香港新浪網 MySinaBlog
« 上一篇 | 下一篇 »
阿文 | 26-Feb-06 | 曼聯足球 | (1256 Reads)

憑著朗尼上下半場各入一球,加上沙夏與C朗拿度的入球,曼聯以4:0的戰果擊敗韋根,奪得今屆英格蘭聯賽盃冠軍。

聯賽盃向來不是大球會的獵物,曼聯也不例外,對上一次贏得這項盃賽,已是十四年前的事。不太重視這項盃賽的曼聯,多年來只安排副選應戰,被對手打敗,也不覺得可惜;但對今季的曼聯來說,卻意義重大。

  1. 曼聯於上個球季四大皆空,今季的歐冠盃早已出局,足總盃亦剛於上週被利物浦淘汰,聯賽又被車路士抛離十五分之多,球會唯一的希望便是聯賽盃。若曼聯戰敗的話,將會是連續兩年四大皆空,是球會近年最大的遺憾。
  2. 史密夫上週勇戰受傷,需要養傷多月。這一仗大家是為他而戰,捧盃的意義十分重大,一洗球會近日接二連三負面新聞的悶氣。
  3. 新加盟的球員終可與隊友共享冠軍滋味,加深球員間的團結。

的確,曼聯需要這個冠軍,來激勵士氣。希望球隊能保持這精神,確保聯賽亞軍一席位置,以免下季歐聯要打附加賽,令部份要參與今屆世界盃的球員在開季前出現疲態。

======================================================
好友連結:
捧杯! (阿瀨)
重嚐冠軍滋味 (笠臣)
FOR YOU SMUDGE (藍秋)


[1]

看見朗尼仔入第二球時的喜悅,真的令我很高興呢。

但最不得我心的是C朗有幾下過分賣弄的球技(凌空控球),有點「暴發戶」的心態,其實那樣做是冇必要的,反而趕狗入窮巷,有機會招至Wigan 的人老羞成怒踢多佢腳呢...


[引用] | 作者 One Ken | 28-Feb-06 | [舉報垃圾留言]

[2]

呢D未叫贏波輸品囉~~


[引用] | 作者 舒舒 | 28-Feb-06 | [舉報垃圾留言]

[3]

同意以上3個點, 特別係第三個point. 除了對幫助新球員更溶入球隊及激勵士氣外.   對一些老將也好緊要, 像傑斯及加利仔. 傑斯定多再出多一至兩界, 任何一個杯也可能係到數的了(當然我希望曼聯在他退休前回復霸氣, 在不同的冠軍台上再見到他的頑童笑瞼!), 而且昨日, 他係打足全場. 

今個獎杯係加利仔第一次帶上隊長章而得到的, 意義亦好大, 對他信心及能力起到更好作用!!  但雲佬真係好無奈, 本來熱身啦, 但朗尼入咗球後, 情況轉變, 冇得打, 最後換哂新人出去感受.  你個時卒緊眼, 睇唔到鏡頭下的雲佬, 真係好無"引", 唉!  真係踢幾分鐘都好呀!!  慘情!!

昨日, 他們全隊係穿上"For You Smudge"一齊領獎, 個刻好warm, 最衰間bar cut了聲而播Air Supply, 另氣氛好不倫不類.  睇番曼網個面d電車之友真係好high, 又玩人龍, 又有網主除衫助慶 (相信係學C朗), 但靜靜地欣賞都不壞呀!!  講開C朗, 唉! 又回復本性啦!!  又玩花步及在敵軍面前自我轉體!!  真係唔生性, 好彩冇mud事, 仲要比佢入一球.....!  加利仔個烏龍都好驚險, 另我地本來要不斷咬餅提神, 可以有番精神!! 隊長, 下次小心啦!!  

個間bar D 薯條冇Champs咁好食, 但有骨肉腸好好食好香口呀!! emoticon

 


[引用] | 作者 女伯爵 | 28-Feb-06 | [舉報垃圾留言]

[4] 回:Ken
One Ken :
看見朗尼仔入第二球時的喜悅,真的令我很高興呢。
但最不得我心的是C朗有幾下過分賣弄的球技(凌空控球),有點「暴發戶」的心態,其實那樣做是冇必要的,反而趕狗入窮巷,有機會招至Wigan 的人老羞成怒踢多佢腳呢...

朗尼終於入波當然高興, 但見到C朗回復以往討厭本色, 真係火都o黎... 希望大家唔好俾勝利沖壞o左個腦, 要正視呢個問題. 哈哈! 我估C朗遲早會被人整獲, 等佢冇得踼世界盃.


[引用] | 作者 阿文 | 28-Feb-06 | [舉報垃圾留言]

[5] 回:舒夫真高
舒舒 :
呢D未叫贏波輸品囉~~

好彩你呢句應該係回應One Ken的... 如果回應我, 我就真係R頭???


[引用] | 作者 阿文 | 28-Feb-06 | [舉報垃圾留言]

[6] Re: One Ken
One Ken : 看見朗尼仔入第二球時的喜悅,真的令我很高興呢。但最不得我心的是C朗有幾下過分賣弄的球技(凌空控球),有點「暴發戶」的心態,其實那樣做是冇必要的,反而趕狗入窮巷,有機會招至Wigan 的人老羞成怒踢多佢腳呢...

係呀, 最開心都係睇到朗尼入個兩球, 一個前鋒, 要有波入才有heart的, 他之前12場的努力, 卒之有回報.

C朗個幾下, 唉!  真係好唔得!!  睇黎又係時候坐下泠板凳啦!!  除衫個下, 最好比紅, 佢除衫挑釁嗎!!  加利仔個單連警察及足總都介入, 佢除衫仲嚴重啦!!emoticon


[引用] | 作者 女伯爵 | 28-Feb-06 | [舉報垃圾留言]

[7] 回:女伯爵
女伯爵 :
係呀, 最開心都係睇到朗尼入個兩球, 一個前鋒, 要有波入才有heart的, 他之前12場的努力, 卒之有回報.
C朗個幾下, 唉!  真係好唔得!!  睇黎又係時候坐下泠板凳啦!!  除衫個下, 最好比紅, 佢除衫挑釁嗎!!  加利仔個單連警察及足總都介入, 佢除衫仲嚴重啦!!

哈哈! 但人地有波入o架, 叫人座冷板, 費sir第一個唔會咁做. 俾佢班fan屎見到妳咁講, 仲唔放火燒城堡?
至於除衫呢家o野, 唉! 算吧啦! 人地開心o麻!? 不過佢又真係好大隻, 不過唔及得寶雲道上果位阿哥咁大隻...


[引用] | 作者 阿文 | 28-Feb-06 | [舉報垃圾留言]

[8] Re: 回:阿文
阿文 : 哈哈! 但人地有波入o架, 叫人座冷板, 費sir第一個唔會咁做. 俾佢班fan屎見到妳咁講, 仲唔放火燒城堡?至於除衫呢家o野, 唉! 算吧啦! 人地開心o麻!? 不過佢又真係好大隻, 不過唔及得寶雲道上果位阿哥咁大隻...

除衫又冇MUD特別, 科蘭都常除衫啦, 仲除得好"輪盡"添!!  記得 科蘭無著球衣滿場跑-曼聯vs修咸頓 英超2002-11-02  真係好搞笑, 著唔番件衫.  

我覺得現在除衫比黃牌, 唔多唔少係比因為個次!!  suggest 比紅牌C朗豬豬都係純粹搞下笑jei!  佢除衫時, 我個心都有嘩到, 估唔到佢咁大隻, 又黑又實, 仲有六神合體添!!  唔似傑斯, 太多chest hair 睇唔到佢個body (死啦, 女伯爵係到討論男人身體, 唔怕羞咩!! emoticon)   寶雲道個大隻佬, 太大隻啦!  唔鍾意!! 


[引用] | 作者 女伯爵 | 28-Feb-06 | [舉報垃圾留言]

[9] 回應

無錯...我相信曼聯的不死精神會再度重現於我們眼前


[引用] | 作者 藍秋 | 28-Feb-06 | [舉報垃圾留言]

[10]

re: 阿文

講開世界盃,c 朗往往打葡萄牙國家隊都有坐作呢? 除了因為打法不同外,冇左著曼聯 7 號波衫的負擔,人也打得爽起來 (仲有狄高、費高等老大哥頂住...)

 


[引用] | 作者 One Ken | 28-Feb-06 | [舉報垃圾留言]

[11]

re: 女伯爵

因為加利仔涉嫌挑釁利記球迷ma,是不同的。但講真足球呢家野好多時都好 emotional ,無論除衫、向球迷呼喊等行為都係人次常情,有時真係好難製止...


[引用] | 作者 One Ken | 28-Feb-06 | [舉報垃圾留言]

[12] Re: One Ken
One Ken : re: 女伯爵 因為加利仔涉嫌挑釁利記球迷ma,是不同的。但講真足球呢家野好多時都好 emotional ,無論除衫、向球迷呼喊等行為都係人次常情,有時真係好難製止...

Hello One Ken 你好呀.  其實除衫及向球迷歡呼也是合理的做法, 我都好喜歡睇球員入波後的慶祝方法 - 李奧喜歡像獅子咆哮, 好形!  雲佬則像馬般在風中馳走, 當然難忘那次科爾心臟病發身亡, 享利入波後滿臉淚水指向天去記念他.....!

我不是太喜歡C朗; 所以純粹拿他來開下玩笑.  我地曼聯網近來訪問了馬嶽教授, 非常值得曼迷一睇的: 教授足球


[引用] | 作者 女伯爵 | 28-Feb-06 | [舉報垃圾留言]

[13]

re: 女伯爵

哎呀,真是失禮,原來你們搞「曼聯網」嗎? 值得支持呀!

我就鐘意巴迪高那種激情的叫喊!

我也十分喜歡看馬嶽講足球的文章,他每期在Cup雜誌都有個足球資訊及戰術專欄,我每期都第一時間睇! 依稀記得,兩年前歐洲國家杯前夕佢就係估希臘羸冠軍呀,犀利!


[引用] | 作者 One Ken | 28-Feb-06 | [舉報垃圾留言]

[14] Re: One Ken
One Ken : re: 女伯爵哎呀,真是失禮,原來你們搞「曼聯網」嗎? 值得支持呀! 我就鐘意巴迪高那種激情的叫喊! 我也十分喜歡看馬嶽講足球的文章,他每期在Cup雜誌都有個足球資訊及戰術專欄,我每期都第一時間睇! 依稀記得,兩年前歐洲國家杯前夕佢就係估希臘羸冠軍呀,犀利!

我係曼網只是一個小小committee, 主力搞活動, 維持網站秩序及發表有質數文章就要等國王及阿文佢地做啦.    歡迎到曼聯網forum 坐坐.


[引用] | 作者 女伯爵 | 28-Feb-06 | [舉報垃圾留言]

[15] 回:藍秋
藍秋 :
無錯...我相信曼聯的不死精神會再度重現於我們眼前

下季我地一定會返o黎!


[引用] | 作者 阿文 | 28-Feb-06 | [舉報垃圾留言]

[16] 回:Ken
One Ken :
re: 阿文
講開世界盃,c 朗往往打葡萄牙國家隊都有坐作呢? 除了因為打法不同外,冇左著曼聯 7 號波衫的負擔,人也打得爽起來 (仲有狄高、費高等老大哥頂住...)
 

咁樣講法, 當迪高同費高有朝一日退出國家隊, 條友仔可能會亂o黎!


[引用] | 作者 阿文 | 28-Feb-06 | [舉報垃圾留言]

[17] 回:Ken
One Ken :
re: 女伯爵
因為加利仔涉嫌挑釁利記球迷ma,是不同的。但講真足球呢家野好多時都好 emotional ,無論除衫、向球迷呼喊等行為都係人次常情,有時真係好難製止...

加利仔單野我覺得有o的無聊, 足總處理o米可以o羅, 洗唔洗出埋警方? 又唔係打交! 小題大做!


[引用] | 作者 阿文 | 28-Feb-06 | [舉報垃圾留言]

[18] Re: 回:Ken
阿文 :
One Ken :re: 阿文講開世界盃,c 朗往往打葡萄牙國家隊都有坐作呢? 除了因為打法不同外,冇左著曼聯 7 號波衫的負擔,人也打得爽起來 (仲有狄高、費高等老大哥頂住...) 咁樣講法, 當迪高同費高有朝一日退出國家隊, 條友仔可能會亂o黎!

那就放長雙眼看看他在世界盃的表現吧!


[引用] | 作者 One Ken | 01-Mar-06 | [舉報垃圾留言]