香港新浪網 MySinaBlog
« 上一篇 | 下一篇 »
阿文 | 30-Apr-06 | 曼聯足球 | (1825 Reads)
車路士於主場以3:0擊敗曼聯,連續兩季奪得英超聯的錦標。可惜曼聯的英格蘭球星朗尼於比賽末段弄傷右腳,最少要休息六星期,能否趕及參與今屆世界盃決賽週成疑。

上圖:我以五百大元買下朗尼的戰衣。主場白色的球衣仿如透視裝,而且2008年將會轉換新球衣;作客紅色的球衣雖耐穿,但我穿得不太好看,所以我最後選了主場白色的球衣。

這完全是今年足總盃對利物浦的翻版。當日曼聯出局,兼有阿倫史密夫受傷;昨日的戰敗,肯定了曼聯與今季聯賽錦標無緣,亦有朗尼受創。唯一的分別,就是球員在今場對車路士賽事,比上次對利物浦的更不用心去踼。

每隊尚餘一至四場賽事便到季尾,希望不要再有球員受傷。何況聯賽冠軍及降班隊伍已經篤定,只有曼聯與利物浦要爭奪聯賽第二名,以便直接進身下季歐冠盃;熱剌與阿仙奴又要爭取剎入下季歐冠盃而努力;保頓與紐卡素還有一絲希望跟布力般流浪角逐下季歐洲足協盃的最後一個席位。領隊們,若是無關痛癢的賽事,倒不如讓國家隊主力休息吧!

還記得上屆世界盃前,當碧咸受傷時,英格蘭用盡方法令他康復過來。今屆朗尼的表現,足以影響英格蘭世界盃的命運,這如同碧咸當時的感染力。相信有關方面亦會設法令朗尼早日康復。然而英格蘭領隊艾力臣對朗尼的情況抱不肯定的態度,那我就用五百元去打賭,決定購買英格蘭國家隊印上朗尼名字的球衣,以支持他能趕及今屆世界盃決賽週,與他的同胞們一起奮鬥。

======================================================
好友連結:
心痛.朗尼 (國王)
葡萄牙的陰謀論 (阿瀨)
沒有朗尼的英格蘭 (One Ken)
肥仔, you are my hero!! (女伯爵)
令我心痛的朗尼! (Kenny)
英格蘭作客球衣 (Kenny)


[1]

件主場圖集好型喎, 有哂D details.

早知比埋件紅色客場比你影啦, 背面的雄獅圖案比主場精彩好多, 而且粒星裡面有英格蘭隊章, 好好玩!!  影就問我囉啦. 


[引用] | 作者 女伯爵 | 01-May-06 | [舉報垃圾留言]

[2] 回:女伯爵
女伯爵 :
件主場圖集好型喎, 有哂D details.
早知比埋件紅色客場比你影啦, 背面的雄獅圖案比主場精彩好多, 而且粒星裡面有英格蘭隊章, 好好玩!!  影就問我囉啦. 

其實我原本諗住自己著住入衫, 再搵屋企人映件衫, 就好似有年曼聯搵蘇斯克查宣傳新球衣, 只係映佢條頸到衫尾. 不過自己唔係模特兒, 映得唔好. 結果用呢個方法去介紹...

我都係以前睇過一o的有關球衣o既宣傳, 先至有樣學樣o者...

咁就要睇o下阿波幾時取回「國王的新衣」, 等我問o下佢老哥先.


[引用] | 作者 阿文 | 01-May-06 | [舉報垃圾留言]

[3]

你地寫得好快喎,我眼訓都死呀。

我自己都有著住影個背面,睇張相好似身形幾fit嫁,哇哈哈emoticon


[引用] | 作者 kenny | 01-May-06 | [舉報垃圾留言]

[4]

原來白色藍字銀邊都幾靚喎
不過我見Kenny哥佢拎起果件咁型,咁跟住買紅色囉~實行「買波衫,撐朗尼」!

唔知朗尼而家心情如何...到而家都好似未開腔。佢一向唔夠成熟...千奇唔好諗埋一邊,又或者走去狂滾...到時趕得切好番都分分鐘腳軟...


[引用] | 作者 國王 | 01-May-06 | [舉報垃圾留言]

[5] 回:kenny
kenny :
你地寫得好快喎,我眼訓都死呀。
我自己都有著住影個背面,睇張相好似身形幾fit嫁,哇哈哈

快乜吖? o米將我o向阿波果邊個留言o的太過口語化o既句字改改. 只可以話我映相同設計得快...

你咁大隻, 實好睇啦! 我咁鬼瘦, 著住件紅色唔多靚... 如果著得好睇, 我一定買作客.


[引用] | 作者 阿文 | 01-May-06 | [舉報垃圾留言]

[6] 回:國王
國王 :
原來白色藍字銀邊都幾靚喎不過我見Kenny哥佢拎起果件咁型,咁跟住買紅色囉~實行「買波衫,撐朗尼」!
唔知朗尼而家心情如何...到而家都好似未開腔。佢一向唔夠成熟...千奇唔好諗埋一邊,又或者走去狂滾...到時趕得切好番都分分鐘腳軟...

你又話唔買? o米結果都買o左...

希望佢識諗啦! 一定要搵人輔導或開解佢.

你幾時攞衫呀? o向你攞衫之前, 等我幫件衫映返張大特寫可以嗎?


[引用] | 作者 阿文 | 01-May-06 | [舉報垃圾留言]

[7]

如果佢唔出,英格蘭仲可以出邊個?


[引用] | 作者 poonwinghang | 01-May-06 | [舉報垃圾留言]

[8] 回: 阿文
阿文 :  其實我原本諗住自己著住入衫, 再搵屋企人映件衫, 就好似有年曼聯搵蘇斯克查宣傳新球衣, 只係映佢條頸到衫尾. 不過自己唔係模特兒, 映得唔好. 結果用呢個方法去介紹... 我都係以前睇過一o的有關球衣o既宣傳, 先至有樣學樣o者... 咁就要睇o下阿波幾時取回「國王的新衣」, 等我問o下佢老哥先.

好呀, 幫件紅色客場影個專輯, 著唔到都可以留個紀念啦! 


[引用] | 作者 女伯爵 | 01-May-06 | [舉報垃圾留言]

[9] 回: kenny
kenny : 你地寫得好快喎,我眼訓都死呀。我自己都有著住影個背面,睇張相好似身形幾fit嫁,哇哈哈
哈哈, 幾fit 的身形呀!  我想睇喎, post出黎睇吓呀!! emoticon


[引用] | 作者 女伯爵 | 01-May-06 | [舉報垃圾留言]

[10] 回: 國王
國王 : 原來白色藍字銀邊都幾靚喎不過我見Kenny哥佢拎起果件咁型,咁跟住買紅色囉~實行「買波衫,撐朗尼」! 唔知朗尼而家心情如何...到而家都好似未開腔。佢一向唔夠成熟...千奇唔好諗埋一邊,又或者走去狂滾...到時趕得切好番都分分鐘腳軟...

[買波衫  撐朗尼] 呢個plan 一d 都唔平, 入場費最少年法$500.  emoticon

咁佢又真係唔同史密夫, Smith 的EQ 應該高過佢好多!!  

肥仔應該唔得閒去滾, 佢要入英軍就要聽軍醫的話休養及好好段練.   


[引用] | 作者 女伯爵 | 01-May-06 | [舉報垃圾留言]

[11] Re: 回:國王
阿文 :
國王 :原來白色藍字銀邊都幾靚喎不過我見Kenny哥佢拎起果件咁型,咁跟住買紅色囉~實行「買波衫,撐朗尼」!唔知朗尼而家心情如何...到而家都好似未開腔。佢一向唔夠成熟...千奇唔好諗埋一邊,又或者走去狂滾...到時趕得切好番都分分鐘腳軟...你又話唔買? o米結果都買o左...

希望佢識諗啦! 一定要搵人輔導或開解佢.
你幾時攞衫呀? o向你攞衫之前, 等我幫件衫映返張大特寫可以嗎?

你拎去影啦...但千奇唔好倒d焗豬扒飯落去呀...


[引用] | 作者 國王 | 01-May-06 | [舉報垃圾留言]

[12] 回:kenny 及 阿文
阿文 : kenny :你地寫得好快喎,我眼訓都死呀。我自己都有著住影個背面,睇張相好似身形幾fit嫁,哇哈哈快乜吖? o米將我o向阿波果邊個留言o的太過口語化o既句字改改. 只可以話我映相同設計得快... 你咁大隻, 實好睇啦! 我咁鬼瘦, 著住件紅色唔多靚... 如果著得好睇, 我一定買作客.

我本來想試出黎比你地睇, 但實在太唔得, 衫身好長, 著到成個紅色水桶.  所有details 都著唔到出黎.

客場呢件, 真係要夠高同埋大隻先carrier到!!  剛才在百佳見到個鬼佬, 著得好好睇, 佢無印字, 隱約睇到背後的雄獅圖案.


[引用] | 作者 女伯爵 | 01-May-06 | [舉報垃圾留言]

[13] 回:hang
poonwinghang : 如果佢唔出,英格蘭仲可以出邊個?
高洛治??? emoticon


[引用] | 作者 阿文 | 01-May-06 | [舉報垃圾留言]

[14] 回:女伯爵
女伯爵 :
好呀, 幫件紅色客場影個專輯, 著唔到都可以留個紀念啦! 

咁就搵日同國王的新衣映相先...


[引用] | 作者 阿文 | 01-May-06 | [舉報垃圾留言]

[15] 回:kenny
女伯爵 :
kenny : 你地寫得好快喎,我眼訓都死呀。我自己都有著住影個背面,睇張相好似身形幾fit嫁,哇哈哈哈哈, 幾fit 的身形呀!  我想睇喎, post出黎睇吓呀!!

Kenny, 我都好想睇o下你著成點.


[引用] | 作者 阿文 | 01-May-06 | [舉報垃圾留言]

[16] 回:國王
國王 :
你拎去影啦...但千奇唔好倒d焗豬扒飯落去呀...

多謝國王讓出你的新衣... 唔倒焗豬扒飯都得, 改流一兩滴口水啦!


[引用] | 作者 阿文 | 01-May-06 | [舉報垃圾留言]

[17]

其實在未打呢場波前我都唔知點解有預感朗尼仔會受傷,真係好既唔中衰既中!


[引用] | 作者 One Ken | 01-May-06 | [舉報垃圾留言]

[18]

哇哈哈,我好似講大左d,不過我太太都話如果剩睇個背都唔覺我肥呀!emoticon


[引用] | 作者 kenny | 02-May-06 | [舉報垃圾留言]

[19]

真係好期待睇「朗尼」係世界盃綠茵球場上的風采。


[引用] | 作者 藍秋 | 02-May-06 | [舉報垃圾留言]

[20] 回:kenny
kenny :
哇哈哈,我好似講大左d,不過我太太都話如果剩睇個背都唔覺我肥呀!

莫非你o的肉移到去前面個肚皮度?


[引用] | 作者 阿文 | 02-May-06 | [舉報垃圾留言]

[21] 回:藍秋
藍秋 :
真係好期待睇「朗尼」係世界盃綠茵球場上的風采。

始終都係佢人生第一次, 都好想... 但佢仲有大把時間, 今次唔得, o米下次o羅... 不過, 最重要都係佢健健康康.


[引用] | 作者 阿文 | 02-May-06 | [舉報垃圾留言]

[22]

阿文,我也寫了一篇關於朗尼的Blog,並且加上了你的連結呢,得閒過來睇下啦!


[引用] | 作者 One Ken | 04-May-06 | [舉報垃圾留言]

[23] 回:Ken
One Ken :
阿文,我也寫了一篇關於朗尼的Blog,並且加上了你的連結呢,得閒過來睇下啦!

多謝分享! 我都留底o左我o既足跡.


[引用] | 作者 阿文 | 04-May-06 | [舉報垃圾留言]