香港新浪網 MySinaBlog
« 上一篇 | 下一篇 »
阿文 | 07-Feb-07 | 曼聯足球 | (815 Reads)
一個球員能稱得上通天老官,就是說他可以勝任多個位置。他在中小型班的球會中,會是十分吃香;但身處大球會,卻未必受重用,要接受長居後備之苦。愛華頓的菲臘利維利在曼聯期間,就是一個好例子。

週日晚,曼聯作客熱剌的賽事中,曼聯的奧沙比他的帥兄菲臘利維利更勝一籌。賽事至82分鐘,當曼聯門將雲達沙被對手羅比堅尼踢至鼻子爆裂受傷,不能繼續比賽。由於於三名換人名額用盡,經一輪商討後,奧沙充當守門員的職務。

猶記得他初出道時,是出任中堅,雖是小小的後備,但表現可人。及後改踢左閘,有時客串右閘,助攻時偶有佳作,亦是一路奇兵。近年,他被改造成防守中場,可惜他不懂把握時間,沒法控制攻守的協調。另外,當隊友控球時,他往往站在傳球路線的敵方身後。彷彿成了一個隱形人的他,表現只屬一般。我又真的估不到,他還有另一剎著,就是客串守門員的職務。在餘下10分鐘的時間,他將對手的角球打走,又化解了羅比堅尼的單刀,力保不失。最終十人應戰的曼聯以4:0大勝對手。

紿終,在陣容不完整的情況下,領隊可冒險作出適當的調動。就好像早幾年加利利維利客串中堅,或傑斯客串前鋒一樣。但替工始終是替工,改造成功的例子不多。希望領隊費格遜爵士不要被勝利沖昏頭顱,日後經常創制出無謂的改造,這一來破壞原有的陣式,從而打擊士氣,二來,我真的不想見到史密夫的事件重現。

=======================================================
通天老官的客串表現
http://www.youtube.com/watch?v=iUkdu0QIRog

奧沙小檔案

出生日期:1981年4月30日
出生地點:愛爾蘭
身  高:191cm
體  重:75kg

留言(8) | 引用(2) | 話題(運動)

[1]

奧沙連龍門都打埋,真係後防咩位都打哂咯~

話說回頭,雖則已4:0,對賽果已經不會有大改變,反而我覺得應該叫拿臣打龍門,畢竟他年紀大,可讓他做龍門抖抖,騰出空位讓好氣好力的奧沙嚮出面跑好過,再者,說不定拿臣嚮足球生涯中都未打過龍門,退休前都能做倒,更成為佳話。

另,不可能不改造球員,變始終好過死咕咕,只要若發覺改造失敗,未見攻效,便要即時放棄改造。

CO2


[引用] | 作者 二氧化碳 CO2 | 07-Feb-07 | [舉報垃圾留言]

[2]

果場波我都有睇呀!
我覺得奧沙擋出羅比堅尼果球單刀好精彩!
我亦祝福雲達沙冇咩事就好喇!因為雲達沙是後防的靈魂人物!
講真一句呀!我真係好想見到阿倫史密夫落場呀!


[引用] | 作者 藍秋 | 08-Feb-07 | [舉報垃圾留言]

[3] 回:CO2
二氧化碳 CO2 :
奧沙連龍門都打埋,真係後防咩位都打哂咯~
話說回頭,雖則已4:0,對賽果已經不會有大改變,反而我覺得應該叫拿臣打龍門,畢竟他年紀大,可讓他做龍門抖抖,騰出空位讓好氣好力的奧沙嚮出面跑好過,再者,說不定拿臣嚮足球生涯中都未打過龍門,退休前都能做倒,更成為佳話。
另,不可能不改造球員,變始終好過死咕咕,只要若發覺改造失敗,未見攻效,便要即時放棄改造。
CO2

好似拿臣話唔制…

如果打開個陣式係好,我覺得無必要改。另外,奧沙打防中係唔得,唔明點解仲要佢打呢個位。唔通見佢初初有波入?


[引用] | 作者 阿文 | 08-Feb-07 | [舉報垃圾留言]

[4] 回:藍秋
藍秋 :
果場波我都有睇呀!我覺得奧沙擋出羅比堅尼果球單刀好精彩!我亦祝福雲達沙冇咩事就好喇!因為雲達沙是後防的靈魂人物!講真一句呀!我真係好想見到阿倫史密夫落場呀!

果晚太攰啦!我都係賽後睇重播…

雲達沙要小休一陣,希望佢快o的好番。

唉!講起史密夫,我都好想見到佢o向一隊上陣。


[引用] | 作者 阿文 | 08-Feb-07 | [舉報垃圾留言]

[5]

奧沙做龍真係一次球迷奇遇記,但其實平時睇佢踢波真係唔係好順眼。佢可能係曼聯中場斷波最多的球員,經常口對口,面對面俾錯波,被人反守為攻。


[引用] | 作者 Jan | 08-Feb-07 | [舉報垃圾留言]

[6] 回:Jan
Jan :
奧沙做龍真係一次球迷奇遇記,但其實平時睇佢踢波真係唔係好順眼。佢可能係曼聯中場斷波最多的球員,經常口對口,面對面俾錯波,被人反守為攻。

佢都係打後防好o的...


[引用] | 作者 阿文 | 08-Feb-07 | [舉報垃圾留言]

[7]

阿倫史密夫...唉...

我想見多點沙夏出番來既Man U,看看能否維持狀態...


[引用] | 作者 One Ken | 10-Feb-07 | [舉報垃圾留言]

[8] 回:Ken
One Ken :
阿倫史密夫...唉...
我想見多點沙夏出番來既Man U,看看能否維持狀態...

沙夏沉晚出番o黎, 不過都係佢水準之下. 印象最深刻, 都係佢同朗尼o向下半場個o下one two, 係果o下先覺得佢地o的默契返o黎...


[引用] | 作者 阿文 | 11-Feb-07 | [舉報垃圾留言]