香港新浪網 MySinaBlog
« 上一篇 | 下一篇 »
阿文 | 28-Apr-06 | 艾文日記 | (679 Reads)

中學在寄宿學校長大,宿舍的大廚煮什麼,不論好吃與否,我們都會吃光。因此,我對食沒有要求,不似得笠臣國王阿瀨般,經常尋覓到人間味食與大家分享。即使我遇上了好吃的東西,口味也未必十分出眾;但我可以肯定,若我的食評為劣級的話,那一家食市應好好反省,為何自己造出那樣難吃的「垃圾」給客人。


先要推介的,是位於灣仔皇后大道東順景荼餐廳。荼餐廳不講究裝修,保持著六十年代簡樸的氣氛。可是,越殘舊越顯得她的江湖地位。老闆與伙記都佷親切,老闆那幾歲大的幼兒也來當小伙記的角色,給人無限溫暖。焗飯是他們的招牌菜式,即叫即做,火候與份量適中,味道認真一流。我曾品嚐過他們焗雞扒意粉,令人回味無窮。相片中的鮮茄焗豬扒飯,表皮有少少焗黑,但內裡的蕃茄汁滲透到飯裡去,不需刻意調和,便能將茄汁與飯混和一起,方便得很。他們還有焗海鮮飯、焗石班飯及芝士肉醬意粉等,相信味道也是一流。驚喜地方就是他們用炒飯去做焗飯,假若是別的餐館,少不免要多加兩元。套餐廿八元,奉送飲品一杯,冷熱飲同價,真是物超所值。

當我吃得很滿足時,亦不禁想起自己辦公室附近有一個令人討厭的食堂。有拜訪過荃灣有線電視大樓的朋友,相信都知道大廈的地面有一個飯堂。食物味道九流,價錢昂貴得很,下雨或刮颱時會加價。沒有誠意服務大眾之餘,亦經常遇到員工之間不和的情況。普普通通的一個午餐賣廿八元,都是奉送飲品一杯,但凍飲要加兩元。我曾要求將某套餐的黑椒汁改為其他的汁料,伙記好像是一件很艱難的大工程。難怪當你收看有線足球博彩台時,評述員們在對話間,也提及過這家食堂的不是。

灣仔商住區的一所老字號茶餐廳用心去服務客人,食物的質素在水準之上,給人在懷舊中找到家庭的溫暖。荃灣工廠區的某飯堂本著獨市生意,在味道與服務間不思進取,客人在沒戰場中的環境下進食,心情也煩悶得很。同是廿八元的一個午餐,吃出天壤之別的情調。


[1]

哇!! 焗豬扒飯呀!!
仲有炒底添啊~~!


[引用] | 作者 啤梨 | 30-Apr-06 | [舉報垃圾留言]

[2]

依家我都好少食豬扒飯
怕肥...唉~
相中賣相又好似唔錯

文哥哥你都去過美都啦,過度既焗豬扒飯幾出名,但我食過,唔係真係咁特別

至於某d飯堂既凍飲,我真係唔明白點解要加兩蚊,尤如餿水,應該係個餐度扣兩蚊就差唔多...


[引用] | 作者 國王 | 01-May-06 | [舉報垃圾留言]

[3] 回:啤梨
啤梨 :
哇!! 焗豬扒飯呀!!仲有炒底添啊~~!

諗起都流口水...


[引用] | 作者 阿文 | 01-May-06 | [舉報垃圾留言]

[4] 回:國王
國王 :
依家我都好少食豬扒飯怕肥...唉~相中賣相又好似唔錯
文哥哥你都去過美都啦,過度既焗豬扒飯幾出名,但我食過,唔係真係咁特別
至於某d飯堂既凍飲,我真係唔明白點解要加兩蚊,尤如餿水,應該係個餐度扣兩蚊就差唔多...

但你又食高膽固醇o既o野?

咁你得閒出開灣仔, 就要o黎呢度試試啦!


[引用] | 作者 阿文 | 01-May-06 | [舉報垃圾留言]

[5]

乜焗飯唔係應該要用炒飯去做咩?不過有唔小食店出品的焗飯個飯底都加了過多的油,令人慨嘆d廚房大佬d係求其得幾緊要。


[引用] | 作者 kenny | 01-May-06 | [舉報垃圾留言]

[6]

係咪上次去個間呀?


[引用] | 作者 貓糊 | 01-May-06 | [舉報垃圾留言]

[7] 回:kenny
kenny :
乜焗飯唔係應該要用炒飯去做咩?不過有唔小食店出品的焗飯個飯底都加了過多的油,令人慨嘆d廚房大佬d係求其得幾緊要。

焗飯有冇炒底, 呢家o野我真係唔係好知. 其他地方可能有, 不過我有留意... 都話我唔識食啦! 呢度冇油, 好正!


[引用] | 作者 阿文 | 01-May-06 | [舉報垃圾留言]

[8] 回:貓糊
貓糊 :
係咪上次去個間呀?

係呀! 就係上次拉大隊遊灣仔果間.


[引用] | 作者 阿文 | 01-May-06 | [舉報垃圾留言]

[9] Re: 回:貓糊
阿文 :
貓糊 :係咪上次去個間呀?係呀! 就係上次拉大隊遊灣仔果間.

咁就真係直得推介,唔好睇佢裝修普普通通,D野又真係幾好食!


[引用] | 作者 貓糊 | 01-May-06 | [舉報垃圾留言]

[10] 回:貓糊
貓糊 :
咁就真係直得推介,唔好睇佢裝修普普通通,D野又真係幾好食!

妳上次食乜呢?


[引用] | 作者 阿文 | 01-May-06 | [舉報垃圾留言]

[11]

看到我好肚餓,要吃飯了!


[引用] | 作者 agnes | 02-May-06 | [舉報垃圾留言]

[12] Re:
阿文 :
貓糊 :咁就真係直得推介,唔好睇佢裝修普普通通,D野又真係幾好食!妳上次食乜呢?

好似係义燒湯通,aa就係炒河粉,佢果碟炒得好靚架~


[引用] | 作者 貓糊 | 02-May-06 | [舉報垃圾留言]

[13] 回:agnes
agnes :
看到我好肚餓,要吃飯了!

妳留言時, 我正打算去食午飯. 我回妳留言時, 剛好食完晚飯.


[引用] | 作者 阿文 | 02-May-06 | [舉報垃圾留言]

[14] 回:貓糊
貓糊 :
好似係义燒湯通,aa就係炒河粉,佢果碟炒得好靚架~

小魚同我一樣, 都係焗飯...


[引用] | 作者 阿文 | 02-May-06 | [舉報垃圾留言]

[15]

中學有得寄宿??咁幸福?


[引用] | 作者 Miranda | 02-May-06 | [舉報垃圾留言]

[16]

那一間老字號茶餐廳?讓我也去幫襯下.


[引用] | 作者 Miranda | 02-May-06 | [舉報垃圾留言]

[17] 回:Miranda
Miranda :
中學有得寄宿??咁幸福?

開頭果半個月好辛苦架, 要適應學習環境, 又要適應新生活環境, 都幾難度過. 一個禮拜好似一個月咁長. 之後適應o左, 就覺得時間過得都幾快, 轉眼又渡過中學生涯.


[引用] | 作者 阿文 | 02-May-06 | [舉報垃圾留言]

[18]

原來就是前文這一家,誤會了你的意思,我以為你說有另一家.
我也幫襯過幾次!!


[引用] | 作者 Miranda | 03-May-06 | [舉報垃圾留言]

[19] 回:Miranda
Miranda :
原來就是前文這一家,誤會了你的意思,我以為你說有另一家.我也幫襯過幾次!!

咁妳有冇推介呢?


[引用] | 作者 阿文 | 03-May-06 | [舉報垃圾留言]

[20]

銅鑼灣的邀月茶館,是"飲茶"的地方(不是吃點心的,是真正的飲茶),好正!


[引用] | 作者 Miranda | 03-May-06 | [舉報垃圾留言]

[21]

同是廿八元的一個午餐,吃出天壤之別的情調 - 明白你呢種感受。我仲試過,同一地方,一樣菜色,只係時間人物不同,都可以“吃出天壤之別的情調”。。。有無聼過,食野其實都係一種感覺。。。


[引用] | 作者 wenDY | 10-May-06 | [舉報垃圾留言]

[22] 回:wenDY
wenDY :
同是廿八元的一個午餐,吃出天壤之別的情調 - 明白你呢種感受。我仲試過,同一地方,一樣菜色,只係時間人物不同,都可以“吃出天壤之別的情調”。。。有無聼過,食野其實都係一種感覺。。。

我估妳係想講呢樣o野... 就妳似我咁, 去番以前同Helen一齊o既地方, 食同一道菜... 果種感覺真係完全唔同, 對嗎?


[引用] | 作者 阿文 | 10-May-06 | [舉報垃圾留言]