香港新浪網 MySinaBlog
« 上一篇 | 下一篇 »
阿文 | 17-Jun-06 | 珍藏共賞 | (1673 Reads)
第一部在香港出現的雙層就是九巴的丹拿A型,車身只有7.92米長。由於它擁有烏黑的車咀,所以又被稱為「烏咀狗」。

  

左上:1952年的尖沙咀梳士巴利道上,一輛2號線的丹拿A型巴士剛從尖沙咀碼頭開出,駛往深水埗去。與今天的巴士相比,的確有很大分別:前置的引擎、沒有空調、九巴的標誌、車身的顏色、路線的終點站、由人手控制的尾門、車尾的樓梯、木製的椅子、車箱內的裝飾及設有售票員的服務等,都成了過去的標準。右上:經翻新後的丹拿A型巴士,保留著昔日的神韻,只是車咀油了紅色。左下:對於有沒有坐過這一款巴士,我的確沒有印象,只能從模型去欣賞它的風彩。即使它也是丹拿A型,但跟之前的也有些少分別,包括換了伯明翰式的車咀、車頭燈藏於車咀內、多了一個前門、手拉閘門及後改為電動車門等。右下:Q板的模型巴士,比左邊的模型更可愛。

它們為市民服務超過三十年,至1983年才全部退役,對香港巴士發展佔有重要的地位,同時亦見証著香港人在戰後至經濟起飛的一段歷史。

========================================================
丹拿A型小檔案:
製造商: Daimler
引擎:  Gardner 5LW
車身:  Metal Sections
車隊:  Kowloon Motor Bus
服役年份:1949-1983


[1]

佢下層車頭有個位屈左入去, 好得意!


[引用] | 作者 本do | 18-Jun-06 | [舉報垃圾留言]

[2] 回:本do
本do :
佢下層車頭有個位屈左入去, 好得意!

不過司機就玩焗桑拿... 熱鬼死!

你o的公仔好得意呀!


[引用] | 作者 阿文 | 18-Jun-06 | [舉報垃圾留言]

[3]

文兄, 我老豆都係好此道者! 佢都好鍾意個架烏咀狗架~! 佢話當年佢細個時住港島個邊, 每日就係搭烏咀狗返小學.

所以我屋企都有幾架呢d巴士, 有回歸版, 有烏咀狗, 仲有一架唔記得佐. 下次影相畀你睇下 =)


[引用] | 作者 竟成 | 20-Jun-06 | [舉報垃圾留言]

[4] 回:竟成
竟成 :
文兄, 我老豆都係好此道者! 佢都好鍾意個架烏咀狗架~! 佢話當年佢細個時住港島個邊, 每日就係搭烏咀狗返小學.
所以我屋企都有幾架呢d巴士, 有回歸版, 有烏咀狗, 仲有一架唔記得佐. 下次影相畀你睇下 =)

竟成兄, 容許我指証錯處...

o向香港初期o既雙層巴士, 只有九巴訂丹拿 (Daimler) o既巴士, 而烏咀狗係丹拿A o既別名, 當年又未有紅隧, 所以烏咀狗只能o向九龍出現.

至於港島區, 中巴獨愛佳牌 (Guy), 而呢間廠所生產o既巴士被稱為紅番頭, 因為車頭水箱位頂部裝有印第安人頭像o既標誌.

我估世伯係坐紅番頭.


[引用] | 作者 阿文 | 20-Jun-06 | [舉報垃圾留言]

[5] 回:竟成
竟成 :
所以我屋企都有幾架呢d巴士, 有回歸版, 有烏咀狗, 仲有一架唔記得佐. 下次影相畀你睇下 =)

都歡迎貼相分享.


[引用] | 作者 阿文 | 20-Jun-06 | [舉報垃圾留言]

[6]

咦?! 咁得意你會鐘意九龍呢邊 d 巴士既??

咁有冇儲你香港個邊 d 中巴模型巴士呀??


[引用] | 作者 啤梨 | 20-Jun-06 | [舉報垃圾留言]

[7] 回:啤梨
啤梨 :
咦?! 咁得意你會鐘意九龍呢邊 d 巴士既??
咁有冇儲你香港個邊 d 中巴模型巴士呀??

咁啱我前排買呢款Q版車仔O者. 香港, 九龍, 中巴, 九巴, 新巴, 城巴, 龍運... 我都有架.


[引用] | 作者 阿文 | 21-Jun-06 | [舉報垃圾留言]

[8] 回︰文兄!
阿文 :
竟成 :文兄, 我老豆都係好此道者! 佢都好鍾意個架烏咀狗架~! 佢話當年佢細個時住港島個邊, 每日就係搭烏咀狗返小學.所以我屋企都有幾架呢d巴士, 有回歸版, 有烏咀狗, 仲有一架唔記得佐. 下次影相畀你睇下 =)竟成兄, 容許我指証錯處...

o向香港初期o既雙層巴士, 只有九巴訂丹拿 (Daimler) o既巴士, 而烏咀狗係丹拿A o既別名, 當年又未有紅隧, 所以烏咀狗只能o向九龍出現.
至於港島區, 中巴獨愛佳牌 (Guy), 而呢間廠所生產o既巴士被稱為紅番頭, 因為車頭水箱位頂部裝有印第安人頭像o既標誌.
我估世伯係坐紅番頭.

呀, 文兄, 你o岩! 當時都仲係中巴既年代, 我老豆喜歡烏咀狗就一定沒記錯, 但相信係將佢一d兒時既往事「撈」埋佐至真!

(我要"吼"我阿爸唔係屋企時拎架巴士出來影....) =P


[引用] | 作者 竟成 | 21-Jun-06 | [舉報垃圾留言]

[9]

我指係我錯將佢講畀我聽既往事「撈」亂佐~!


[引用] | 作者 竟成 | 21-Jun-06 | [舉報垃圾留言]

[10] 回︰竟成
竟成 :
呀, 文兄, 你o岩! 當時都仲係中巴既年代, 我老豆喜歡烏咀狗就一定沒記錯, 但相信係將佢一d兒時既往事「撈」埋佐至真!
(我要"吼"我阿爸唔係屋企時拎架巴士出來影....) =P

呵呵! 咁你要小心o的, 整鬼壞o左冇人幫到你. 咁你實行俾老豆打pat pat.


[引用] | 作者 阿文 | 21-Jun-06 | [舉報垃圾留言]

[11] 回:竟成
竟成 :
我指係我錯將佢講畀我聽既往事「撈」亂佐~!

哈哈! 如果呢o的係你o既回憶, 相信你都有一把年紀...


[引用] | 作者 阿文 | 21-Jun-06 | [舉報垃圾留言]