香港新浪網 MySinaBlog
« 上一篇 | 下一篇 »
阿文 | 31-Mar-06 | 回憶記錄, 網絡貼貼 | (2748 Reads)
請大家不要將滑鼠指向舊照,也不要按「閱讀全文」,先猜猜這兒是什麼地方?



曾到過灣仔「三聯書局」的朋友,相信對這張舊照一點也不陌生。相片攝於一九五零年,灣仔道、莊士敦道與菲林明道的交界處。當年的街道跟現在的變化不大,只是附近的樓宇面目全非。菲林明道口的「英京大酒家」與灣仔道口的「和玉臘味家」都成了大家回憶的一部份。街上沒有交通燈,車輛也不多,人們可隨意橫過。若大家細心留意的話,電車的前門是沒有關上,加上車長沒有專注前方的事物,相信電車不是在行駛中,這兒應是當年電車站的位置吧(有錯的,請指教!)。你可將滑鼠指向舊照,舊照的現貌就在眼前。神奇嗎?

我記得「英京大酒家」的騎樓底十分陰暗,但聚集了不少老婆婆坐在地上販賣白蘭花,令整個地方變得香氣四溢。有時候,亦會見到其他小販在賣玩具和髮夾等。我聽外祖母說過,「和玉臘味家」的燒味比「龍門大酒樓」的更美味,老闆很老實。可惜的是「英京」與「和玉」相繼於七十年代末至八十年代初搬遷或結業。只曾品嚐「和玉」的燒味,卻沒有機會試過梁煥松前輩所講「英京」的滿漢全席。往事只能回味。

最後,多謝國王在他網誌上所分享的《網誌小技巧》,令我日後寫「灣仔是我家」時,多了一些有趣的效果。想了解更多有趣的技巧,請到國王那兒瀏覽。


[1]

哇~~! 咁快就學識用呢個function啦~~

真係估唔到係大有商場個十字路口......


[引用] | 作者 啤梨 | 31-Mar-06 | [舉報垃圾留言]

[2]

嘩,真係變化好大喎,張相好靚呀,借來用吓得嗎?


[引用] | 作者 貓糊 | 31-Mar-06 | [舉報垃圾留言]

[3] To: 阿文

文老師.....我無聽書...未睇內文...隻老鼠又唔聽話自己靜雞雞行咗去圖片到呀.......偷睇咗添!! emoticon

兩幅圖的建築有好大分別, 唯一相同的係條馬路都仲係咁寬. 

* 哇哈哈 Kxxxy 想問你有關整sinablog 的野, 我功力有限, 幫唔到佢....快d出手contact 佢啦.


[引用] | 作者 女伯爵 | 31-Mar-06 | [舉報垃圾留言]

[4] Re: 啤梨
啤梨 : 哇~~! 咁快就學識用呢個function啦~~ 真係估唔到係大有商場個十字路口......
你會用在[多多日記]嗎??  我昨日整了好耐都係失敗??  將多多做C(主相), 之後D(副相)就放舒生落去....一定好有趣!! emoticon


[引用] | 作者 女伯爵 | 31-Mar-06 | [舉報垃圾留言]

[5]

老四即係老四,學習能力都強過人。我一見係呢張相就即刻諗起「三聯」,因為一上樓梯就一定會兜口兜面咁車埋黎。


[引用] | 作者 舒舒 | 31-Mar-06 | [舉報垃圾留言]

[6] 回:啤梨
啤梨 :
哇~~! 咁快就學識用呢個function啦~~
真係估唔到係大有商場個十字路口......

阿波叮囑我地要小心,唔好打錯o野。第一次貼文時,我寫錯o左o的野,結果失敗。搞清楚句o野之後,就應該好易上手。

唔知你地果邊會唔會有多多變面圖睇呢?

咁妳第一眼望去,認為係邊度呢?


[引用] | 作者 阿文 | 01-Apr-06 | [舉報垃圾留言]

[7] 回:貓糊
貓糊 :
嘩,真係變化好大喎,張相好靚呀,借來用吓得嗎?

隨便用,不過邊張先?

如果妳想要張舊照,當個滑鼠指向張相度,妳只能save張新相。


[引用] | 作者 阿文 | 01-Apr-06 | [舉報垃圾留言]

[8] 回:女伯爵
女伯爵 :
文老師.....我無聽書...未睇內文...隻老鼠又唔聽話自己靜雞雞行咗去圖片到呀.......偷睇咗添!!
兩幅圖的建築有好大分別, 唯一相同的係條馬路都仲係咁寬. 
* 哇哈哈 Kxxxy 想問你有關整sinablog 的野, 我功力有限, 幫唔到佢....快d出手contact 佢啦.

佢想問乜呢? 好鬼多咀果個三冠王, 定係開聲唱歌好鬼勁果個kenny呢?


[引用] | 作者 阿文 | 01-Apr-06 | [舉報垃圾留言]

[9] 回:女伯爵
女伯爵 :
啤梨 : 哇~~! 咁快就學識用呢個function啦~~ 真係估唔到係大有商場個十字路口......你會用在[多多日記]嗎??  我昨日整了好耐都係失敗??  將多多做C(主相), 之後D(副相)就放舒生落去....一定好有趣!!

變o左「舒多真高」?


[引用] | 作者 阿文 | 01-Apr-06 | [舉報垃圾留言]

[10] 回:舒夫真高
舒舒 :
老四即係老四,學習能力都強過人。我一見係呢張相就即刻諗起「三聯」,因為一上樓梯就一定會兜口兜面咁車埋黎。

都係阿波教得好,唔係我學得快…

o米就係呢張o羅…
每次經過,我成口都唔明個司機做乜鬼望向後面,都係今晚留意度車門開o左,先至有咁o既推論。所以睇舊相都幾有趣,有好多唔知o既o野可以慢慢估。不過唔知有冇錯…你又睇到o的乜呢?唔好玩我話見到「竹戈」…


[引用] | 作者 阿文 | 01-Apr-06 | [舉報垃圾留言]

[11] TO:阿文

其實係我想問野,因為我都貪得意整左個blog,好多野都唔識整,想問下人有乜心得咁囉..


[引用] | 作者 kenny | 01-Apr-06 | [舉報垃圾留言]

[12] 回:kenny
kenny : 其實係我想問野,因為我都貪得意整左個blog,好多野都唔識整,想問下人有乜心得咁囉..

其實整blog要慢慢o黎,好似細路一步步咁學行一樣。主要分五部。

一)申請:搵一個合適o既平台,去建立你o既王國係好重要。我記得我以前果個冇咁正,結果搬o黎呢度。所以要諗清楚o向邊度申請。
二)貼文:學貼文好簡單,應該難唔到你。
三)簡單修飾:將自己心愛o既相貼上banner度,改o下sidebar個設計。慢慢來,這不是一朝一夕能夠做到。
四)交友或公報天下:如果你想多o的人入去,呢一步都好重要。而且,可以學到其他網誌o既優點,對整好個blog都幾有用。
五)進一步修飾:當個blog上o左軌道,學進一步改頭換面,就會變成我呢度咁樣。學寫ccs、參考其他人o既設計,或者問人。

呢度都可以幫到你…

你有冇諗過你個網誌名稱呢?「Kenny地灘」都唔錯,個音好似堅尼地城個英文Kennedy Town。


[引用] | 作者 阿文 | 01-Apr-06 | [舉報垃圾留言]

[13] 回:kenny
kenny :
其實係我想問野,因為我都貪得意整左個blog,好多野都唔識整,想問下人有乜心得咁囉..

講o左咁耐, 一句鼓勵說話都冇, 好似冇乜禮貌...

努力! 期待你大作出世!


[引用] | 作者 阿文 | 01-Apr-06 | [舉報垃圾留言]

[14]

其實己半公開了,因為我誤會左"公開"的意思..emoticon


[引用] | 作者 kenny | 01-Apr-06 | [舉報垃圾留言]

[15]

我用左sinablog,因為國王好似推介過俾人,


[引用] | 作者 kenny | 01-Apr-06 | [舉報垃圾留言]

[16] 回:kenny
kenny :
其實己半公開了,因為我誤會左"公開"的意思..

你又唔講你個blog叫乜名, 或url係乜, 我知鬼詳? 快o的交出名來...

哈哈! 咁你以為「公開」係乜o野意思呢?


[引用] | 作者 阿文 | 01-Apr-06 | [舉報垃圾留言]

[17]

http://lmkkenny.mysinablog.com

我以為揀左公開你地先睇倒,原來講個網址俾人,人地已經睇倒....

多多指教


[引用] | 作者 kenny | 01-Apr-06 | [舉報垃圾留言]

[18] 回應

我成都經過這街道,都冇想像到以前是這樣貌,多謝文兄...emoticon


[引用] | 作者 藍秋 | 01-Apr-06 | [舉報垃圾留言]

[19] 回應 Update

我日日都經過這街道返工,都冇想像到以前是這樣貌,多謝文兄...emoticon


[引用] | 作者 藍秋 | 01-Apr-06 | [舉報垃圾留言]

[20] 回:kenny
kenny :
http://lmkkenny.mysinablog.com
我以為揀左公開你地先睇倒,原來講個網址俾人,人地已經睇倒....
多多指教

就好似parker咁, 佢都要公告天下, 大家先至知佢有個blog...
慢慢玩啦! 加油!


[引用] | 作者 阿文 | 01-Apr-06 | [舉報垃圾留言]

[21] 回:藍秋
藍秋 :
我日日都經過這街道返工,都冇想像到以前是這樣貌,多謝文兄...

咁又唔洗多謝... 其實睇o番o的舊相都幾有趣.


[引用] | 作者 阿文 | 01-Apr-06 | [舉報垃圾留言]

[22] 回: 阿文
阿文 : 佢想問乜呢? 好鬼多咀果個三冠王, 定係開聲唱歌好鬼勁果個kenny呢?

你現在知係唱歌果個Kenny啦!!  佢昨日整blog時, 得我呢個哇國民online, 咪一齊研究吓囉. 

由於神秘的Kenny 指明遲先才[公報天下], 所以唔打哂佢blog個名出黎, 諗住打Kxxxy會另你知係指果個Kenny添..... emoticon


[引用] | 作者 女伯爵 | 01-Apr-06 | [舉報垃圾留言]

[23]

我嘟成功整咗張喇!! yeah!! ~^^~v


[引用] | 作者 arfi | 01-Apr-06 | [舉報垃圾留言]

[24] Re: 回:貓糊
阿文 :
貓糊 :嘩,真係變化好大喎,張相好靚呀,借來用吓得嗎?隨便用,不過邊張先?

如果妳想要張舊照,當個滑鼠指向張相度,妳只能save張新相。


我想要張舊相呀~


[引用] | 作者 貓糊 | 01-Apr-06 | [舉報垃圾留言]

[25]

我的拙作己正式公開了,希望今次不要攪錯公開的意思,哇哈哈


[引用] | 作者 kenny | 01-Apr-06 | [舉報垃圾留言]

[26] 回 :阿文
阿文 :
啤梨 :哇~~! 咁快就學識用呢個function啦~~真係估唔到係大有商場個十字路口......阿波叮囑我地要小心,唔好打錯o野。第一次貼文時,我寫錯o左o的野,結果失敗。搞清楚句o野之後,就應該好易上手。

唔知你地果邊會唔會有多多變面圖睇呢?
咁妳第一眼望去,認為係邊度呢?

......我同伯爵一樣, 隻老鼠仔無拉拉走左落去......所以冇得估......

睇返幅舊相, 都估唔到係邊度......


[引用] | 作者 啤梨 | 01-Apr-06 | [舉報垃圾留言]

[27]

唔! 我諗下先, 睇下可以點用多多變做舒舒~~ 呵呵呵~~


[引用] | 作者 啤梨 | 01-Apr-06 | [舉報垃圾留言]

[28]

好得意呀~~~~~^o^

變左好多,變得最少既係架電車。


[引用] | 作者 Kennes | 01-Apr-06 | [舉報垃圾留言]

[29] 請教

我想問你張圖係點整架,可否教我呀


[引用] | 作者 藍秋 | 01-Apr-06 | [舉報垃圾留言]

[30] 回:arfi
arfi :
我嘟成功整咗張喇!! yeah!! ~^^~v

哈哈! 妳都幾快手...


[引用] | 作者 阿文 | 01-Apr-06 | [舉報垃圾留言]

[31] 回:貓糊
貓糊 :
我想要張舊相呀~

等陣我send俾妳.


[引用] | 作者 阿文 | 01-Apr-06 | [舉報垃圾留言]

[32] 回:kenny
kenny :
我的拙作己正式公開了,希望今次不要攪錯公開的意思,哇哈哈

相信不會吧! 努力啦! 有問題可以問我地...


[引用] | 作者 阿文 | 01-Apr-06 | [舉報垃圾留言]

[33] 回:啤梨
啤梨 :
......我同伯爵一樣, 隻老鼠仔無拉拉走左落去......所以冇得估......
睇返幅舊相, 都估唔到係邊度......

咁妳隻老鼠仔仲頑皮過多多... :)


[引用] | 作者 阿文 | 01-Apr-06 | [舉報垃圾留言]

[34] 回:啤梨
啤梨 :
唔! 我諗下先, 睇下可以點用多多變做舒舒~~ 呵呵呵~~

反而我覺得多多變做波波會易o的, 哈哈!


[引用] | 作者 阿文 | 01-Apr-06 | [舉報垃圾留言]

[35] 回:kennes
Kennes :
好得意呀~~~~~^o^
變左好多,變得最少既係架電車。

應該係條電車軌... 架電車個外形最少變o左兩代了.


[引用] | 作者 阿文 | 01-Apr-06 | [舉報垃圾留言]

[36] 回:藍秋
藍秋 :
我想問你張圖係點整架,可否教我呀

我都係由國王教我, 所以你可以去我文章入面最後一段, 當中有條link, 係入去佢個網誌, 介紹如何製作. 請到那兒參考.


[引用] | 作者 阿文 | 01-Apr-06 | [舉報垃圾留言]

[37]

俾個十分你...哈哈哈

其實地上d黃色格仔餅係咩意思?


[引用] | 作者 國王 | 02-Apr-06 | [舉報垃圾留言]

[38] 回:國王
國王 :
俾個十分你...哈哈哈
其實地上d黃色格仔餅係咩意思?

謝國王!
格仔餅... 聽o的小巴司機話, 如果架車o向紅燈時, 仲停留o向格仔上面, 會俾警察抄牌, 佢地有套術語叫「上網」... 換句話講, 呢o的格仔有保持十字路口交通暢通o既作用, 但繁忙時間, 經常有司機犯規, 亦冇人理...


[引用] | 作者 阿文 | 02-Apr-06 | [舉報垃圾留言]

[39] 和玉燒臘

當年我和和玉的老板也認識的,他的身材很矮小,時常都在舖面見到他。後來和玉這一帶遷拆,結果搬了去近國泰戲院那邊繼續營業,(相片遠處)不過生意就差了很多!
[IMG]http://i30.photobucket.com/albums/c327/B-goal/1962_2_12.jpg[/IMG]


[引用] | 作者 B-goal | 07-Apr-06 | [舉報垃圾留言]

[40] 和玉搬至灣仔道另一邊


[引用] | 作者 B-goal | 07-Apr-06 | [舉報垃圾留言]

[41] 灣仔道五十年代至六十年代

相片貼在這裡,請隨便取用。

還記得五十年代中期,五、六年間,於好世界大酒店後巷通出莊士敦道橫切,至和玉這一端,拆屋的三角形地盤,孩時時時跑上去跳梅花樁,那時不知死活!和玉搬了去相片內位置是六十年代的事。

灣仔道這一段,我最熟悉,因為我就住在英京、和玉另一邊的灣仔道轉角位,你可知道當年,灣仔道三不賣葛菜水對面的這間士多嗎?

 

 


[引用] | 作者 B-goal | 08-Apr-06 | [舉報垃圾留言]

[42] 回:B-goal
B-goal :
相片貼在這裡,請隨便取用。
還記得五十年代中期,五、六年間,於好世界大酒店後巷通出莊士敦道橫切,至和玉這一端,拆屋的三角形地盤,孩時時時跑上去跳梅花樁,那時不知死活!和玉搬了去相片內位置是六十年代的事。
灣仔道這一段,我最熟悉,因為我就住在英京、和玉另一邊的灣仔道轉角位,你可知道當年,灣仔道三不賣葛菜水對面的這間士多嗎?

 
 


我七五年出世, 七九年開始對灣仔有記憶. 你係o米講緊海運商場(之前係一間酒樓)樓下果兩間士多? 有間o向灣仔道, 有間係o向巴路士街... 總之其中有一間o的人好惡, 我經常去另一間好商與果間幫親.


[引用] | 作者 阿文 | 08-Apr-06 | [舉報垃圾留言]

[43] 灣仔道口,即英京對面


[引用] | 作者 B-goal | 08-Apr-06 | [舉報垃圾留言]

[44] 灣仔道口轉角處

對不起,我不知道如何編輯好我D相貼在這裡!


[引用] | 作者 B-goal | 08-Apr-06 | [舉報垃圾留言]

[45] 回:B-goal
B-goal :
對不起,我不知道如何編輯好我D相貼在這裡!

不要緊, 最重要係分享. 你對灣仔道o既認識都好深, 令我知道更多以前冇留意或唔知o既o野.

你講呢間土多, 我真係冇印象...

講o番個藥房位先. 我由細到大, 呢間藥房都好似冇乜點變. 反而隔離o的舖頭就變化好大... 至於檔舖隔離個corner位呢, 之前幾年都係鞋舖.


[引用] | 作者 阿文 | 08-Apr-06 | [舉報垃圾留言]