O既。鐘意睇牛仔係因為覺得佢同契爺O既關係同我同我爸爸O既關係有O的似,尤其是係佢地兩個成日做埋晒O的無謂野,跟住就會出現一個叉住腰O既契媽(?)。哈哈!唔知係咪太代入,當我發現牛仔O個個係契爺而唔係爸爸O既時候,我驚到喊!O個時實在太細個啦,無想像過會有小朋友係唔係同爸爸媽媽一齊生活O既。其實點解O個個要係契爺而唔係親生爸爸呢?我O既意思係,點解作者唔話佢地係一個好普通O既爸爸媽媽加小朋友O既家庭呢?


[引用] | 作者 April | 03-Apr-06 | [舉報垃圾留言]

[45] 回:阿洸
阿洸 :
我有一日無意中去左時化廣場頂樓間page one睇到有本博益出版既牛仔珍藏版喎,好似係黃色封面架...

原來如此... 唔該晒!


[引用] | 作者 阿文 | 04-Apr-06 | [舉報垃圾留言]

[46]

我想問下 牛仔d書起邊到買到呀


[引用] | 作者 文仔2006 | 17-Jun-06 | [舉報垃圾留言]

[47] 回:文仔2006
文仔2006 :
我想問下 牛仔d書起邊到買到呀

從第45篇留言中, 阿恍o向3月15日話時代廣場的page one, 有本博益出版既牛仔珍藏版喎,好似係黃色封面... 咁你試試去果度留意o下.


[引用] | 作者 阿文 | 17-Jun-06 | [舉報垃圾留言]

[48] Re: 回:阿文
阿洸 :
我有一日無意中去左時化廣場頂樓間page one睇到有本博益出版既牛仔珍藏版喎,好似係黃色封面架...

唔知依家仲有冇得買呢?


[引用] | 作者 阿歷 | 10-Jul-06 | [舉報垃圾留言]

[49] 冰到

冰到有牛仔的漫畫買呀??
如果知請你打電話比我啦~thx~(24732886)


[引用] | 作者 sky | 31-Aug-06 | [舉報垃圾留言]

[50]

關於王司馬的晚年:

http://www.kungfuboard.com/forums/showthread.php?t=33129


[引用] | 作者 羊女 | 30-Oct-06 | [舉報垃圾留言]

Next