香港新浪網 MySinaBlog
« 上一篇 | 下一篇 »
阿文 | 03-Jun-06 | 艾文日記, 四年一度 | (891 Reads)

平均分: 10.00 | 評分人數: 1

前日,我收到蘋果日報記者的電子郵件。得知他們看到我有關世界盃收藏的文章後,想與我做一個訪問,網羅有關香港本地與世界盃有關的大小話題。我收到這個消息,驚喜交集,因為這次是我一生人的第一次訪問,好想試一試;但又怕那是一個騙局。與好友們在國王的論壇商議後,大家都認為這是難得的機會。在眾人的鼓勵與提點下,我們接受了今次的訪問。


在記者的要求下,希望我能展示更多的收藏,好使報導更精彩。經過一輪地毯式搜查,我發現數件已遺忘的物件,包括首日封、鎖匙扣、頸巾、襟章及電話繩。
  
左上:初戀情人送給我的英格蘭國家隊頸巾。右上:
98世界盃的精品,分別是朋友從法國旅遊回來給我的首日封及另一位朋友在酒吧中得來的贈品--巴西鎖匙扣。剛好這兩支隊伍於該屆的總決賽對壘,結果由法國勝出。左下:02年世界盃的紀念品。98年,我與初與初戀情人到韓國旅遊,購下右上方的記念品。於01年再次重遊舊地公幹,購入其他手信,本來打算送給朋友們,但最後都不捨得。這可見產品的設計在三年間有很大改善。右下:另一朋友到日本旅行,送給我的頸巾,上面寫上「NOTHING GREAT HAS EVER BEEN ACCOMPLIHED WITHOUT PASSION」。

是次訪問,找來湯馬士女伯爵的陪同,令收藏與訪問更加充實。訪問內容大致分三個部份。

第一部份是關於我們的珍藏。其實不外乎從收藏每一件物品,當中的心得與經歷。記者會再按收藏及我們的對答,再發掘別的話題。好像我的94世界盃自製特刊,我當時有感報章雜誌在球隊對賽的資料上錯漏百出,加上同一球員有不同的譯名。適逄我初學倉頡輸入法,便立定決心,自製一本獨一無二的天書。他於是問及有那些球星的譯名我感到不滿。我便答阿根廷的馬勒當拿有時被稱為馬拉當拿,意大利的史基拉斯變成沙拉斯等。當然,還有車路士改為無線版的修爾斯。但對我來說,聽這些奇怪的譯名,總好過要付款才能看世界盃。他接著問我,還有沒有其他的大作。我說因工作關係,沒有空再寫了,加上互聯網所得的資料實在太豐富,以前要翻這書,閱那文,才能找到的答案,現在按一按就有了,不用費神呢?但我心又想,今年我會在這個網誌中重新動筆,還是等著看吧!

大家似乎對舊事物產生濃厚興趣,尤其是我的86年收藏。大家都分享不少有關儲貼圖的心得與經歷。當年的160張貼紙,至今己變成596張,真是毅力與荷包的一個大挑戰。到了分享LEGO人仔時,除了談談丹麥隊外,亦介紹的相關系列,當中還有施丹

第二部份為拍攝,主要來一個精品大合照,個別大特寫及替我們拍攝。攝映師經常叮囑我們臉帶笑容,還要露齒,真的擔心出來會有反效果。

最後一個部份,記者向每人問及一件有關世界的盃難忘事。女伯爵提及「碧咸決戰施蒙尼 十二碼破一腳掃」的一幕君子服仇記。我就講哥倫比亞球員,艾斯高巴於94世界盃的一個鳥龍波令球隊落敗,回國後更被搶剎的事件。的確,世界盃是一項和平的體育運動,為何綠茵場會變成剎人舞台的序曲?記者靈機一動之下,便問及我們對足球賭博的意見。由於三人都是天主教或基督教徒,不讚成這玩意。再者,此舉亦影響大家欣賞足球的心情。最後,湯馬士分享荷蘭全能足球的十上十落陣式,能看到如此的進攻足球,真是當年球迷之福。

真的多謝記者給我一個訪問的機會,也多謝湯馬士與女伯爵的相助。 

=======================================================鼓勵語錄:
湯馬士:「阿文,不用怕醜!你又不是電車男,怕什麼?況且你的工作也要要面對客人。接受記者的訪問,完全是你自己意願。若這是第一次,可以找多一兩個朋友幫忙。另外,最好預先給你一個訪問稿的大綱或細節,好使你有一個準備。」

國王:「近日報章雜誌都四出搜集世界盃的資料,我相信他應該是認真的。訪問期間,他會盡量影相,又會問問你有關自己收藏的心路歷程。我看你那篇文章,都儲了幾年珍藏,何不向更多同道者分享? 你可主動叫多一兩位重量級人士一齊被訪,他不會反對的。」

笠臣:「阿文,去一次當係人生的一個回憶。一頁屬於自己的訪問,人生何求。」

三冠王:「阿文,其實個人覺得他欣賞你篇文章,找你做訪問是你的光榮……」 (當中還有很多解破我接受訪問之謎團,但貼了可能引起大家的疑問,恕我刪下千字真言。)

[1]

期待你這次訪問見報的日子。
不知個記者會點寫呢?


[引用] | 作者 kenny | 03-Jun-06 | [舉報垃圾留言]

[2]

最近,我都收過一位在電視台新聞部的記者在我寫波的文章留言,我還以為要我上電視添。

不過最後,她說:又不是要上電視,只是問我對一些足球的睇法而已......

結果:我寫了篇評「賭波台」及「波經」作回應。

CO2


[引用] | 作者 二氧化碳 CO2 | 03-Jun-06 | [舉報垃圾留言]

[3]
國王:「近日報章雜誌都四出搜集世界盃的資料,我相信他應該是認真的。訪問期間,他會盡量影相,又會問問你有關自己收藏的心路歷程。我看你那篇文章,都儲了幾年珍藏,何不向更多同道者分享? 你可主動叫多一兩位重量級人士一齊被訪,他不會反對的。」
可主動叫多一兩位重量級人士一齊被訪???

重量級??他指是誰??
他自己??

CO2


[引用] | 作者 二氧化碳 CO2 | 03-Jun-06 | [舉報垃圾留言]

[4] 回:kenny
kenny :
期待你這次訪問見報的日子。不知個記者會點寫呢?

等o下啦! 可能得一段仔, 亦可能乜都唔登都未定... 世事難料呢...


[引用] | 作者 阿文 | 04-Jun-06 | [舉報垃圾留言]

[5] 回: 阿文
也多謝湯馬士與女伯爵的相助.

唔好咁講, 其實也因為你我地才有呢次分享交流的經驗, 我講多謝才真!! emoticon

我諗蔡生寫的可能係一個專輯, 聽到他會找不同國藉的朋友做訪問, 大家各為其主, 有不同支持方式.  都幾期待那一篇文章!!  唔知今日個瑞典人會唔會帶D 什麼來做訪問??


[引用] | 作者 女伯爵 | 04-Jun-06 | [舉報垃圾留言]

[6] Re: 阿碳
二氧化碳 CO2 : 最近,我都收過一位在電視台新聞部的記者在我寫波的文章留言,我還以為要我上電視添。不過最後,她說:又不是要上電視,只是問我對一些足球的睇法而已......結果:我寫了篇評「賭波台」及「波經」作回應。CO2
我都有睇你果篇文.


[引用] | 作者 女伯爵 | 04-Jun-06 | [舉報垃圾留言]

[7] 回:CO2
二氧化碳 CO2 :
最近,我都收過一位在電視台新聞部的記者在我寫波的文章留言,我還以為要我上電視添。不過最後,她說:又不是要上電視,只是問我對一些足球的睇法而已......結果:我寫了篇評「賭波台」及「波經」作回應。CO2

結果, 連簡簡單單o既訪問都冇?


[引用] | 作者 阿文 | 04-Jun-06 | [舉報垃圾留言]

[8] 回:CO2
二氧化碳 CO2 :
國王:「近日報章雜誌都四出搜集世界盃的資料,我相信他應該是認真的。訪問期間,他會盡量影相,又會問問你有關自己收藏的心路歷程。我看你那篇文章,都儲了幾年珍藏,何不向更多同道者分享? 你可主動叫多一兩位重量級人士一齊被訪,他不會反對的。」可主動叫多一兩位重量級人士一齊被訪???

重量級??他指是誰??他自己??
CO2


佢冇自薦, 而我有請佢到, 但冇蒲頭... 我地果邊仲有好多收藏家, 佢只不過指其他人.


[引用] | 作者 阿文 | 04-Jun-06 | [舉報垃圾留言]

[9] 回:女伯爵
女伯爵 :
也多謝湯馬士與女伯爵的相助.
唔好咁講, 其實也因為你我地才有呢次分享交流的經驗, 我講多謝才真!!
我諗蔡生寫的可能係一個專輯, 聽到他會找不同國藉的朋友做訪問, 大家各為其主, 有不同支持方式.  都幾期待那一篇文章!!  唔知今日個瑞典人會唔會帶D 什麼來做訪問??

可能佢打氣用具, 例如有兩隻角果o的頭盔, 波衫, 化妝品, 瑞典國旗... 還可能分享現場參與o既經驗.


[引用] | 作者 阿文 | 04-Jun-06 | [舉報垃圾留言]

[10]

原來個3隻吉祥物係咁細隻架?!
我仲以為好似多多咁大隻添~~!

不過有咁多件收藏品, 真係好犀利! 而最有印象只係得個本86年集圖冊, 因為d同學仔係咁交換, 但冇我份~~


[引用] | 作者 啤梨 | 04-Jun-06 | [舉報垃圾留言]

[11]
阿文 :
結果, 連簡簡單單o既訪問都冇?
若叫我面談,我一定不會出現,因為我思緒混亂,會漏了好多野。

比個文字稿佢,反而更準確表達我的想法~

CO2


[引用] | 作者 二氧化碳 CO2 | 04-Jun-06 | [舉報垃圾留言]

[12]

<blockquote><b>女伯爵</b> :
我都有睇你果篇文.
</blockquote><br />咁,我果篇另類的足球戰術,又在無睇先??用左我好多心血架,無番咁上下睇波資歷, 都未必寫得出。(順道嚮度賣下廣告先!!!!)

CO2


[引用] | 作者 二氧化碳 CO2 | 04-Jun-06 | [舉報垃圾留言]

[13]
阿文 :
佢冇自薦, 而我有請佢到, 但冇蒲頭... 我地果邊仲有好多收藏家, 佢只不過指其他人.
我還以為佢借機以佢既身型自薦添!!!
(註:我不是在他背後談他,因為我知道他一定在此蒲頭。)

CO2


[引用] | 作者 二氧化碳 CO2 | 04-Jun-06 | [舉報垃圾留言]

[14] Re: 回:kenny
阿文 :
kenny :
期待你這次訪問見報的日子。不知個記者會點寫呢?
等o下啦! 可能得一段仔, 亦可能乜都唔登都未定... 世事難料呢...

我上次受Amy雜誌訪問,也有你一樣的心態。雖然訪問了超過一句鐘,拍了不少照片,出來也只有一小段,但被採訪的過程是一個難得的體驗,也是很好的嘗試呢!^^

原來你真是個收集專家!好厲害!

你給那邊有關小石子的留言,真是很用心,也讓我從新想想怎樣和孩子「有建設性」的收集物件。

也衷心你常來留言,支持和鼓勵我!^^


[引用] | 作者 agnes | 04-Jun-06 | [舉報垃圾留言]

[15]

嘩上報紙,好厲害呢。幾時有得睇呀,等我睇下你個樣先!


[引用] | 作者 One Ken | 04-Jun-06 | [舉報垃圾留言]

[16]

俾個心理準備你先,篇野出街之後,你可能會發覺同你所講既有出入,因為佢寫稿有自己方向同目的,尤其呢d唔係個人專訪,係有題材的 - 世界盃,佢可能只會集中某幾句,改頭換面再無限放大。

以上只係我既猜測,有一篇自己滿意的訪問登在報紙固然係錦上添花,但畢竟係訪問呢個過程,已帶給你一個既前所未有亦難忘的回憶了...不是嗎?


[引用] | 作者 國王 | 04-Jun-06 | [舉報垃圾留言]

[17] 回:啤梨
啤梨 :
原來個3隻吉祥物係咁細隻架?!我仲以為好似多多咁大隻添~~!
不過有咁多件收藏品, 真係好犀利! 而最有印象只係得個本86年集圖冊, 因為d同學仔係咁交換, 但冇我份~~

個波有幾大呢? 咁我果三隻o野都只係得半個波咁大架...

唔夠三冠王咁多...


[引用] | 作者 阿文 | 04-Jun-06 | [舉報垃圾留言]

[18] 回:CO2
二氧化碳 CO2 :
阿文 :結果, 連簡簡單單o既訪問都冇?若叫我面談,我一定不會出現,因為我思緒混亂,會漏了好多野。

比個文字稿佢,反而更準確表達我的想法~
CO2


你怕見到靚女?


[引用] | 作者 阿文 | 04-Jun-06 | [舉報垃圾留言]

[19] 回:CO2
二氧化碳 CO2 :
我果篇另類的足球戰術,又在無睇先??用左我好多心血架,無番咁上下睇波資歷, 都未必寫得出。(順道嚮度賣下廣告先!!!!)
CO2

冇咁上下睇波資歷, 都未必睇得明. 哈哈!


[引用] | 作者 阿文 | 04-Jun-06 | [舉報垃圾留言]

[20] 回:CO2
二氧化碳 CO2 :
我還以為佢借機以佢既身型自薦添!!!(註:我不是在他背後談他,因為我知道他一定在此蒲頭。)

CO2


佢沉日唔得閒呢...


[引用] | 作者 阿文 | 04-Jun-06 | [舉報垃圾留言]

[21] 回:agnes
agnes :
我上次受Amy雜誌訪問,也有你一樣的心態。雖然訪問了超過一句鐘,拍了不少照片,出來也只有一小段,但被採訪的過程是一個難得的體驗,也是很好的嘗試呢!^^
原來你真是個收集專家!好厲害!
你給那邊有關小石子的留言,真是很用心,也讓我從新想想怎樣和孩子「有建設性」的收集物件。
也衷心你常來留言,支持和鼓勵我!^^

我唔係收集專家... 我好少收集物件. 其他同學收集郵票, 我冇興趣, 只係會見到得意同靚o既o野先至會儲起...

的確, 妳同仔仔研究石仔, 可能增進大家感情, 而且啟發佢o既求知慾... 石頭都可以畫有趣o既畫, 做有趣o既創作呢?

咁又唔洗客氣~ 難得妳來講波o既地方留言呢?


[引用] | 作者 阿文 | 04-Jun-06 | [舉報垃圾留言]

[22] 回:Ken
One Ken :
嘩上報紙,好厲害呢。幾時有得睇呀,等我睇下你個樣先!

我身高兩米, 體重二百磅, 身有臭孤, 對方前鋒百份百害怕o既龍門... (以上全是與現實的我不乎)

我依家都未知幾時見報.


[引用] | 作者 阿文 | 04-Jun-06 | [舉報垃圾留言]

[23] 回:國王
國王 :
俾個心理準備你先,篇野出街之後,你可能會發覺同你所講既有出入,因為佢寫稿有自己方向同目的,尤其呢d唔係個人專訪,係有題材的 - 世界盃,佢可能只會集中某幾句,改頭換面再無限放大。
以上只係我既猜測,有一篇自己滿意的訪問登在報紙固然係錦上添花,但畢竟係訪問呢個過程,已帶給你一個既前所未有亦難忘的回憶了...不是嗎?

所以呢, 好彩我同女伯爵都寫o左o的o野, 到時睇o下變成點都幾有趣. 不過佢成日問我地o的收藏要幾多錢. 我都唔記得咁多...

不過冇你, 笠臣同三叔, 真係差o的.


[引用] | 作者 阿文 | 04-Jun-06 | [舉報垃圾留言]

[24] Re: 回:阿文
阿文 : 女伯爵 :也多謝湯馬士與女伯爵的相助.唔好咁講, 其實也因為你我地才有呢次分享交流的經驗, 我講多謝才真!!我諗蔡生寫的可能係一個專輯, 聽到他會找不同國藉的朋友做訪問, 大家各為其主, 有不同支持方式.  都幾期待那一篇文章!!  唔知今日個瑞典人會唔會帶D 什麼來做訪問??可能佢打氣用具, 例如有兩隻角果o的頭盔, 波衫, 化妝品, 瑞典國旗... 還可能分享現場參與o既經驗.


喂喂, 快d 去萍果睇呀!!  佢地今日有一篇係訪問瑞典人, 都係由蔡生做採訪的.  我估係昨日訪問完我地的果個瑞典洋人...... emoticon

列強Fans話: 瑞典捧盃須靠奇蹟   

唔知我地果篇幾時出街呢??


[引用] | 作者 女伯爵 | 04-Jun-06 | [舉報垃圾留言]

[25] 回:女伯爵
女伯爵 :
喂喂, 快d 去萍果睇呀!!  佢地今日有一篇係訪問瑞典人, 都係由蔡生做採訪的.  我估係昨日訪問完我地的果個瑞典洋人......
列強Fans話: 瑞典捧盃須靠奇蹟   
唔知我地果篇幾時出街呢??

咁樣... 我地個訪問已出o左街, 下一篇係講「18%人表示會賭世界盃」. 咁佢問我地賭唔賭, 我地話唔賭...


[引用] | 作者 阿文 | 04-Jun-06 | [舉報垃圾留言]

[26] Re: 回: 阿碳
二氧化碳 CO2 : <blockquote><b>女伯爵</b> : 我都有睇你果篇文.</blockquote><br />咁,我果篇另類的足球戰術,又在無睇先??用左我好多心血架,無番咁上下睇波資歷, 都未必寫得出。(順道嚮度賣下廣告先!!!!) CO2
ok ok...你出到聲, 又係你心血結晶, 一定會睇埋!!  


[引用] | 作者 女伯爵 | 04-Jun-06 | [舉報垃圾留言]

[27] Re: 回:阿文
阿文 : 女伯爵 :喂喂, 快d 去萍果睇呀!!  佢地今日有一篇係訪問瑞典人, 都係由蔡生做採訪的.  我估係昨日訪問完我地的果個瑞典洋人......列強Fans話: 瑞典捧盃須靠奇蹟   唔知我地果篇幾時出街呢?? 咁樣... 我地個訪問已出o左街, 下一篇係講「18%人表示會賭世界盃」. 咁佢問我地賭唔賭, 我地話唔賭...

Um....蔡生應承咗出街前會單聲, 而且個research又唔係佢做.  我估又未必......

不過諗諗下我都係唔想自己個樣見報!! emoticon


[引用] | 作者 女伯爵 | 04-Jun-06 | [舉報垃圾留言]

[28]

那是難得的機會呢!


[引用] | 作者 東邪黃藥師 | 05-Jun-06 | [舉報垃圾留言]

[29] 回:女伯爵
女伯爵 :
Um....蔡生應承咗出街前會單聲, 而且個research又唔係佢做.  我估又未必......
不過諗諗下我都係唔想自己個樣見報!!

唓! 我叫佢唔好登人頭相時, 妳又唔加入行列?


[引用] | 作者 阿文 | 05-Jun-06 | [舉報垃圾留言]

[30] 回:東邪黃藥師
東邪黃藥師 :
那是難得的機會呢!

實在難得經驗, 唔知身經百戰o既島主, 有冇相關經驗?


[引用] | 作者 阿文 | 05-Jun-06 | [舉報垃圾留言]

[31]

文兄,畸寶搵我地個陣都想我地搵o的收藏品俾佢地影,都有諗過邀請你提供架! 哈! 不過最尾都俾我地過左骨!


[引用] | 作者 Mich | 05-Jun-06 | [舉報垃圾留言]

[32]

好厲害呢. 專訪啊~ 縱使最後只有一小段見報都好! proud of you!!! emoticon

刊登的時候, 記得要scan後再post出來分享啊! look forward.....


[引用] | 作者 傲雪 | 05-Jun-06 | [舉報垃圾留言]

[33] Re: 回: 阿文
阿文 : 女伯爵 :Um....蔡生應承咗出街前會單聲, 而且個research又唔係佢做.  我估又未必......不過諗諗下我都係唔想自己個樣見報!! 唓! 我叫佢唔好登人頭相時, 妳又唔加入行列?

哼! 你唔見我一影相時即閃開身咩!!  後來見你都無再反對蔡生影相, 而我同湯馬士只係撐你場睇你頭jei!!

睇番瑞典人的訪問, 佢都係拖一男一女撐場; 可能也是經過心理掙扎.....怕是騙局......又怕講錯野有辱國體!!?

今日個期係訪問荷蘭人....


[引用] | 作者 女伯爵 | 05-Jun-06 | [舉報垃圾留言]

[34]

刊出時,請宣佈一下啊!
我也有買生果報的,
只是很少看體育版!
可是,這訪問,會在那一版啊?!
期待ing!


[引用] | 作者 草飛 | 05-Jun-06 | [舉報垃圾留言]

[35] 回:Mich
Mich :
文兄,畸寶搵我地個陣都想我地搵o的收藏品俾佢地影,都有諗過邀請你提供架! 哈! 不過最尾都俾我地過左骨!

依~ 畸寶幾時搵你地呢?


[引用] | 作者 阿文 | 05-Jun-06 | [舉報垃圾留言]

[36] 回:雪
傲雪 :
好厲害呢. 專訪啊~ 縱使最後只有一小段見報都好! proud of you!!!
刊登的時候, 記得要scan後再post出來分享啊! look forward.....

咁o米俾妳見到我個樣? 到時搵乜交換先?


[引用] | 作者 阿文 | 05-Jun-06 | [舉報垃圾留言]

[37] 回:女伯爵
女伯爵 :
哼! 你唔見我一影相時即閃開身咩!!  後來見你都無再反對蔡生影相, 而我同湯馬士只係撐你場睇你頭jei!!
睇番瑞典人的訪問, 佢都係拖一男一女撐場; 可能也是經過心理掙扎.....怕是騙局......又怕講錯野有辱國體!!?
今日個期係訪問荷蘭人....

最新消息... 係唔知幾時出街.


[引用] | 作者 阿文 | 05-Jun-06 | [舉報垃圾留言]

[38] 回:草飛
草飛 :
刊出時,請宣佈一下啊!我也有買生果報的,只是很少看體育版!可是,這訪問,會在那一版啊?!期待ing!

哎吔! 連唔鐘意睇肉版o既人都會睇, 真係難得. 不過我都唔知幾時出街...


[引用] | 作者 阿文 | 05-Jun-06 | [舉報垃圾留言]

[39] Re: 回:雪
阿文 : 咁o米俾妳見到我個樣? 到時搵乜交換先?

哦~ 等日後有傳媒訪問我咯, 我咪通知番你去睇囉. 等價交換, 有拖冇欠! emoticon

(不過, 係女伯爵個城堡, 都見晒你們的大合照啦~)


[引用] | 作者 傲雪 | 06-Jun-06 | [舉報垃圾留言]

[40] 回:雪
傲雪 :
阿文 : 咁o米俾妳見到我個樣? 到時搵乜交換先?
哦~ 等日後有傳媒訪問我咯, 我咪通知番你去睇囉. 等價交換, 有拖冇欠!
(不過, 係女伯爵個城堡, 都見晒你們的大合照啦~)

有拖冇欠呢個字, 我今日聽o左兩次...
你都話係大合照, 咁你又估唔估到邊個係我呢?


[引用] | 作者 阿文 | 06-Jun-06 | [舉報垃圾留言]

[41]

篇野係幾時架?miss左添!

阿文固然係有好多收藏,但一D舊野都Keep得咁好,更顯出你係一個念舊同小心翼翼的人。


[引用] | 作者 阿瀨 | 06-Jun-06 | [舉報垃圾留言]

[42] 回:阿瀨
阿瀨 :
篇野係幾時架?miss左添!
阿文固然係有好多收藏,但一D舊野都Keep得咁好,更顯出你係一個念舊同小心翼翼的人。

未知幾時登出o黎, 所以你仲未miss到...
收藏好少, 比唔上三冠王o的曼聯精品. 其實相同實物有o的分別. 你睇相, 覺得keep得好好, 但係實物就另一回事. 好似86年o既集圖冊, 其實每頁變黃, 而且有幾頁"nut"o左出o黎. 又好似法國o既首日封, 都開始變黃... 而丹麥lego人仔, 神早已變舊, 公仔有眼同口, 白色部份亦變殘... 不過其他都keep得幾好.


[引用] | 作者 阿文 | 06-Jun-06 | [舉報垃圾留言]

[43] Re: 回:雪
阿文 :
你都話係大合照, 咁你又估唔估到邊個係我呢?

之前女伯爵咪整過我們不少blogger的公仔既? 唔係講笑, 我真係估到邊個係你喎~


[引用] | 作者 傲雪 | 06-Jun-06 | [舉報垃圾留言]

[44] 回:雪
傲雪 :
之前女伯爵咪整過我們不少blogger的公仔既? 唔係講笑, 我真係估到邊個係你喎~

哈哈! 我剛剛同啤梨講, 我患o左老人痴呆証, 真係冇講錯, 妳唔講起, 我真係唔記得佢整o左o的咁o既o野... 咸豐年果o的我又記得鬼咁清楚.
咁妳覺得妳認為自己估到果個係我o既蛋散靚唔靚仔先?


[引用] | 作者 阿文 | 06-Jun-06 | [舉報垃圾留言]

[45]
阿文 :
女伯爵 :哼! 你唔見我一影相時即閃開身咩!!  後來見你都無再反對蔡生影相, 而我同湯馬士只係撐你場睇你頭jei!!睇番瑞典人的訪問, 佢都係拖一男一女撐場; 可能也是經過心理掙扎.....怕是騙局......又怕講錯野有辱國體!!?今日個期係訪問荷蘭人....最新消息... 係唔知幾時出街.

唔係掛?! 冇得睇??!!


[引用] | 作者 啤梨 | 07-Jun-06 | [舉報垃圾留言]

[46] 回:啤梨
啤梨 :
唔係掛?! 冇得睇??!!

皇帝唔急...


[引用] | 作者 阿文 | 07-Jun-06 | [舉報垃圾留言]

[47] Re: 回:雪
阿文 : 哈哈! 我剛剛同啤梨講, 我患o左老人痴呆証, 真係冇講錯, 妳唔講起, 我真係唔記得佢整o左o的咁o既o野... 咸豐年果o的我又記得鬼咁清楚.咁妳覺得妳認為自己估到果個係我o既蛋散靚唔靚仔先?
嘩~ 問這條咁高難度的問題呀... 即我問番你... 我靚唔靚女... 你點答o丫?! emoticon 


[引用] | 作者 傲雪 | 07-Jun-06 | [舉報垃圾留言]

[48] 回:雪
傲雪 :
嘩~ 問這條咁高難度的問題呀... 即我問番你... 我靚唔靚女... 你點答o丫?!  

只要妳俾妳張近照我睇o下, 我一定答到妳!


[引用] | 作者 阿文 | 07-Jun-06 | [舉報垃圾留言]

[49]
阿文 :
啤梨 :唔係掛?! 冇得睇??!!皇帝唔急...

多多急~~!!

嘻嘻~~


[引用] | 作者 啤梨 | 07-Jun-06 | [舉報垃圾留言]

[50] 回:啤梨
啤梨 :
多多急~~!!
嘻嘻~~

咁叻? 幾時教識佢認字?


[引用] | 作者 阿文 | 08-Jun-06 | [舉報垃圾留言]

Next