香港新浪網 MySinaBlog
« 上一篇 | 下一篇 »
阿文 | 23-Jun-06 | 回憶記錄 | (615 Reads)


宿舍的每日有三至四小時的自修時間,所以每天完成當日的家課是沒有問題。遇到自己喜歡的科目,我總不會吝嗇每一分杪,務求做到最好為止。

相片是我在中一時,有關設計與工藝的家課。這一科包括理論與實踐:理論就是從實踐中歸納出或由觀念推演,而得到的道理或論點;實踐就要親力親為,將學到的理論加以應用。兩者的關係十分密切,不可分割。透過金工與木工的學習,了解一件設計習作的生產過程。與大多數的同學一樣,我喜歡木工,因為木工容易掌握,但金工需費力去幹,滿身汗水卻換來又軟又髒的雙手。

 
左:第一份設計與工藝家課的第一頁。右:寫了七頁紙,終於把家課完成,並得到老師的加許。

第一堂金工的理論課是講述如何在工件上畫線,並介紹有關的工具與其使用技巧。家課就是從講義中,簡述各種工具的使用。我看著發黃的單行本,發現不少有趣的東西。這份家課寫於1987年9月17日,當年日子的格式為17th September 1987,與現在的17-9-06有很大分別。當中,我寫了不少錯字,但老師沒有察覺,可能被我所畫的圖吸引。另外,我那時喜歡寫草書,草書帶點稚氣,亦顯得公整,現在我卻喜歡反璞歸真,常寫正楷。

即使我現職為工程師,對物料的應用、工具的使用及機器的性能需有一定的認知,但當年所學的未必完全應用得到,因為現在事事講求效率,精密的加工中心在品質、工時及成本上省卻了不少人力物力。但沒有當年的基礎,又未必有今天的一切。


[1]

嘩...畫得好靚呀!重攞A添!


[引用] | 作者 金婆婆 | 23-Jun-06 | [舉報垃圾留言]

[2]

真係畫得好靚呀,以前女仔係學家政,很羡慕男仔有得上金工木工課呢。


[引用] | 作者 貓糊 | 24-Jun-06 | [舉報垃圾留言]

[3]

多多︰「文哥哥好有型、好MAN、又專業!!絕對稱得上係"型爆木工佬"呀!!」


[引用] | 作者 舒舒 | 24-Jun-06 | [舉報垃圾留言]

[4] 回:金婆婆
金婆婆 :
嘩...畫得好靚呀!重攞A添!

見到兩隻手, 令我諗某幅畫.


[引用] | 作者 阿文 | 24-Jun-06 | [舉報垃圾留言]

[5] 回:貓糊
貓糊 :
真係畫得好靚呀,以前女仔係學家政,很羡慕男仔有得上金工木工課呢。

羨慕夏天落堂時成身都係汗, 散發出無比勁臭o既「味」力.


[引用] | 作者 阿文 | 24-Jun-06 | [舉報垃圾留言]

[6] 回:舒夫真高
舒舒 :
多多︰「文哥哥好有型、好MAN、又專業!!絕對稱得上係"型爆木工佬"呀!!」

多多, 我煮兔仔肉都好有型, 好man, 同好專業, 你想唔想試o下?

喂! 老舒, 我公司主要賣rack (用鐵做), 其次係做console (鐵加木). 有冇興趣執番幾隻玩o下?


[引用] | 作者 阿文 | 24-Jun-06 | [舉報垃圾留言]

[7]

哇!! 你中一d公課仲有留到?!
好後悔自己一脫苦海就即刻掉洒...


[引用] | 作者 啤梨 | 24-Jun-06 | [舉報垃圾留言]

[8] 回:啤梨
啤梨 :
哇!! 你中一d公課仲有留到?!好後悔自己一脫苦海就即刻掉洒...

中學o的功課冇幾多份會keep, 呢份係其中一份.


[引用] | 作者 阿文 | 25-Jun-06 | [舉報垃圾留言]

[9]

我只有keep住A-level時的美術功課.

其他, 由於成績太差...無眼睇lu ~  emoticon


[引用] | 作者 女伯爵 | 25-Jun-06 | [舉報垃圾留言]

[10] 回:女伯爵
女伯爵 :
我只有keep住A-level時的美術功課.
其他, 由於成績太差...無眼睇lu ~  

當然只係keep自己覺得最有價值o既o野啦, 唔通keep英文攞光蛋o既功課咁羞家咩?


[引用] | 作者 阿文 | 26-Jun-06 | [舉報垃圾留言]

[11]

好懷念的讀書光景.我也是讀工業學校的,不過我係女仔,讀打字,家政等科目.


[引用] | 作者 小溜冰 | 22-Dec-06 | [舉報垃圾留言]

[12] 回:小溜冰
小溜冰 :
好懷念的讀書光景.我也是讀工業學校的,不過我係女仔,讀打字,家政等科目.

妳都係讀工業學校?何東?


[引用] | 作者 阿文 | 22-Dec-06 | [舉報垃圾留言]