香港新浪網 MySinaBlog
« 上一篇 | 下一篇 »
阿文 | 08-Apr-06 | 行萬里路 | (2400 Reads)

乘船到澳門,不難找到漁人碼頭的蹤影。她座落於外港新填海區海岸,佔地十一萬多平方米。這裡是歐亞各國名城的縮影,從入口到盡處,遊客可體驗中國唐城、西藏布達拉宮、火山口、中東阿拉丁堡壘、羅馬古城、君士坦丁拱門及歐洲各大名城的特色建築。雖然漁人碼頭仍未完全開放,還有美洲各處及非洲村落在施工中,但足以讓大家穿越地域界限,以感受不同建築特色與文化。

唐城(上) / 布達拉宮(中、下)
  
     

火山(上) / 阿拉丁堡壘(中、下)
      

古羅馬表演場(上) / 君士坦丁拱門(中) / 成尼斯、 千里達、 夏灣拿(下)
       

皇宮(上、中) / 葡萄牙(下)
        

阿姆斯特丹(上、中) / 路牌與倒影(下)
        

後感:
唐城內是一個商場,其裝修工程仍在進行中,對於欠缺大型商場的澳門來說,將會帶來一個新的聚腳點。布達拉宮雖然細小,但給人一種親切的感覺,就是這一種建築文化及當地傳統手工藝術給我一個意外的驚喜。阿拉丁堡壘下是會議展覽中心及一個小型商場,當中的控制室留下不少我的血和汗:我在當時惡劣的環境下工作而受傷,又在這裡感受到澳門人可愛的一面。走進西方城市那邊,一次過感受不同文化特色,真的令我獲益良多;而君士坦丁、威尼斯與阿姆斯特丹等城市只是一街之隔,又是另一番風味。

地方小小,能容納這麼多地方的特色建築與精緒,可見設計的技巧;但亦因為地方有限的問題,令很多活生生的展品堆在一起,混濁非常。選址於海外客運碼頭附近,本是一個方便的位置;但在旁有一座區大的金沙娛樂城,令部份仿古建築的觀景與這座新時代樓宇混在一起,形成新舊互不協調之感。然而,從亞洲走進歐洲的概念真是值得一讚。


[1]

好靚呀,d屋仔好特別,聽聞還會再加建wo。本來打算今個復活節去的,但要做功課,所以都係要等暑假先得囉...=.=


[引用] | 作者 貓糊 | 08-Apr-06 | [舉報垃圾留言]

[2] 回:貓糊
貓糊 :
好靚呀,d屋仔好特別,聽聞還會再加建wo。本來打算今個復活節去的,但要做功課,所以都係要等暑假先得囉...=.=

加建部份現在仍施工中,我建議妳遲o的去會好o的。一來到時會多o的野睇,二來依家好大霧,o的相冇咁靚(妳見我阿拉丁堡壘個九格o既中間個張,係我上年冬天映,天朗氣清,映出o黎o的相都靚o的)。夏天能見度高,係一個比較理想o既時機。


[引用] | 作者 阿文 | 09-Apr-06 | [舉報垃圾留言]

[3] 回: 阿文

你影的展館係咪全部係加建工程呀, 因為見d 相人影都唔多隻, 一個遊人都無.

澳門真係越來越多野玩, 立心做一個旅遊城市.


[引用] | 作者 女伯爵 | 09-Apr-06 | [舉報垃圾留言]

[4]

初來到訪﹐你好~

我正打算下月到澳門一遊﹐漁人碼頭正是其中會遊覽的景點之一﹐另外也會到被納入世界文化遺產的舊城區! emoticon


[引用] | 作者 林退之 | 09-Apr-06 | [舉報垃圾留言]

[5]

嘩... 原來澳門都有D咁好既景點~
真係好靚呀! 最中意威尼斯同君士坦丁果度~emoticon

我一直以為澳門得大三巴同葡京tim,下次去澳門一定要去睇睇~ 多謝推介~ emoticon


[引用] | 作者 Oscar | 09-Apr-06 | [舉報垃圾留言]

[6]

自從上次坐船同祖國同胞「掙登仔」失敗而焗住要去果間所謂VIP房坐(因為佢地唔會睇係張飛坐邊,見位就霸,佢地D死人行李仲要佔用左成三整行坐位),仲要焗到我成程船都「痴痴呆呆」之後,我就再冇興趣去澳門。


[引用] | 作者 舒舒 | 09-Apr-06 | [舉報垃圾留言]

[7] 回:女伯爵
女伯爵 :
你影的展館係咪全部係加建工程呀, 因為見d 相人影都唔多隻, 一個遊人都無.
澳門真係越來越多野玩, 立心做一個旅遊城市.

當然唔係啦! 點解人咁少呢... 其一, 我映果日係星期五早上, 因為約o左個客十點半o向佢公司等, 點知我去到, 佢同事話佢去o左珠海, 要下晝四點半至返... 結果我去到人好少. 其二, 我大把時間, 可以等人行走晒先至映. 其三, o的相四方形, 有o的人o向兩邊俾我cut走o左.


[引用] | 作者 阿文 | 09-Apr-06 | [舉報垃圾留言]

[8] 回:林退之
林退之 :
初來到訪﹐你好~
我正打算下月到澳門一遊﹐漁人碼頭正是其中會遊覽的景點之一﹐另外也會到被納入世界文化遺產的舊城區!

歡迎到訪, 你都好嗎?

澳門有廿五個景點已納入世界遺產, 包括: 媽閣廟, 港務局大樓, 亞婆井前地, 鄭家大屋, 聖老楞左教堂, 聖若瑟修院及聖堂, 崗頂前地, 崗頂劇院, 何東圖書館大樓, 聖奧斯定教堂, 民政總署大樓, 議事亭前地, 三街會館, 仁慈堂大樓, 主教座堂, 盧家大屋, 玫瑰堂, 大三巴牌坊, 哪吒廟, 舊城牆遺址, 大炮台, 聖安多尼教堂, 東方基金會會址, 基督教墳場, 東望洋炮台.

港船過關後, 唔好急急腳走. 過關先去地下右邊個旅遊招待處取一本澳門地圖及一份關於世界遺產o既單張. 呢兩份o野可以做你享道. 玩得開心o的!


[引用] | 作者 阿文 | 09-Apr-06 | [舉報垃圾留言]

[9] 回:Oscar
Oscar :
嘩... 原來澳門都有D咁好既景點~真係好靚呀! 最中意威尼斯同君士坦丁果度~
我一直以為澳門得大三巴同葡京tim,下次去澳門一定要去睇睇~ 多謝推介~

你個網轉o左design, 比之前形仔好多!

呢度只係冰山一角, 你留意下我上一個俾林退之o既回覆, 當中介紹o左廿五個世界遺產. 其實呢廿五個地方都係一部份, 還有很多...


[引用] | 作者 阿文 | 09-Apr-06 | [舉報垃圾留言]

[10] 回:舒夫真高
舒舒 :
自從上次坐船同祖國同胞「掙登仔」失敗而焗住要去果間所謂VIP房坐(因為佢地唔會睇係張飛坐邊,見位就霸,佢地D死人行李仲要佔用左成三整行坐位),仲要焗到我成程船都「痴痴呆呆」之後,我就再冇興趣去澳門。

只好講句, 你唔好彩, 我去咁多次都冇事發生...


[引用] | 作者 阿文 | 09-Apr-06 | [舉報垃圾留言]

[11] Re: 回:舒夫真高
阿文 :
舒舒 :自從上次坐船同祖國同胞「掙登仔」失敗而焗住要去果間所謂VIP房坐(因為佢地唔會睇係張飛坐邊,見位就霸,佢地D死人行李仲要佔用左成三整行坐位),仲要焗到我成程船都「痴痴呆呆」之後,我就再冇興趣去澳門。只好講句, 你唔好彩, 我去咁多次都冇事發生...

因為祖國同胞比面你嘛,你人面廣,又有型,又有款,冇計...


[引用] | 作者 舒舒 | 09-Apr-06 | [舉報垃圾留言]

[12] 回:舒夫真高
舒舒 :
因為祖國同胞比面你嘛,你人面廣,又有型,又有款,冇計...

咪玩啦! 講人面, 有型同有款, 我點及你吖?


[引用] | 作者 阿文 | 09-Apr-06 | [舉報垃圾留言]

[13] 回:Oscar
Oscar :
真係好靚呀! 最中意威尼斯同君士坦丁果度~

其實, 我最鐘意係阿姆斯特丹個主題.


[引用] | 作者 阿文 | 09-Apr-06 | [舉報垃圾留言]

[14] 回: 阿文
阿文 : 女伯爵 :你影的展館係咪全部係加建工程呀, 因為見d 相人影都唔多隻, 一個遊人都無.澳門真係越來越多野玩, 立心做一個旅遊城市.當然唔係啦! 點解人咁少呢... 其一, 我映果日係星期五早上, 因為約o左個客十點半o向佢公司等, 點知我去到, 佢同事話佢去o左珠海, 要下晝四點半至返... 結果我去到人好少. 其二, 我大把時間, 可以等人行走晒先至映. 其三, o的相四方形, 有o的人o向兩邊俾我cut走o左.

mud 你咁似arfi 又係要等個客,  但你好d 可以去漁人碼頭玩半天同澳門自由行!! 

羅馬古城及君士坦丁拱門真係幾靚, 睇黎平日去可以睇到野.  漁人碼頭入場幾多錢呀??


[引用] | 作者 女伯爵 | 10-Apr-06 | [舉報垃圾留言]

[15]

去一次真係一次過滿足哂所有願望啦! (眼睛想旅行)


[引用] | 作者 One Ken | 10-Apr-06 | [舉報垃圾留言]

[16] 回:女伯爵
女伯爵 :
mud 你咁似arfi 又係要等個客,  但你好d 可以去漁人碼頭玩半天同澳門自由行!! 
羅馬古城及君士坦丁拱門真係幾靚, 睇黎平日去可以睇到野.  漁人碼頭入場幾多錢呀??

暫時免費, 遲o的就唔知, 不過都唔會好貴.


[引用] | 作者 阿文 | 10-Apr-06 | [舉報垃圾留言]

[17] 回:Ken
One Ken :
去一次真係一次過滿足哂所有願望啦! (眼睛想旅行)

咁似某某朱古力蛋廣告...


[引用] | 作者 阿文 | 10-Apr-06 | [舉報垃圾留言]

[18]

很有趣~~很想去~~emoticon


[引用] | 作者 紫水晶 | 10-Apr-06 | [舉報垃圾留言]

[19]

我本身呢個復活節嘟約咗班同事去澳門反...不過約約吓個個嘟唔 firm 實,又就唔得晒咁多人(10個...嘟就唔得晒)。
所以...搞到無晒心機去。

不過下次有機會一定會去行吓,因為上次去澳門嘟未有呢個漁人碼頭zd1嘿嘿~^^~v
我仲有啲泰國團友係澳門,仲可以去探吓佢地添。正~~


[引用] | 作者 arfi | 11-Apr-06 | [舉報垃圾留言]

[20]

唔知復活節假期去, 會唔會勁多人呢? emoticon 遊人太多, 就影唔到好似你D咁靚既相喇.


[引用] | 作者 傲雪 | 11-Apr-06 | [舉報垃圾留言]

[21] 回:紫水晶
紫水晶 :
很有趣~~很想去~~

澳門還有很多地方值得大家去呢?


[引用] | 作者 阿文 | 11-Apr-06 | [舉報垃圾留言]

[22] 回:arfi
arfi :
我本身呢個復活節嘟約咗班同事去澳門反...不過約約吓個個嘟唔 firm 實,又就唔得晒咁多人(10個...嘟就唔得晒)。所以...搞到無晒心機去。
不過下次有機會一定會去行吓,因為上次去澳門嘟未有呢個漁人碼頭zd1嘿嘿~^^~v我仲有啲泰國團友係澳門,仲可以去探吓佢地添。正~~

其實今次有工作在身, 玩得冇咁放... 要將自己o的節奏減慢, 好似等多o的人走開先至映相, 慢慢捕捉每張相o的角度... 先至可以用盡呢六粒鐘.

當日我去過o既其他地方: 望廈山, 澳門炮台同觀音廟. 仲見到遊行示威o忝!


[引用] | 作者 阿文 | 11-Apr-06 | [舉報垃圾留言]

[23] 回:雪
傲雪 :
唔知復活節假期去, 會唔會勁多人呢?  遊人太多, 就影唔到好似你D咁靚既相喇.

當妳有留意上邊o的貴賓留言, 有一部份o既人都好想o向呢個假期去... 不過我建議妳暑假先至去會好o的, 原因見我回覆貓糊果個留言.


[引用] | 作者 阿文 | 11-Apr-06 | [舉報垃圾留言]

[24]

看過你的介紹,就如親身遊歷一樣!好詳細的介紹,好美的照片!讚!


[引用] | 作者 蝦米 | 14-Apr-06 | [舉報垃圾留言]

[25] 回:蝦米
蝦米 :
看過你的介紹,就如親身遊歷一樣!好詳細的介紹,好美的照片!讚!

多謝妳!

小朋友病好的話,記得帶佢地去玩o下.


[引用] | 作者 阿文 | 16-Apr-06 | [舉報垃圾留言]

[26] 回:紫水晶

我都祝妳復活節快樂!


[引用] | 作者 阿文 | 16-Apr-06 | [舉報垃圾留言]

[27] 帮帮我啊

帮帮忙发个渔人码头既残疾人通道既相黎啊~~~唔该晒~~赶住救命架~~~


[引用] | 作者 猪头丁 | 22-Apr-06 | [舉報垃圾留言]

[28] 回:豬頭丁

我冇特意映那些設施, 真的對不起, 不能幫到你...


[引用] | 作者 阿文 | 24-Apr-06 | [舉報垃圾留言]