香港新浪網 MySinaBlog
« 上一篇 | 下一篇 »
阿文 | 24-Mar-06 | 信仰點滴, 回憶記錄 | (2698 Reads)

平均分: 10.00 | 評分人數: 1
我的表叔公是慈幼會的修士,穿梭於修會在港澳區內的中學任教。家人為了我升中派位而特意向他請教,他建議我就讀教會學校,並推薦慈幼會於港島區內的聖類斯中學、香港鄧鏡波書院、香港仔工業學校及慈幼中學。由於他當時在香港仔工業學校任職,建議我選擇這一所中學為我的第一志願。

初次見面
結果,我成了香港仔工業學校的學生。家人聽聞這是一間寄宿學校,有意讓我嘗試寄宿的生活。由於我家在灣仔,與香港仔只有十五分鐘的車程,沒有必要寄宿。於是,這次要勞煩表叔公的引薦。一個下午,穿著小學校服的我,與母親及表叔公會見當時母校的院長兼校監陳日君神父(Rev. Fr. Joseph Zen)。

他的辦公室位於舊校舍的一樓,地方闊落。他樂意帶我們到母校四處參觀,看看校園,看看宿舍,然後返回他的辦公室,再與我們閒談。最後,他問了我一個關乎我人生的一個問題,定睛問我喜歡在那兒寄宿嗎?我被嚇得六神無主下,便應允了他。就是這樣,我成了當屆第一位宿生。我就是在那兒第一次跟陳日君神父見面,事隔差不多十九年。

中一的回憶
陳神父是一位足球愛好者。宿舍的生活很有規律,定時起床、定時進餐、定時溫習、定時活動、定時睡覺。當中的活動環節,神長們帶領我們踢足球或打籃球。他負責在足球場上看管我們,並經常與我們一起踢足球。我印像最深的就是他那準而急勁的球鎚,當皮球從敵方高處落下,到他的面前時,他會大聲叫到:「有!」,然後把眼鏡除下,跳起頂球,再戴回眼鏡,看看足球飛往那裡。短短數秒間,可見神父的活力。

他熱愛郊遊,在他的帶領下,我們佂服不少山嶺,近則香港仔水塘一帶山脈或蓮花宮山,遠則獅子山,鶴藪水塘一帶,還有鹿頸到新娘潭。「不困難的山路不走」是他遠足的哲理,記得由黃泥涌峽走往大潭的一段路是多麼的輕鬆,但他卻帶我們走另一條路。我們從陽明山莊出發,經港島徑到金督馳馬徑,繞過蓮花宮山,再往柏架山道去,最後抵達大潭水塘。當中的蓮花宮山一段相當難走,在無路可走的情況下,要爬上一塊三個人高的岩石,心驚膽跳的我們,在不敢向下望的情況下,一個一個的給他牽著爬上。背後的維多利亞港雖然繁華壯觀,但我們害怕得沒有心情去飽覽。有一次,我們登上獅子山,在霧氣重重的氣氛下,我們爬到獅子頭上,並一起進餐,又是一個美好的回憶。

慈幼會的會祖聖若望鮑思高神父(St. John BOSCO, 1815-1888)特別孝愛聖母,他所行的神蹟大多與聖母有著密切的關係。因此,每一位慈幼會會仕都尊敬聖母。陳神父也是一樣,每次跟他出遊,他總會帶領我們頌念一篇聖母經,才讓旅遊車司機駛車。亦是他,我們每晚睡前才有個良好的習慣,就是頌諗三篇聖母經。我們深信,在聖母的護蔭下,天父會保守我們每一次遊程和每一個晚上。

好幾次跟他交往,我發覺他為人大方,不與人計較,亦希望我們不與人計較。入宿的第二個星期,我在足球場上被同學將眼鏡踢破,左眼有個很難看的熊貓眼。他特地照顧我,為我備上熟雞蛋去瘀,還想帶我出外配眼鏡,他知道我當時沒有金錢在身,打算為我付上所需的費用,亦不需我還給他。幸好,我家還有一副備用的眼鏡,當晚我叫家人帶到學校。這可見他的一份厚愛。又有一次與他外出,午飯由他請客。我們看過菜單,點了最便宜的食物,但有一位同學點了一款昂貴的大餐,並給我們喝止,陳神父便叫我們不要與那同學斤斤計較,也不要為他的荷包設想,叫我們改吃自己想吃的東西。

中二的回憶
作為一個領袖,須具有吸引力,這可以在他身上找到。在他的帶領下,修士們以愛心照料我們。最經典的,莫過於把一位「又肥又串」的修士,於一年間指導成和善有禮的人,現在那修士已是一名神父了。我和幾位同學,也受到同化,曾一度立志要做神父,可是花花世界,離開母校的我們,只知女人香,卻忘記了這個小志願。

每個人都有花名,陳神父也不例外。當年有套叫「火頭智多星」的日本動畫,主角味吉陽一的師傅,名叫丸井。「丸井」跟「院長」的發音相近,加上陳神父的廣東話向來帶點家鄉風味,我們效法他的上海音,紛紛稱他「丸井」,他亦欣然接受。說到花名,課餘時,他也喜歡用我們的花名來溝通,好像「馬騮仔」、「貓仔」、「UFO」…修士們的,他也不會放過,「炸両」(瘦到皮包骨)、「肥串」(又肥又串)叫得多麼親切。他融入了我們的世界,我們他融入他的國度;就如父認識了耶穌,耶穌也認識祂一樣。

暫別
中三那年,他返回內地,於多間神學院任教。宿舍的生活頓時變得單調,沒有神長肯承擔重責,帶領幾十人在山頭遊行。愛心雞蛋、可愛的上海口音及每晚的訓話成了我們的回憶。

重逢
千禧年間,於一個偶然的機會下,我走到中環的公教進行社。不久,陳副主教也光臨此地。他看見我,便走來向我問好,感到榮幸的,不是他還記得我,而是我可正大光明地向他表示,我這個臭小子已領洗了多年。他所努力栽培的小種籽,雖不能在他面前發芽,但那一刻已開花結果。我於九二年領洗,同年加入聖母軍。他還記得,當年他離開母校,我和哥哥所送給他的一把瑞士軍刀,他說這把刀很實用,當時還用著呢。

今日.明日
今天,陳主教晉陞為樞機,我衷心向他送上無限的祝福。願上主給他智慧與魄力,繼續帶領信徒面對一切教會上的困難,使我們成為地上的鹽,世界的光。

=======================================================
陳日君樞機小檔案
一九三二年一月十三日   出生於上海
一九六一年二月十一日   晉鐸於意大利都靈
一九七八年至一九八三年間 任慈幼會中華省會長
一九八九年至一九九六年間 於國內多間神學院任教
一九九六年十月二十日    獲任香港教區助理主教
一九九六年十二月九日   晉牧
二零零二年九月二十三日  就任香港教區主教
二零零六年三月二十四日  晉陞樞機


[1]

有好多人也不應同陳樞機的政治表達, 會拿他作話題. 而你對陳樞機則就擁有其他人看不到的一面 ~ 一位慈祥, 有魄力, 大方, 有智慧的Spiritual Leader.

今日看了兩篇另我感動的文章, 一篇係竟成回波波的留言; 另一篇就係"樞機與阿文" 


[引用] | 作者 女伯爵 | 24-Mar-06 | [舉報垃圾留言]

[2] 回:女伯爵

作為一個教友, 樞機有關宗教o既言論, 我地要聽. 但宗教與政治不能掛鉤, 由於我有時都唔認同佢講o既o野, 所以有關佢o既政治言論, 我未必會聽從...

所以我o既祝福有暗語: 「願上主給他智慧與魄力,繼續帶領信徒面對一切教會上的困難,成為地上的鹽,世界的光。」

只是宗教, 沒有政治...


[引用] | 作者 阿文 | 24-Mar-06 | [舉報垃圾留言]

[3]

我都係香工舊生


[引用] | 作者 ZeRo | 24-Mar-06 | [舉報垃圾留言]

[4]

ha, 唔知點解睇完之後, 忽然間自己係慈幼仔的身份又浮現..雖然我不是教會人士, 更加未肯定任何宗教, 但在ats足足的5年,每位修士神父, 他們真的無私咁對你地班死仔好,"無私" 呢一點的確係被佢地感染得最厲害, 提起足球狂熱的修士,我果屆就有個叫吳炳誼, f.2時俾佢射中個頭, 訓左係地下...
ha, 令人點味的母校


[引用] | 作者 zero | 24-Mar-06 | [舉報垃圾留言]

[5]

咦!咩原來zero都係舊生?阿文我地又多個同學仔了.講起修士,不得不提起當年的"火水".我到依家都唔知佢真名係mud?


[引用] | 作者 parker | 24-Mar-06 | [舉報垃圾留言]

[6] TO: ZeRo, Parker 及 阿文

嘩 ~ 舊生會重聚日呀!!

mud 曼網咁多人讀香工, 我有兩個好朋友都係讀香工.  遲d會唔會有數皇, 元sir, 拜禮仁費格遜,hoixxxxchu....等等都路過入黎相認?? emoticon 


[引用] | 作者 女伯爵 | 24-Mar-06 | [舉報垃圾留言]

[7] 回: 阿文
阿文 : 作為一個教友, 樞機有關宗教o既言論, 我地要聽. 但宗教與政治不能掛鉤, 由於我有時都唔認同佢講o既o野, 所以有關佢o既政治言論, 我未必會聽從... 所以我o既祝福有暗語: 「願上主給他智慧與魄力,繼續帶領信徒面對一切教會上的困難,成為地上的鹽,世界的光。」只是宗教, 沒有政治...

政教合一係一個超級複習的課題, 要好小心去handle, 免得成為工具.  我地在主日崇拜也會touch到, 亦會討論.........始終一天未返天國, 在世上也要了解如何在公民上為主作好見證,  而且耶穌也教導我們要為在位的祈禱.   

哈哈....唔記得問你.....咁你的花名係mud 野?? emoticon

 

 


[引用] | 作者 女伯爵 | 24-Mar-06 | [舉報垃圾留言]

[8] 回:ZeRo
ZeRo :
我都係香工舊生

我應該叫你做師兄定師弟好? 你邊一年畢業? 我九五年中七畢業呢...


[引用] | 作者 阿文 | 24-Mar-06 | [舉報垃圾留言]

[9] 回:ZeRo
zero :
ha, 唔知點解睇完之後, 忽然間自己係慈幼仔的身份又浮現..雖然我不是教會人士, 更加未肯定任何宗教, 但在ats足足的5年,每位修士神父, 他們真的無私咁對你地班死仔好,"無私" 呢一點的確係被佢地感染得最厲害, 提起足球狂熱的修士,我果屆就有個叫吳炳誼, f.2時俾佢射中個頭, 訓左係地下...ha, 令人點味的母校

吳炳誼... 個名好熟... 但冇乜印象...


[引用] | 作者 阿文 | 24-Mar-06 | [舉報垃圾留言]

[10] 回:parker
parker :
咦!咩原來zero都係舊生?阿文我地又多個同學仔了.講起修士,不得不提起當年的"火水".我到依家都唔知佢真名係mud?

其他神父修士花名...
謝家賢神父(已故) 謝四哥
劉戩雄神父    牛"展"雄
梁幹潮神父    炸両
梁定國神父    肥串
孔志剛修士    孔老/荷蘭佬
胡德賢修士    葫蘆
葉際趨修士    老葉
林仲基修士    火水老


[引用] | 作者 阿文 | 24-Mar-06 | [舉報垃圾留言]

[11] 回:女伯爵
女伯爵 :
嘩 ~ 舊生會重聚日呀!!
mud 曼網咁多人讀香工, 我有兩個好朋友都係讀香工.  遲d會唔會有數皇, 元sir, 拜禮仁費格遜,hoixxxxchu....等等都路過入黎相認??  

數皇佢唔係自稱佢係皇仁舊生o羊?


[引用] | 作者 阿文 | 24-Mar-06 | [舉報垃圾留言]

[12] 回:阿文
女伯爵 :
政教合一係一個超級複習的課題, 要好小心去handle, 免得成為工具.  我地在主日崇拜也會touch到, 亦會討論.........始終一天未返天國, 在世上也要了解如何在公民上為主作好見證,  而且耶穌也教導我們要為在位的祈禱.   
哈哈....唔記得問你.....咁你的花名係mud 野??
 
 

我個花名係乜呢?


[引用] | 作者 阿文 | 24-Mar-06 | [舉報垃圾留言]

[13] 回:ZeRo

zero仔, 睇完你個blog... 唔! 願來你係細過我. 咁我估計我中六時, 你就中一... 我當時做風紀早更守中一課室樓梯位. 有時班死靚仔串串供, 將prefect叫做perfect. 唔知你有冇份呢? 哈哈!

... 明明寫陳樞機, 但覆o下覆o下, 變o左香工花月夜, 神父修士花名大全...


[引用] | 作者 阿文 | 24-Mar-06 | [舉報垃圾留言]

[14] Re: 回:ZeRo
阿文 :
zero仔, 睇完你個blog... 唔! 願來你係細過我. 咁我估計我中六時, 你就中一... 我當時做風紀早更守中一課室樓梯位. 有時班死靚仔串串供, 將prefect叫做perfect. 唔知你有冇份呢? 哈哈!
... 明明寫陳樞機, 但覆o下覆o下, 變o左香工花月夜, 神父修士花名大全...

嘩...又相認呀
Zero 咁曳, 一定有份呀
罰佢啦 Perfect!!!


[引用] | 作者 國王 | 24-Mar-06 | [舉報垃圾留言]

[15]

我都覺得樞機好好人,每次o係電視上面見到佢好親切。


[引用] | 作者 啤梨 | 25-Mar-06 | [舉報垃圾留言]

[16] 回:國王
國王 :
阿文 :zero仔, 睇完你個blog... 唔! 願來你係細過我. 咁我估計我中六時, 你就中一... 我當時做風紀早更守中一課室樓梯位. 有時班死靚仔串串供, 將prefect叫做perfect. 唔知你有冇份呢? 哈哈!... 明明寫陳樞機, 但覆o下覆o下, 變o左香工花月夜, 神父修士花名大全...

嘩...又相認呀Zero 咁曳, 一定有份呀罰佢啦 Perfect!!!


係呀! 又相識啦! 又要多謝國王...


[引用] | 作者 阿文 | 25-Mar-06 | [舉報垃圾留言]

[17] 回:啤梨
啤梨 :
我都覺得樞機好好人,每次o係電視上面見到佢好親切。

佢敢作敢言, 而且和善親切... 佢以前o向聖堂, 宿舍講o野好有說服力. 不過呢, 佢o向電視機就講社會時事就...


[引用] | 作者 阿文 | 25-Mar-06 | [舉報垃圾留言]

[18]

我對樞機0既印象真係ma ma,可能佢成日發表一0的驚人0既政治偉論。
我成日覺得佢唔出聲已經幫0左好多人~~~最記得世貿舉行期間,佢話香港警察無用...


[引用] | 作者 皇后 | 25-Mar-06 | [舉報垃圾留言]

[19]
阿文 :
啤梨 :我都覺得樞機好好人,每次o係電視上面見到佢好親切。佢敢作敢言, 而且和善親切... 佢以前o向聖堂, 宿舍講o野好有說服力. 不過呢, 佢o向電視機就講社會時事就...

哈哈!! 我都明白呢點, 有次唔記得佢話邊個, 笑到我同舒舒屎咁濟......


[引用] | 作者 啤梨 | 25-Mar-06 | [舉報垃圾留言]

[20] 我與明星的合照 - 430 穿梭機 年代

Hello,你好嗎? ^_^
我無玩Sina嘅BLOG架, 但係有玩Yahoo.
頭先睇列到你之前同BLOG友傾關於430穿梭機 & 閃電傳真機嘅 Topic, 有時間去睇吓我個 BLOG 啦, 有d舊相呀~ 應該會勾起你一d 回憶嘅!!! ^__* hehe...



[21] 回:皇后
皇后 :
我對樞機0既印象真係ma ma,可能佢成日發表一0的驚人0既政治偉論。我成日覺得佢唔出聲已經幫0左好多人~~~最記得世貿舉行期間,佢話香港警察無用...

其實我都幾驚佢o向新聞報導時發表意見... 我老細都好唔鐘意佢, 有次同老細一齊睇新聞, o向我面話佢壞話... 我好唔安樂, 因為我好矛盾.


[引用] | 作者 阿文 | 26-Mar-06 | [舉報垃圾留言]

[22] 回:啤梨
啤梨 :
哈哈!! 我都明白呢點, 有次唔記得佢話邊個, 笑到我同舒舒屎咁濟......

真係怕佢上電視...


[引用] | 作者 阿文 | 26-Mar-06 | [舉報垃圾留言]

[23] 回:Rit@
童星 !!! 鄭伊健殺手 :
Hello,你好嗎? ^_^我無玩Sina嘅BLOG架, 但係有玩Yahoo.頭先睇列到你之前同BLOG友傾關於430穿梭機 & 閃電傳真機嘅 Topic, 有時間去睇吓我個 BLOG 啦, 有d舊相呀~ 應該會勾起你一d 回憶嘅!!! ^__* hehe...

妳個名咁鬼長... 容許我叫妳做rita...
鄭伊健做430穿梭機... 點解我一o的印象都冇? 莫非我已經讀緊中學, 冇得睇兒童節目? 依~ 妳細個又幾得意o番!


[引用] | 作者 阿文 | 26-Mar-06 | [舉報垃圾留言]

[24] Re: 回:parker
阿文 :
parker :咦!咩原來zero都係舊生?阿文我地又多個同學仔了.講起修士,不得不提起當年的"火水".我到依家都唔知佢真名係mud?其他神父修士花名...謝家賢神父(已故) 謝四哥劉戩雄神父    牛"展"雄梁幹潮神父    炸両梁定國神父    肥串孔志剛修士    孔老/荷蘭佬胡德賢修士    葫蘆葉際趨修士    老葉林仲基修士    火水老

好記得孔志剛修士,因為佢真係好慈祥又好鬼玩得的一個修士.


[引用] | 作者 parker | 26-Mar-06 | [舉報垃圾留言]

[25]

提起林仲基, 我覺得佢真係好好人,但佢真係唔識教書...我地f.2果年...全班maths係最低果40名...之後f.3換左發叔, 即刻正常番...

其實我對教會未必有感情, 但對香工, 對修士神父及慈幼仔種感情是種得好深的...而最影響我深遠的李劍華, 更令我似番個人,我曾經令佢失望, 佢因我而唔開心, 或者對李sir黎講我只係佢其中一個學生, 但對我黎講, 佢係曾經令我感動, 令我振奮的班主任,他同我講的道理是一世都難以忘記的...只可惜那時我愛足球同女仔多於學業...

p.s. 我係93年,先入香工的...另外曼網lui姐的老公健哥都係香工的


[引用] | 作者 ZeRo | 27-Mar-06 | [舉報垃圾留言]

[26] 回:parker
parker :
好記得孔志剛修士,因為佢真係好慈祥又好鬼玩得的一個修士.

佢住鴨利洲橋底……旁邊個間屋,名叫Todd Wing(杜德樓)相信係全校唯一一個地方個名係咁洋化……我曾經o向果度住過三年。

孔佬佢好鐘意查電單車出出入入,個樣又有o的似肯德基個代言人,所以佢查電單車時,令我聯想起佢幫肯德基送外賣…

另外,佢亦都係會考E&E呢一科o既出題常客,我地有時都會借頭借路問佢爆o的料o黎聽。佢常然冇講啦!


[引用] | 作者 阿文 | 27-Mar-06 | [舉報垃圾留言]

[27] 回:ZeRo
ZeRo : 提起林仲基, 我覺得佢真係好好人,但佢真係唔識教書...我地f.2果年...全班maths係最低果40名...之後f.3換左發叔, 即刻正常番... 其實我對教會未必有感情, 但對香工, 對修士神父及慈幼仔種感情是種得好深的...而最影響我深遠的李劍華, 更令我似番個人,我曾經令佢失望, 佢因我而唔開心, 或者對李sir黎講我只係佢其中一個學生, 但對我黎講, 佢係曾經令我感動, 令我振奮的班主任,他同我講的道理是一世都難以忘記的...只可惜那時我愛足球同女仔多於學業... p.s. 我係93年,先入香工的...另外曼網lui姐的老公健哥都係香工的

睇o黎下次我個「回憶記錄」要講講中學趣史…

講開班主任,以下係我o既恩師:
中一 劉國賢(你實唔識,因為佢o向我中二果年走o左。佢同林開和好friend)
中二 譚文發(本來叫發哥,但後來叫發叔,因為有套電視劇,入面有間發叔飯店)
中三 李劍華(教o左我成年,可以唔知我叫乜名。但我中六個年,佢終於記得我個名,因為我成日上佢堂訓覺)
中四及中五 霍健強(佢好似都有跟陳樞機去羅馬)
中五重讀 鄭錦容(開頭唔鐘意余太,因為佢當我唔存在。後來有次同佢講返,佢又解釋佢o既女人之苦,之後大家老友o左。不過第二日上余sir堂,佢破天荒用一條深到爆o既問題難我。我心諗,前一晚兩公婆唔知傾過o的乜)
中六及中七 黃鍚年(發明家知我鐘意設計同建築,將佢細老唔要o既設計書報同畫筆等物件送俾我,我簡直執到寶)


[引用] | 作者 阿文 | 27-Mar-06 | [舉報垃圾留言]

[28]

係唔係要黎番個香工回顧呢, haha!

慶叔教中史係中學其中最開心的事情,你地兩位有冇試過?

教我地山海關, 只要記住關海山...點知個個都填關海山, 佢又好男又好笑個樣真係仲記得!

唔知兩位又有冇睇男人四十, 係自己母校拍, 唔知點解每次睇見學友,都會令我想起慶叔同李劍華


[引用] | 作者 ZeRo | 27-Mar-06 | [舉報垃圾留言]

[29] 回:ZeRo
ZeRo :
係唔係要黎番個香工回顧呢, haha!
慶叔教中史係中學其中最開心的事情,你地兩位有冇試過?
教我地山海關, 只要記住關海山...點知個個都填關海山, 佢又好男又好笑個樣真係仲記得!
唔知兩位又有冇睇男人四十, 係自己母校拍, 唔知點解每次睇見學友,都會令我想起慶叔同李劍華

慶叔教中史直情過引啦! 尤其是講打仗, 佢唔會好似史書咁講, 入潼關, 破長安咁簡單. 佢會話邊個邊個帶住幾十萬兵馬由邊度"的力度落, 的力度落" (跑馬聲)去度個度, 再"的力度落, 的力度落" 去到唔知邊樹... 總知語氣同表情十足!
佢o的note係電腦打, 當年係一個突破! 你又記唔記得佢o的皇帝廟號詩歌. 差唔多每個朝代都有. 我就已經失傳, 只係記得以下幾節:
唐代 - 唐玄宗之後個幾句: 肅代德順繼... (肅宗, 代宗, 德宗同順宗繼承玄宗)
宋代 - 宋英宗後個幾句: 神哲徽欽都卞京... (北宗太祖,..., 神宗, 哲宗, 徽宗, 欽宗設都於卞京)


[引用] | 作者 阿文 | 27-Mar-06 | [舉報垃圾留言]

[30]

嘩!你地真係好記性,因為我喺中五時已走左,所以記憶真係唔多,余歐崑係我中四中五時嘅班主任,所以特別深刻,上年見返佢真係發褔左唔少.另外一個好深刻嘅阿sir就係馬sir,佢教中一,二嘅體育,中文,佢真係好好人,成日都笑笑口,我喜歡中文都係因為佢. 阿文,我喺電視都見到霍健強,佢好真係跟左陳樞機去羅馬呀! p.s.咦!你同余太發生咩事?唔通你想做龍澤壽明?同菜菜子.....emoticon


[引用] | 作者 parker | 28-Mar-06 | [舉報垃圾留言]

[31] 回:parker
parker :
嘩!你地真係好記性,因為我喺中五時已走左,所以記憶真係唔多,余歐崑係我中四中五時嘅班主任,所以特別深刻,上年見返佢真係發褔左唔少.另外一個好深刻嘅阿sir就係馬sir,佢教中一,二嘅體育,中文,佢真係好好人,成日都笑笑口,我喜歡中文都係因為佢. 阿文,我喺電視都見到霍健強,佢好真係跟左陳樞機去羅馬呀! p.s.咦!你同余太發生咩事?唔通你想做龍澤壽明?同菜菜子.....

冇... 中六定中七果年, 我o向巴士度同佢傾. 講講下, 我同佢講其實我初初唔鐘意佢, 因為佢唔理我地班repeater... 之後佢就話, 班友仔好鬼跳皮, 理得佢地o黎, 就真係理唔到我地三個... 最後, 佢問我果刻仲有冇唔鐘意佢 (對佢不滿咁解). 我答當然冇啦! 點知第二朝上堂我就出事.

隔o左幾年, 再見返佢地兩公婆, 虞sir都有講呢件事, 我仲笑佢, 唔怪之得第二日佢冇啦啦問我o的咁深o既問題啦! 不過佢都好記性, 咁都仲記得! 之後佢仲o向度陰陰咀笑, miss反而就我怕羞, 唔敢望我地. 我都係第一次見佢咁鬼怕羞.

當佢地仲未結婚, 你班有個同學講o左句好正o既說話o黎話虞sir同miss鄭拍拖. 就係"魚釣(虞歐坤個虞歐)吊錦鯉(鄭錦蓉個錦)".

parker, 點解你連你個班主任個名都寫錯? 我就話隔離班, 寫錯都唔出奇...


[引用] | 作者 阿文 | 28-Mar-06 | [舉報垃圾留言]

[32] Re: 回:parker
阿文 :
parker :嘩!你地真係好記性,因為我喺中五時已走左,所以記憶真係唔多,余歐崑係我中四中五時嘅班主任,所以特別深刻,上年見返佢真係發褔左唔少.另外一個好深刻嘅阿sir就係馬sir,佢教中一,二嘅體育,中文,佢真係好好人,成日都笑笑口,我喜歡中文都係因為佢. 阿文,我喺電視都見到霍健強,佢好真係跟左陳樞機去羅馬呀! p.s.咦!你同余太發生咩事?唔通你想做龍澤壽明?同菜菜子.....冇... 中六定中七果年, 我o向巴士度同佢傾. 講講下, 我同佢講其實我初初唔鐘意佢, 因為佢唔理我地班repeater... 之後佢就話, 班友仔好鬼跳皮, 理得佢地o黎, 就真係理唔到我地三個... 最後, 佢問我果刻仲有冇唔鐘意佢 (對佢不滿咁解). 我答當然冇啦! 點知第二朝上堂我就出事.

隔o左幾年, 再見返佢地兩公婆, 虞sir都有講呢件事, 我仲笑佢, 唔怪之得第二日佢冇啦啦問我o的咁深o既問題啦! 不過佢都好記性, 咁都仲記得! 之後佢仲o向度陰陰咀笑, miss反而就我怕羞, 唔敢望我地. 我都係第一次見佢咁鬼怕羞.
當佢地仲未結婚, 你班有個同學講o左句好正o既說話o黎話虞sir同miss鄭拍拖. 就係"魚釣(虞歐坤個虞歐)吊錦鯉(鄭錦蓉個錦)".
parker, 點解你連你個班主任個名都寫錯? 我就話隔離班, 寫錯都唔出奇...

哈哈!因為我嗰時返學日日瞓,同時下嘅學生一樣,返學只係得過且過,咩都唔知咩都唔理,剩係掛住玩.邊有你咁文靜,咁專心,咁努力讀書吖! 我嗰時全級200幾人考180幾,你話我係咪垃圾呢!嗰時細個真係唔識諗,之所以我會講"書到用時方恨少"就係咁解.


[引用] | 作者 parker | 29-Mar-06 | [舉報垃圾留言]

[33] 回:parker
parker :
哈哈!因為我嗰時返學日日瞓,同時下嘅學生一樣,返學只係得過且過,咩都唔知咩都唔理,剩係掛住玩.邊有你咁文靜,咁專心,咁努力讀書吖! 我嗰時全級200幾人考180幾,你話我係咪垃圾呢!嗰時細個真係唔識諗,之所以我會講"書到用時方恨少"就係咁解.

parker, 你聽過大器晚成未? 你未至於老, 但每個人際遇唔同, 最重要係活得精彩...
讀書成績好, 唔代表一切, 出O黎做事有一番作為至最重要... 你經過咁多年努力, 依家可以話活得精彩; 而我反而得過且過...


[引用] | 作者 阿文 | 29-Mar-06 | [舉報垃圾留言]

[34] Re: 回:parker
阿文 : parker :哈哈!因為我嗰時返學日日瞓,同時下嘅學生一樣,返學只係得過且過,咩都唔知咩都唔理,剩係掛住玩.邊有你咁文靜,咁專心,咁努力讀書吖! 我嗰時全級200幾人考180幾,你話我係咪垃圾呢!嗰時細個真係唔識諗,之所以我會講"書到用時方恨少"就係咁解.parker, 你聽過大器晚成未? 你未至於老, 但每個人際遇唔同, 最重要係活得精彩...讀書成績好, 唔代表一切, 出O黎做事有一番作為至最重要... 你經過咁多年努力, 依家可以話活得精彩; 而我反而得過且過...
但係我都仲係得過且過喎!emoticon


[引用] | 作者 parker | 31-Mar-06 | [舉報垃圾留言]

[35] 回:parker
parker :
但係我都仲係得過且過喎!

但你有好大進步呢? 已追反以前失去o既o野.


[引用] | 作者 阿文 | 31-Mar-06 | [舉報垃圾留言]

[36] 我又係香工舊生...

好開心,竟然係度見到舊時ATS的同學,我都係93年寄宿,諗番起都係陳院長o係度既時候最好玩.
除o左行山之外,仲有每年放假既時候拉大隊過澳門...
前一排院長升樞機時,蘋果登左一張當時佢帶我地行山o既相,
真係好懷念,原來已經差唔多成廿年o勒...
你仲有無保留果陣時既相呀?

仲記得舊時食完晚飯我地成班人會聚埋係謝神父間房(AV room對面)玩牌九.
係度睇到先知道謝神父已經過左身,真係唏噓呀~


[引用] | 作者 18號 | 27-Apr-06 | [舉報垃圾留言]

[37] 更正

寫錯o左,應該係86年入去寄宿至啱.


[引用] | 作者 18號 | 27-Apr-06 | [舉報垃圾留言]

[38] 回:18號
18號 :
好開心,竟然係度見到舊時ATS的同學,我都係93年寄宿,諗番起都係陳院長o係度既時候最好玩.除o左行山之外,仲有每年放假既時候拉大隊過澳門...前一排院長升樞機時,蘋果登左一張當時佢帶我地行山o既相,真係好懷念,原來已經差唔多成廿年o勒...你仲有無保留果陣時既相呀?
仲記得舊時食完晚飯我地成班人會聚埋係謝神父間房(AV room對面)玩牌九.係度睇到先知道謝神父已經過左身,真係唏噓呀~

當然陳院長O向A記時好玩啦! 師兄, 我87年F.1, 宿號31.

我冇留意蘋果張相, 可唔可以貼o黎睇o下? 我當然有keep住o的相啦!

依~ 只計法, 你o米大我一年? 你係邊個呢? 遲o的我會寫o的寄宿o既回憶, 得閒o黎吹吹水...


[引用] | 作者 阿文 | 27-Apr-06 | [舉報垃圾留言]

[39] 終於搵到張相...


終於搵到o勒... 係《蘋果日報》2006年2月23日A12版. 你仲記唔記得佢地既名呀?我只係隱約記得左邊果個好似做過輔祭,係咪姓黎既呢?... 得閒既話,不如post d舊時既相睇吓?
舊年搭巴士見到炸両係箕筲灣慈幼個站度等車,個樣好似以前係自修室睇住我地既時候咁酷. (其實佢好好人,平時都好風趣,尤其是彌撒講道時好過癮)
我email左電話號碼畀你,得閒聯絡吓.


[引用] | 作者 18號 | 29-Apr-06 | [舉報垃圾留言]

[40] 謝神父未...

謝家賢神父未過身,依家在九龍鄧鏡波學校呢!


[引用] | 作者 串串 | 10-Jun-06 | [舉報垃圾留言]

[41] 回:串串
串串 :
謝家賢神父未過身,依家在九龍鄧鏡波學校呢!

真的嗎? 那就好了... 那麼, 他身體健康嗎? 精神如何呢?
那麼我就錯是誰呢...


[引用] | 作者 阿文 | 10-Jun-06 | [舉報垃圾留言]

[42] Hello

剛剛見到你也是ATS的畢業生, 所以say個hi...相信我早你兩年!


[引用] | 作者 High | 14-Mar-07 | [舉報垃圾留言]

[43] 回:High
High :
剛剛見到你也是ATS的畢業生, 所以say個hi...相信我早你兩年!

不知師兄姓甚名誰? 有否寄過宿?


[引用] | 作者 阿文 | 16-Mar-07 | [舉報垃圾留言]

[44] Thanks!

Thanks Edmund bring my memories back. It was so nice to share 3 years in ATS with you guys. I miss our dorm and Father Chan too. Although, most medias usually says negative things about him, we have more chances to see him on TV and he looks very good too.

I am #64.


[引用] | 作者 Toa | 02-Jul-07 | [舉報垃圾留言]

[45] 回:Kenneth
Toa :
Thanks Edmund bring my memories back. It was so nice to share 3 years in ATS with you guys. I miss our dorm and Father Chan too. Although, most medias usually says negative things about him, we have more chances to see him on TV and he looks very good too.
I am #64.

64... 64... 9864...
我係31, Johnson係149 (一隻死狗). 哈哈!


[引用] | 作者 阿文 | 02-Jul-07 | [舉報垃圾留言]

[46] 各位ATS師兄弟

好開心見到咁多師兄弟係度傾有關母校既軼事... 我叫陳俊達, 87畢業既, 係現任ATS鮑思高同學會既副會長. 舊同學會會係2008年1月舉辦一個舊同學回校日, 到時會有好多大家熟識既神長同老師出席, 當日仲會舉辦第一屆同學會杯足球賽, 若果大家想知多d當日既詳情及母校近況, 可以send email俾我 : allen@kenscott.com.hk


[引用] | 作者 Allen Chan | 26-Oct-07 | [舉報垃圾留言]

[47] Re: Allen Chan
Allen Chan :
好開心見到咁多師兄弟係度傾有關母校既軼事... 我叫陳俊達, 87畢業既, 係現任ATS鮑思高同學會既副會長. 舊同學會會係2008年1月舉辦一個舊同學回校日, 到時會有好多大家熟識既神長同老師出席, 當日仲會舉辦第一屆同學會杯足球賽, 若果大家想知多d當日既詳情及母校近況, 可以send email俾我 : allen@kenscott.com.hk

師兄.. 你個email sent 唔到既, 我想參加啊..


[引用] | 作者 LLC | 09-Nov-07 | [舉報垃圾留言]

[48]

老周, 唔知你仲記唔記得我?
成日響班房踢波, 仲射爆光管果個呀.
我有一次響筲箕灣撞到阮神父,仲同佢傾左幾句. 佢響筲箕灣慈幼度住, 退左休囉.


[引用] | 作者 家U | 10-Dec-07 | [舉報垃圾留言]

[49] 回:家U
家U :
老周, 唔知你仲記唔記得我?成日響班房踢波, 仲射爆光管果個呀.我有一次響筲箕灣撞到阮神父,仲同佢傾左幾句. 佢響筲箕灣慈幼度住, 退左休囉.

阿耀,咁都俾你搵到,又咁都俾你知道呢度係我個地盤…真犀利!近況如何?

阿文
[引用] | 作者 阿文 | 11-Dec-07 | [舉報垃圾留言]

[50] 回:Allen Chan
Allen Chan :
好開心見到咁多師兄弟係度傾有關母校既軼事... 我叫陳俊達, 87畢業既, 係現任ATS鮑思高同學會既副會長. 舊同學會會係2008年1月舉辦一個舊同學回校日, 到時會有好多大家熟識既神長同老師出席, 當日仲會舉辦第一屆同學會杯足球賽, 若果大家想知多d當日既詳情及母校近況, 可以send email俾我 : allen@kenscott.com.hk

帥兄,你好!你畢業,我才剛剛升中一。

阿文
[引用] | 作者 阿文 | 12-Dec-07 | [舉報垃圾留言]

Next