香港新浪網 MySinaBlog
« 上一篇 | 下一篇 »
阿文 | 17-May-07 | 艾文日記, 曼聯足球 | (953 Reads)

哥哥與嫂嫂剛從歐洲返港。是次旅程,他們主要參加朋友在利物浦的婚禮(哥哥充當攝影師),然後順道到曼徹斯特,再往瑞士的日內瓦探望舅父。得知他們到曼徹斯特,我當然介紹他們到曼聯的主場奧脫福球場去,亦努煩他們幫我購買今季的曼聯主場球衣。

他們於當地時間5月5日的下午12:50到達奧脫福球場,剛好是曼城主場迎戰曼聯的英超打吡大戰開賽後五分鐘。他們參觀完球場及博物館後,便到megastore去購買戰利品。

另一邊的曼城球場,曼聯憑C朗拿度於34分鐘的十二碼,暫時領先主隊一球。之後,哥哥致電給我,說那兒購買球衣比香港的還要貴,有意幫我購買別的東西。賽事到80分鐘,布朗於禁區犯規,曼城獲判十二碼,由華素爾主射。正當我為曼聯禱告時,哥哥再一次致電找我,問我喜歡今季主場球衣的童裝,還是百週年紀念版球衣的童裝。我在不加思索的情況下,便回覆了我喜歡前者。接著,我被球証的哨子聲吸引過來,眼看著華素爾起腳命射,剎那間卻被雲達沙擋出。我們的對話仍未終斷,看到這一球不入的十二碼,我馬上大叫一聲,差點把哥哥的耳朵震破。雲達沙的一擋,令曼聯保持1:0的勝果,也協助曼聯提早於聯賽封王,因為翌日的車路士只能以1:1賽和阿仙奴。而我的一叫,對不起,給了哥哥一記殘酷的回禮。

 

他們回港後,當收到他們給我的手信:今季主場球衣的童裝、朗尼Q版公仔、傑斯電話繩、C朗拿度鎖匙扣、曼聯球徵紀念章等,我真的嚇了一跳。至於下面的東西又是什麼?請把滑鼠指向右邊的相片,便知道一清二楚。


[1]

看見咁多咁珍貴美麗的曼聯手信,真羨慕文兄,尤其是個燈制好特別~
星期六足總盃紅藍大戰,曼聯一定勝~ ^_^


[引用] | 作者 藍秋 | 18-May-07 | [舉報垃圾留言]

[2]

有時候,我都唔知點處理紀念品才好。

很多年前,表弟在英國讀書,送了一套紅魔Q版公仔(仲有Cantona果期)給我,到現在我都唔點擺去才好,我一向對擺設沒多興趣,也沒收藏的興趣。

CO2


[引用] | 作者 二氧化碳 CO2 | 18-May-07 | [舉報垃圾留言]

[3]

喂, 埃及冇曼聯手信架. 如果有的話, 我一定買給你的. hehehehehe....


[引用] | 作者 Noel | 18-May-07 | [舉報垃圾留言]

[4] 回:藍秋
藍秋 :
看見咁多咁珍貴美麗的曼聯手信,真羨慕文兄,尤其是個燈制好特別~星期六足總盃紅藍大戰,曼聯一定勝~ ^_^

若冇睇說明,真係估唔到個燈制真係乜…


[引用] | 作者 阿文 | 18-May-07 | [舉報垃圾留言]

[5] 回:阿碳
二氧化碳 CO2 :
有時候,我都唔知點處理紀念品才好。
很多年前,表弟在英國讀書,送了一套紅魔Q版公仔(仲有Cantona果期)給我,到現在我都唔點擺去才好,我一向對擺設沒多興趣,也沒收藏的興趣。
CO2

唔知阿碳對乜有興趣呢?


[引用] | 作者 阿文 | 18-May-07 | [舉報垃圾留言]

[6] 回:Noel
Noel :
喂, 埃及冇曼聯手信架. 如果有的話, 我一定買給你的. hehehehehe....

咁唔知有乜其他手信俾我呢?


[引用] | 作者 阿文 | 18-May-07 | [舉報垃圾留言]

[7]

喂…不過尋晚輸左Wor...


[引用] | 作者 poonwinghang | 21-May-07 | [舉報垃圾留言]

[8]

女仔先著到童裝波衫ga wor

你著唔著到ga???


[引用] | 作者 IRENE | 21-May-07 | [舉報垃圾留言]

[9] 回:hang
poonwinghang :
喂…不過尋晚輸左Wor...

不過咁,收到手信同輸波係兩回事…


[引用] | 作者 阿文 | 21-May-07 | [舉報垃圾留言]

[10] 回:IRENE
IRENE :
女仔先著到童裝波衫ga wor
你著唔著到ga???

大老話,我都唔係成日著波衫出街,所以賣套細路版俾我儲。


[引用] | 作者 阿文 | 21-May-07 | [舉報垃圾留言]

[11]

我唔係足球迷, 但係試過係意大利現場,有幾萬人, 好熱鬧呀!!!


[引用] | 作者 安祖 | 01-Jun-07 | [舉報垃圾留言]

[12]

你最近去左邊呀? 我日日都上來睇你, 可惜日日都冇發展有新文章. 好期待呀???? 你快d寫新blog啦.


[引用] | 作者 Noel | 01-Jun-07 | [舉報垃圾留言]

[13] 回:安祖
安祖 :
我唔係足球迷, 但係試過係意大利現場,有幾萬人, 好熱鬧呀!!!

哈哈!我剛與妳相反,我是足球迷,但未試過同幾萬人一齊欣賞球賽。


[引用] | 作者 阿文 | 01-Jun-07 | [舉報垃圾留言]

[14] 回:Noel
Noel :
你最近去左邊呀? 我日日都上來睇你, 可惜日日都冇發展有新文章. 好期待呀???? 你快d寫新blog啦.

最近好鬼忙呀!差唔多晚晚加時,連上佛旦都無放到假,繼續返工並加時…

不過咁,當妳刊登呢個尋人廣告時,我正在製作新o既一篇文章。


[引用] | 作者 阿文 | 01-Jun-07 | [舉報垃圾留言]