香港新浪網 MySinaBlog
« 上一篇 | 下一篇 »
阿文 | 16-May-06 | 四年一度 | (2291 Reads)

平均分: 9.50 | 評分人數: 2

不足一個月,便到了今屆世界盃的開幕。從電視的廣告、雜誌的特稿、相關的網頁,以及茶餘飯後,你都會感受到這來自四年一度的氣氛慢慢迫近。

自86年開始,我便迷上了看世界盃足球賽事,也會儲起一些與世界盃有關的物品。閒來時,我也會仿傚別人,自行製作世界盃資料集。這些都是我多年來的心血,特來與大家分享。


86世界盃 (主辦國:墨西哥 冠軍:阿根延)
在補習社裡,我與幾個同校師兄被編為同一組。閒聊間,我得知他們用LEGO的人仔組成了英格蘭,西德與巴西國家隊,令我也想參與其中。回家後,我翻箱倒篋,把家中所有的LEGO人仔找出,當中以紅色或白色大空人的數量最多,按顏色的配襯來看,紅衫白褲的效果最為理想。選定顏色後,便要替球員打扮一番,先用天拿水,將太空人心口上的火星標誌抺去,又找來一些號碼,貼在球衣背面。但云云隊伍中,紅衫白褲的隊伍實在太多,令我六神無主。於是,我將其中一個人仔交給師兄們為我作主。他們一看球衣背面那個巨大的號碼,便一致認定這是丹麥人。就是這樣,在不知丹麥的實力有多少的情況下,我便愛上了丹麥,看來有點盲婚啞嫁的感覺呢。
 
左:丹麥國家隊的十一位正選。右:其實,當年的丹麥亦有不少出色球員,知名度較高的有效力曼聯(Manchester United)的謝士柏奧臣(Jesper Olsen)、維羅納(Hellas Verona)的艾基亞(Preben Elkjær-Larsen)及祖雲達斯(Juventus)的米高勞特立(Michael Laudrup)。他們的球衣號碼分別是8號、10號和11號。

 
上圖:這是我唯一一本世界盃集圖冊。內容與其他世界盃集圖冊無異,都是Panini的出品,內容有歷屆世界盃的宣傳海報、球場設施、墨西哥的重要城市、球星介紹、球隊的大合照及隊徽等。大部份的160張貼圖,都是用我儲下來的積蓄去購買。買回家後,既緊張,又要慢慢地將包裝撕開,然後開估,再小心翼翼地將貼圖貼上。當中最難儲的,就是那些閃閃生光的貼紙,即是有關該屆世界盃的標誌及吉祥物,還有24隊剎入決賽週的隊徽,抽中它們猶如尋獲了寶藏般興奮。遇到重覆的,也不用失望,因為可以與好友交換,當中的討價還價,及重情重義的真性情,又真的叫人回味。最終,我都能將所有的貼圖集齊,對於一個不愛收集東西的小孩來說,實在難得。
   
左上:閃閃生輝的貼圖,既漂亮,又難得。右上:英格蘭國家隊球星,由上至下,左至右為施路頓(Peter Shilton)、史提芬斯(Gary Stevens)、史提芬(Trevor Steven)、巴士維(Paul Bracewell)、韋健士(Ray Wilkins)、荷度(Glenn Hoddle)、笠臣(Bryan Robson)、希利(Mark Haeley)、迪臣(Kerry Dixon)、連尼加(Gary Lineker)、華度(Chris Waddle)及庇利(Gary Bailey)。左下:丹麥國家隊球星,由上至下,左至右為務比(Jan Molby)、拿比(Soren Lerby)、謝士柏奧臣、西門遜(Allan Simonsen)、艾基亞及米高勞特立。右下:謝士柏奧臣的相片。當年有阿根延的馬勒當拿(Diego Armando Maradona)、巴西的薜高(Zico)及法國的柏天尼(Michel Platini)等天皇巨星,但我卻鐘愛奧臣,可能是我的髮型與他這張相的有幾分相似。他當年是效力曼聯,自始,我也喜歡了曼聯。他與效力威爾斯的後輩傑斯(Ryan Giggs)同是司職左翼的球員,都是我所喜歡的,真巧合。

這一屆,我也自製了一本有關世界盃的資料檔。我將報章上所取得的球隊資料、組別、每場比賽等東西用心地寫在單行簿上。可惜的是,由於我對世界盃的認識尚淺,造成資料錯漏百出。及後拿出來重溫時,真的把自己嚇怕,便連忙把這本小時候的心血掉去。現在想起來都有點後悔。其實,這本資料手稿見証著我對看足球比賽的心路歷程,什麼也不懂的我第一次看世界盃,總有不少難忘的回憶。好像我對賽制一曉不通,從報章看到該屆A組的四隊,即阿根延、意大利、南韓與保加利亞的比賽,便以世界盃只有四隊球隊角逐。又例如抄錄球隊名單時,我只將某賽事中的正選11人寫出,卻不知每隊共有23名球員,以便領隊的調兵遣將。即使在抄錄時,我發現遺留了一些號碼,但只顧抄寫的我沒有細心去研究。其實球隊需要後備來替補停賽或受傷的球員,這個顯淺的道理我也沒有考慮,真是一個笑話。

90世界盃 (主辦國:意大利 冠軍:西德)
由於集圖冊沒有上一屆那麼精美,加上這一屆世界盃,我大部份時間在宿舍中度過,沒有閒來收集貼圖,只是對24強的相片產生興趣,便一一向同學們收購。我不知從那裡得到一個精美的無線世界盃宣傳品,便拿來作封套罷了。順帶一題,以前看世界盃及歐洲國家盃的電視轉播,每一場都是免費的,真的令人懷念以前能在家中觀看高水準的足球賽事。
  

94世界盃 (主辦國:美國 冠軍:巴西)
這一年,我學會了倉頡輸入法,便開始用電腦協助文字的編輯。我特來找一本相簿,將所有的資料列印後,放進封套內。當中介紹歷屆世界盃紀錄、球場巡禮、球隊介紹(包括領隊、球員名單、外圍賽及該屆成績)與各場賽果。由於檔案失傳,我只留下這份珍藏作紀念。
 
上:看似一盒有關世界盃的錄影帶,其實內裡又是另一回事。左下:每一頁列印成3R相片的大小,然後套入相簿內,既可保存紙張品質,又顯得這份資料集與別不同。〔可按圖放大〕中下:巴西的球員名單。〔可按圖放大〕右下:巴西在外圍賽及決賽週的成績。〔可按圖放大〕 

98世界盃 (主辦國:法國 冠軍:法國)
這次沒有太多花巧,只將決賽週各隊的球員及賽事的資料,用表格來分析,這可省下不少文字上的編寫。

上圖:英格蘭重返世界盃決賽週。荷度起用了不少新面孔,亦令這次世界盃教人津津樂道。你還記得碧咸(David Beckham)的掃跌施蒙尼(Diego Simeone)、奧雲(Michael Owen)的一鳴驚人及費迪南(Ferdinand)兩叔姪的入選嗎?

02世界盃 (主辦國:日本、南韓 冠軍:巴西)
我於01年到南韓工幹,希望在當地找到有關吉祥物的紀念品,可惜我一直也找不到,最後只能在機場買了一個銀黑色的足球。及後,哥哥到日本去,我便叫他找一找那三個吉祥物的公仔,用來點綴這個足球。及後,我訂造了一塊中間開了一個圓孔的玻璃,又找來一對入牆架俾,將這個小擺設安置於牆上。
 

上:02年世界盃吉祥物阿特摩(Atmo)。下:吉祥物包括三個太空精靈,包括黃色的領袖Ato(中)及其助手Nik(左)與Kaz(右)。

後記:
這些收集,其價值不在乎我花了多少金錢去購買,而是在於我用了多少時間和心思去製作。雖不是十分完美的作品,但當中見証著我從什麼也不懂,到今天的認知。這段路程和這一份熱誠卻為珍貴。你可能會問,今屆我將會有什麼創作?或許,隨緣吧!或許,你會在這個網誌找到答案,請耐心等待吧!


[1]

原來熱愛足球係可以去到如此地步,十個勁!
重記得86年墨西哥吉祥物的標誌,因為那年難得地在吉祥物前影了一張全家幅,亦係最後一張。


[引用] | 作者 Pink | 16-May-06 | [舉報垃圾留言]

[2] 回:Pink
Pink :
原來熱愛足球係可以去到如此地步,十個勁!重記得86年墨西哥吉祥物的標誌,因為那年難得地在吉祥物前影了一張全家幅,亦係最後一張。

我相信哇哈哈都有好多與我同類形的球迷, 我們多麼可愛又和善, 輸了波最多冇心機, 或大叫, 再唔係就爆粗. 絕對唔會燒車呔, 剎球員, 抛什物... 咁冇品.
還有, 我愛看足球, 但我不懂踼波; 我球足球機有一手, 但我打winning好差.


[引用] | 作者 阿文 | 16-May-06 | [舉報垃圾留言]

[3]

真係好多珍藏!!
記得兒時同哥哥住的時候嘟有儲過,不過唔見晒lu~~


[引用] | 作者 arfi | 17-May-06 | [舉報垃圾留言]

[4] 回:arfi
arfi :
真係好多珍藏!!記得兒時同哥哥住的時候嘟有儲過,不過唔見晒lu~~

咁妳儲過o的乜呢?


[引用] | 作者 阿文 | 17-May-06 | [舉報垃圾留言]

[5]

下個月會見到女伯爵,國皇同你都少post嘞!emoticon


[引用] | 作者 金婆婆 | 17-May-06 | [舉報垃圾留言]

[6]

小弟曾看過86,90,98,02世界盃,真遺憾,卻沒有儲下任何有紀念價值的東西,記得的..只印在腦海~~~!


[引用] | 作者 史塔 | 17-May-06 | [舉報垃圾留言]

[7] 回:史塔
史塔 :
小弟曾看過86,90,98,02世界盃,真遺憾,卻沒有儲下任何有紀念價值的東西,記得的..只印在腦海~~~!

學你話齊, 留o向個腦度係最珍貴, 最秘密... 得閒出o黎吹吹啦!
依~ 94年你去o左邊度潛水呀?


[引用] | 作者 阿文 | 17-May-06 | [舉報垃圾留言]

[8]

文兄,原來你有咁多收藏! 真係厲害!


[引用] | 作者 Mich | 17-May-06 | [舉報垃圾留言]

[9]

係喎,仲有94


[引用] | 作者 史塔 | 17-May-06 | [舉報垃圾留言]

[10]

噢,我也有儲個86、90 俾你貼集圖冊,可惜丟了... 當時好記得90年個本我儲哂唯獨古烈治咋... 好慘!

Worldcup或足球紀念品我也有很多,例如友人在巴黎送給我的世盃紀念郵票、Nike/Adidas足球廣告(是看雜誌剪下來的)、奪標雜誌世界盃珍藏本、荷蘭亞根廷法國Worldcup scarf、仲有仲有很多足球/Worldcup DVD...


[引用] | 作者 One Ken | 17-May-06 | [舉報垃圾留言]

[11]

對足球不太熱愛, 不過90年的圖集, 我是儲齊了的, 最愛荷蘭三劍俠(沒記錯90還有他們吧!?)


[引用] | 作者 Penny | 17-May-06 | [舉報垃圾留言]

[12] 回:Mich
Mich :
文兄,原來你有咁多收藏! 真係厲害!

其實都係一年儲一o的, 加埋先至好似有咁多o野... 不過, 都係得八樣o野, 比起其他人唔算多...


[引用] | 作者 阿文 | 17-May-06 | [舉報垃圾留言]

[13] 回:One Ken
One Ken :
噢,我也有儲個86、90 俾你貼集圖冊,可惜丟了... 當時好記得90年個本我儲哂唯獨古烈治咋... 好慘!
Worldcup或足球紀念品我也有很多,例如友人在巴黎送給我的世盃紀念郵票、Nike/Adidas足球廣告(是看雜誌剪下來的)、奪標雜誌世界盃珍藏本、荷蘭亞根廷法國Worldcup scarf、仲有仲有很多足球/Worldcup DVD...

有空的話, 你要貼一貼你o既珍藏, 俾大家欣賞一o下...


[引用] | 作者 阿文 | 17-May-06 | [舉報垃圾留言]

[14] Re: 阿文
阿文 : arfi :真係好多珍藏!!記得兒時同哥哥住的時候嘟有儲過,不過唔見晒lu~~咁妳儲過o的乜呢?
咁話兒時同唔見晒...所以唔記得晒lu~~emoticon


[引用] | 作者 arfi | 17-May-06 | [舉報垃圾留言]

[15] 回:Penny
Penny :
對足球不太熱愛, 不過90年的圖集, 我是儲齊了的, 最愛荷蘭三劍俠(沒記錯90還有他們吧!?)

他們都有踼90年世界盃, 不過我喜歡德國三劍俠多o的.


[引用] | 作者 阿文 | 17-May-06 | [舉報垃圾留言]

[16]

最喜歡那一隊自製lego丹麥隊!! 滿是DIY精神及童真! emoticon


[引用] | 作者 傲雪 | 17-May-06 | [舉報垃圾留言]

[17] Re: 阿文
One Ken :
噢,我也有儲個86、90 俾你貼集圖冊,可惜丟了... 當時好記得90年個本我儲哂唯獨古烈治咋... 好慘!
Worldcup或足球紀念品我也有很多,例如友人在巴黎送給我的世盃紀念郵票、Nike/Adidas足球廣告(是看雜誌剪下來的)、奪標雜誌世界盃珍藏本、荷蘭亞根廷法國Worldcup scarf、仲有仲有很多足球/Worldcup DVD...

阿文,要scan 既喎,我找日試下用相機影啦...


[引用] | 作者 One Ken | 17-May-06 | [舉報垃圾留言]

[18] Re: 金婆婆
金婆婆 : 下個月會見到女伯爵,國皇同你都少post嘞!
怕的是所有post 都會同世界盃有關.......都時可能會悶親大家 emoticon emoticon


[引用] | 作者 女伯爵 | 17-May-06 | [舉報垃圾留言]

[19] 回: 阿文

um......睇到你的收集品越來越有規模, 真厲害!!

最有印象係90年的貼紙, 因為係全隊team 靚好多.

唔知你有沒有儲到90時麥當當世界盃記念杯? 


[引用] | 作者 女伯爵 | 17-May-06 | [舉報垃圾留言]

[20] 回:雪
傲雪 :
最喜歡那一隊自製lego丹麥隊!! 滿是DIY精神及童真!

起初只有幾個人仔,後來同人地換,至可以有十幾人。
果陣時冇錢,好多時候要靠創意去滿足自己。


[引用] | 作者 阿文 | 17-May-06 | [舉報垃圾留言]

[21] 回:One Ken
One Ken :
阿文,要scan 既喎,我找日試下用相機影啦...

你映相咁勁, 一定得. 到時叫我過去你度睇...


[引用] | 作者 阿文 | 17-May-06 | [舉報垃圾留言]

[22] 回:女伯爵
女伯爵 :
um......睇到你的收集品越來越有規模, 真厲害!!
最有印象係90年的貼紙, 因為係全隊team 靚好多.
唔知你有沒有儲到90時麥當當世界盃記念杯? 

麥當勞世界盃紀念杯…乜東東?俾o的相睇o下都得掛?


[引用] | 作者 阿文 | 17-May-06 | [舉報垃圾留言]

[23]

86年果本「比利貼」,我都有呀,不過,幾年前,已送了俾我表弟~

果陣,我沒有Lego,只好整左幾隊紙足球,用紙皮對摺起果隻呢。

個足球係用廁紙整成的,有白有粉紅,用牆紙剪成條狀再梱住舊廁紙~

CO2


[引用] | 作者 二氧化碳 CO2 | 17-May-06 | [舉報垃圾留言]

[24] 題外話

唔好意思~賣賣廣告先過來賣賣廣告先~「關心社區文物計劃展覽會 」


[引用] | 作者 貓糊 | 17-May-06 | [舉報垃圾留言]

[25]

紀念杯我有儲過,不過好快打爛左


[引用] | 作者 kenny | 17-May-06 | [舉報垃圾留言]

[26] Re: 回:Pink
阿文 :
Pink :
原來熱愛足球係可以去到如此地步,十個勁!重記得86年墨西哥吉祥物的標誌,因為那年難得地在吉祥物前影了一張全家幅,亦係最後一張。
我相信哇哈哈都有好多與我同類形的球迷, 我們多麼可愛又和善, 輸了波最多冇心機, 或大叫, 再唔係就爆粗. 絕對唔會燒車呔, 剎球員, 抛什物... 咁冇品.
還有, 我愛看足球, 但我不懂踼波; 我球足球機有一手, 但我打winning好差.

我對足球機都有少少心得,有機會要切磋一下。


[引用] | 作者 加美由 | 18-May-06 | [舉報垃圾留言]

[27]

我記得02年時因為爸爸做野間公司係提供wc個波上面d color .所以爸爸有幾張free ticket去睇波..但係佢竟然唔知我放假而唔帶我去..激到我嘔血丫..o個場重要係英格蘭O既賽事添! T^T!! 好彩最後我都有手信..你O個3隻吉祥物我都有呢~


[引用] | 作者 an朱 | 18-May-06 | [舉報垃圾留言]

[28] 回:CO2
二氧化碳 CO2 :
86年果本「比利貼」,我都有呀,不過,幾年前,已送了俾我表弟~
果陣,我沒有Lego,只好整左幾隊紙足球,用紙皮對摺起果隻呢。
個足球係用廁紙整成的,有白有粉紅,用牆紙剪成條狀再梱住舊廁紙~
CO2

係O米自制拍拍足球遊戲? 龍門框我用紙捲成條狀, 再掘成架形.


[引用] | 作者 阿文 | 18-May-06 | [舉報垃圾留言]

[29] 回:貓糊
貓糊 :
唔好意思~賣賣廣告先過來賣賣廣告先~「關心社區文物計劃展覽會 」

終於開展了…


[引用] | 作者 阿文 | 18-May-06 | [舉報垃圾留言]

[30] 回:kenny
kenny :
紀念杯我有儲過,不過好快打爛左

你係o米講緊女伯爵果隻麥記杯呀? 係講開好易打爛, 我又好似有o的印象…因為我都打欄o左隻.


[引用] | 作者 阿文 | 18-May-06 | [舉報垃圾留言]

[31] 回:加美由
加美由 :
我對足球機都有少少心得,有機會要切磋一下。

parker好勁架, 搵日同你地切磋切磋啦!


[引用] | 作者 阿文 | 18-May-06 | [舉報垃圾留言]

[32] 回:an朱
an朱 :
我記得02年時因為爸爸做野間公司係提供wc個波上面d color .所以爸爸有幾張free ticket去睇波..但係佢竟然唔知我放假而唔帶我去..激到我嘔血丫..o個場重要係英格蘭O既賽事添! T^T!! 好彩最後我都有手信..你O個3隻吉祥物我都有呢~

嘩! 真係唔知好過知lu...


[引用] | 作者 阿文 | 18-May-06 | [舉報垃圾留言]

[33]

真係好多珍藏呀!! 等我再慢慢欣賞下先...

多謝阿文


[引用] | 作者 藍秋 | 18-May-06 | [舉報垃圾留言]

[34] Re: 回: 阿文
女伯爵 :
um......睇到你的收集品越來越有規模, 真厲害!!
最有印象係90年的貼紙, 因為係全隊team 靚好多.
唔知你有沒有儲到90時麥當當世界盃記念杯? 

我屋企人曾經儲過, 儲唔齊, 不過至離奇就係, 到最後未打爛那3隻居然係當屆頭三名, 更邪的係最last打爛的係冠軍西德那隻杯!(當時東西德仍未正式統一)


[引用] | 作者 小草雪 | 18-May-06 | [舉報垃圾留言]

[35] 回:藍秋
藍秋 :
真係好多珍藏呀!! 等我再慢慢欣賞下先...
多謝阿文

唔知你又有乜珍藏呢?


[引用] | 作者 阿文 | 18-May-06 | [舉報垃圾留言]

[36] 回:小草雪
小草雪 :
我屋企人曾經儲過, 儲唔齊, 不過至離奇就係, 到最後未打爛那3隻居然係當屆頭三名, 更邪的係最last打爛的係冠軍西德那隻杯!(當時東西德仍未正式統一)

又真係幾邪~
係播!東西德未統一,咁我要改改我錯o左o既地方。


[引用] | 作者 阿文 | 18-May-06 | [舉報垃圾留言]

[37]

我都係唔知點解會鍾意丹麥隊架。今年冇佢地有d失望。記得上屆有場係丹麥對英格欄,都唔知想邊隊贏好!

佢地最勁係歐洲杯冠軍果時架喇。有輸米高,勞特立兄弟....你果本86世杯,大佬果張貼紙,我好耐之前都仲收埋一張架。不過有次整唔見咗。激死!98年佢地兩兄弟同場,我響報紙見到張相幾好就剪低咗。應該係練波時兩兄弟一齊行俾人影咗。題目係兄弟同心。幾好Feel 架。


[引用] | 作者 隨處摸 | 20-May-06 | [舉報垃圾留言]

[38] 回:隨處模
隨處摸 :
我都係唔知點解會鍾意丹麥隊架。今年冇佢地有d失望。記得上屆有場係丹麥對英格欄,都唔知想邊隊贏好!
佢地最勁係歐洲杯冠軍果時架喇。有輸米高,勞特立兄弟....你果本86世杯,大佬果張貼紙,我好耐之前都仲收埋一張架。不過有次整唔見咗。激死!98年佢地兩兄弟同場,我響報紙見到張相幾好就剪低咗。應該係練波時兩兄弟一齊行俾人影咗。題目係兄弟同心。幾好Feel 架。

最精彩都係98年丹麥對巴西, 佢地果場表演超晒班, 差o的可以切底巴西... 而02年佢地對英格蘭, 真係手掌係肉, 手背又係肉...


[引用] | 作者 阿文 | 20-May-06 | [舉報垃圾留言]

[39]

老四,今屆世界杯不如上你家作客 一面看的珍藏品 一面看球場 人生一大樂事也

PS 你有沒有收藏今屆的世界杯集圖冊呢 我公司裡某位秘書的男友也好此道 需要介紹你認識交流下嗎


[引用] | 作者 三冠王 | 22-May-06 | [舉報垃圾留言]

[40] 回:三冠王
三冠王 :
老四,今屆世界杯不如上你家作客 一面看的珍藏品 一面看球場 人生一大樂事也
PS 你有沒有收藏今屆的世界杯集圖冊呢 我公司裡某位秘書的男友也好此道 需要介紹你認識交流下嗎

三叔, 我屋企冇有線, 睇鬼咩? 至於珍藏品, 我點夠你o既多呢? 我只係收藏o左八六年個屆世界盃o既集圖冊, 之後就冇玩呢個玩意.


[引用] | 作者 阿文 | 22-May-06 | [舉報垃圾留言]

[41]

老四 我想將你這篇文章張貼在曼聯網的世界杯討論區 你同意嗎


[引用] | 作者 三冠王 | 23-May-06 | [舉報垃圾留言]

[42] 回:三冠王
三冠王 :
老四 我想將你這篇文章張貼在曼聯網的世界杯討論區 你同意嗎

難得三叔睇得起我呢編o野,就唔該你幫幫忙。


[引用] | 作者 阿文 | 23-May-06 | [舉報垃圾留言]

[43] Re: 回:三冠王
阿文 :
三冠王 :老四 我想將你這篇文章張貼在曼聯網的世界杯討論區 你同意嗎難得三叔睇得起我呢編o野,就唔該你幫幫忙。

你同意就好 我會和小碧商量在討論區或世界杯專題發放


[引用] | 作者 三冠王 | 23-May-06 | [舉報垃圾留言]

[44] 回:三冠王
三冠王 :
你同意就好 我會和小碧商量在討論區或世界杯專題發放

其實我都想放o向世界盃專題度, 不過呢o的要小碧同u-soccer同意至得, 同埋要搵人執執o的錯字同病句. 至於相呢, 你可以o向度攞, 如果要大張o的就再搵我啦!

三叔, 下季英超開攞到你貼播o的曼聯精品同大家分享...


[引用] | 作者 阿文 | 23-May-06 | [舉報垃圾留言]

[45] Re: 回:三冠王 (三叔)
阿文 : 三叔, 下季英超開攞到你貼播o的曼聯精品同大家分享...

三叔, 你d 收藏品, 真係睇到人流口水.  你不如出一個在主板出一個專文, 介紹一下個d 精品及公仔, 比面d 小朋友認識啦!!  咁講吓講吓, 可能會搞得成[曼聯百萬富翁活動]都唔定!! 

好, 世盃後等你做野啦 ~ emoticon


[引用] | 作者 女伯爵 | 23-May-06 | [舉報垃圾留言]

[46] 有“世界盃紀念品”專門店嗎?

請問你在香港哪裡可以購買關於世界盃的紀念品啊?或者有無世界盃紀念品的專門店架?


[引用] | 作者 matatang | 07-Jun-06 | [舉報垃圾留言]

[47] 回:matatang
matatang :
請問你在香港哪裡可以購買關於世界盃的紀念品啊?或者有無世界盃紀念品的專門店架?

我98同02年果o的都係朋友或自己o向當地買. 或者你可以去賣足球有關產品o既舖頭睇o下, 例如灣仔東方188二樓.

至於香港有冇世界盃紀念品的專門店, 呢層我又未聽過有o畨...


[引用] | 作者 阿文 | 07-Jun-06 | [舉報垃圾留言]

[48] 有“世界盃紀念品”專門店嗎?

唔該曬啦!你個網站整得好好喔!好靚啊!


[引用] | 作者 matatang | 07-Jun-06 | [舉報垃圾留言]

[49] 回:matatang
matatang :
唔該曬啦!你個網站整得好好喔!好靚啊!

多謝讚賞. 唔知你有冇寫blog呢? 可否分享一o下?


[引用] | 作者 阿文 | 07-Jun-06 | [舉報垃圾留言]

[50] 有“世界盃紀念品”專門店嗎?

我都有,不過唔靚架,你想唔想睇下啊?


[引用] | 作者 matatang | 07-Jun-06 | [舉報垃圾留言]

Next