香港新浪網 MySinaBlog
« 上一篇 | 下一篇 »
阿文 | 02-Dec-05 | 艾文日記, 回憶記錄 | (7546 Reads)

昨日到港島智能身份證中心去更換智能身份證,其手續十分簡易:先領取籌號及申請表格;填妥表格後,便可往見登記主任,包括遞交表格,拍攝及核對指紋;然後再見審核主任,再核對資料,便可領取領證通知書。整個過程只需十五分鐘。另於十個工作天後,憑領證通知書,到智能身份證中心核對資料及掃描指紋,便可領取智能身份証。

今次換證,一共拍了五次照,登記主任才滿意。第一次,她認為我的眼鏡反光,於是拒收。然後又因眼鏡左右高底不一,面不正視等問題而不接受。另外,由於我手汗大的關係,在掃瞄指紋時亦花了不少的時間。主任的細心及耐性,與我小時候的經歷有很大的差別。

之前領過兩次身份證。第一次是十二歲時,父親帶我到天后那兒領兒童身份證。當時中心的設備充滿六七十年代色彩,台子及椅子都是木製的,還有一個笨重的照相機。攝映師樣子兇兇的,說話亦好不客氣。在緊張的情況下,拍得我很不自然。每每看到那證件,幸不得將它撕掉。第二次就是領取成人身份證,是到灣仔的人民入境事務處換領。沒有什麼特別,只記得給初戀情人覺得,身份證上的我樣子很帥。到了現在,這張身份證經不起風雨,兩邊扭曲嚴重,四角表面及底部的保護膠亦見破口,不似一張有文化色彩的證件。

==================================================
換證小貼士:

  1. 網上預約可減少在智能身份證中心輪候的時間;
  2. 留意換證時間表,不要在限期後換證,沒有合理解釋的話,最高可被罰款五千元;
  3. 拍攝時,要面對鏡頭下的紅點,表情自然;
  4. 為使精神飽滿,早幾晚睡眠要充足,前一晚更不要通頂,免長得滿面暗瘡;
  5. 避免選擇下班後馬上換證,因為經過一天的勞役,神情亦變得呆滯;
  6. 穿著有領及較為深色的衣服;早幾天恤一恤髮,但不要恤一個新髮型或奇怪的髮型。

[1]

咦...老四...你咪話晒俾大家聽係幾多歲囉...? `;)


[引用] | 作者 國王 | 02-Dec-05 | [舉報垃圾留言]

[2] 回:國王

一向以來,大家都知啦!
知道又如何?


[引用] | 作者 阿文 | 02-Dec-05 | [舉報垃圾留言]

[3]

我一直都唔知你年紀架喎...
可能會有好多意想唔到既野發生... `:D


[引用] | 作者 國王 | 02-Dec-05 | [舉報垃圾留言]

[4]

你覺唔覺得個掃描指紋好難就位?


[引用] | 作者 藍藍 | 02-Dec-05 | [舉報垃圾留言]

[5]

噢!估不到會係登記主任不滿wo,果真專業呢 `:)


[引用] | 作者 貓糊 | 02-Dec-05 | [舉報垃圾留言]

[6] 回:藍藍

唔係. 係一開始時, 我發現手指有o的污糟, 用酒精抺. 抺完之後有水氣, 於是等乾. 乾o左之後, 又發覺手汗大. 試o左幾次佢先話OK.


[引用] | 作者 阿文 | 03-Dec-05 | [舉報垃圾留言]

[7] 回:貓糊

咁應該係我好彩...


[引用] | 作者 阿文 | 03-Dec-05 | [舉報垃圾留言]

[8]

未到我...


[引用] | 作者 poonwinghang | 03-Dec-05 | [舉報垃圾留言]

[9]

係呀!連我都知阿文幾多歲啦!佢同小Jan同年嘅... `;)

不過唔知係咪我改錯名嘅關係(很大頭蝦呢!),我經常遺失身份證,計埋兒童身份證,我總並遺失了五張身份證了! `:P 補領時還要給主任捉去問話呢... `:(


[引用] | 作者 蝦米 | 03-Dec-05 | [舉報垃圾留言]

[10] 登記主任

They are very nice. I went there at 5:15pm, only me and another lady in the whole centre. The officer was so patient and friendly. She told me to smile and took a few shots then choose the best (among the worst, hahaha) for me.
I was very happy cos I changed my new ID on my birthday, and it's quite a good taken photo :)


[引用] | 作者 poo | 03-Dec-05 | [舉報垃圾留言]

[11]

"每每看到那證件,幸不得將它撕掉。" 很有同感呢,我那張看來似被人迫害似的!我也未轉呢!很緊張!


[引用] | 作者 Vicki | 03-Dec-05 | [舉報垃圾留言]

[12]

由於我先幾年被人扒了銀包, 現在張身分證係補領的. 當時心情很差, 所以張相黑口黑面. 我都等緊換証, 影過張靚相至得.
謝謝阿文的tips, 到時一定先燙過靚髮! `:D


[引用] | 作者 | 03-Dec-05 | [舉報垃圾留言]

[13] 回:雪

記住,不要化濃妝。


[引用] | 作者 阿文 | 03-Dec-05 | [舉報垃圾留言]

[14] 回:Vicki

不要緊張,否則又是一個惡夢,一個可能長達十多年的惡夢。

但也不要怕,因為可以即場二選一。若對兩者不滿,可以再試多一次。


[引用] | 作者 阿文 | 03-Dec-05 | [舉報垃圾留言]

[15] 回:poo

咁樣妳去換證那一日,是否身份證上的簽發日期呢?我估應該遲幾天…


[引用] | 作者 阿文 | 03-Dec-05 | [舉報垃圾留言]

[16] 回:蝦米

我比妳細一年零九個月。

喂!咪再大頭蝦,唔係又要見主任。


[引用] | 作者 阿文 | 03-Dec-05 | [舉報垃圾留言]

[17] 回:hang

我仲以為妳大過我添…


[引用] | 作者 阿文 | 03-Dec-05 | [舉報垃圾留言]

[18] Issue date
阿文 : 咁樣妳去換證那一日,是否身份證上的簽發日期呢?我估應該遲幾天…
No wor.. 換證日是身份證上的簽發日期...so my new ID card's issue date was my birthday :)


[引用] | 作者 poo | 04-Dec-05 | [舉報垃圾留言]

[19]

從留言得知:

1. 小jan同阿文同年
2. hang細過阿文

有同我以為既,完全唔岩,最近估野好差....

我?未到呀,唔知幾時至做...好似仲有....一兩年至到我換,不過我張身分証仲好新喎,你點keep你張身分証架?

我諗貼相d野真係要撥個電比你,而且,除左相,仲有其他setting問題想問你,你等我電啦.....thx!!!


[引用] | 作者 Crystal | 04-Dec-05 | [舉報垃圾留言]

[20]

Crystal
係度估年齡 `:D


[引用] | 作者 藍藍 | 05-Dec-05 | [舉報垃圾留言]

[21] 回:poo

原來是這樣…


[引用] | 作者 阿文 | 05-Dec-05 | [舉報垃圾留言]

[22] 回:Crystal

妳唔好買六合彩,費事輸錢。

我今日同今晚都唔得閒。


[引用] | 作者 阿文 | 05-Dec-05 | [舉報垃圾留言]

[23] 回:藍藍

係啦!估o下咪放o向心入面咪算o羅。


[引用] | 作者 阿文 | 05-Dec-05 | [舉報垃圾留言]

[24] Re: 回:雪
阿文 :
記住,不要化濃妝。
呵~ 多謝你提醒. 不過, 除左去飲, 我都唔會化濃妝, 何況, 換証果日我應該唔會請假, 所以果日仲要返工! `;)


[引用] | 作者 | 05-Dec-05 | [舉報垃圾留言]

[25]

咦!我好中意上一張身分証,不過依家呢張都ok! `:D


[引用] | 作者 金婆婆 | 05-Dec-05 | [舉報垃圾留言]

[26]

我記得細個都係有話邊間換好D,邊間D人唔好之類架,我去果間就麻麻。

我下年2月先換! `8)


[引用] | 作者 阿瀨 | 05-Dec-05 | [舉報垃圾留言]

[27] 多口搭一句
金婆婆 :
咦!我好中意上一張身分証,不過依家呢張都ok!
竟會喜歡上一款?


[引用] | 作者 BJ | 05-Dec-05 | [舉報垃圾留言]

[28] 回:雪

返工同換証最好隔一段時間休息, 又或者回家執好個樣.


[引用] | 作者 阿文 | 05-Dec-05 | [舉報垃圾留言]

[29] 回:婆婆

四大美人之一,映相果然靚o的。


[引用] | 作者 阿文 | 05-Dec-05 | [舉報垃圾留言]

[30] 回:阿瀨

今時今日講求服務態度,應該間間都差唔多。不過你都可以考慮銅鑼灣呢間。
細聲o的,俾crystal知道,佢又會唱你大過邊個,又細過邊個。


[引用] | 作者 阿文 | 05-Dec-05 | [舉報垃圾留言]

[31] 回:BJ

張相映得靚,話知個身份証設計得好差勁,都覺得好靚。


[引用] | 作者 阿文 | 05-Dec-05 | [舉報垃圾留言]

[32] Re: 回:阿瀨
阿文 :
今時今日講求服務態度,應該間間都差唔多。不過你都可以考慮銅鑼灣呢間。細聲o的,俾crystal知道,佢又會唱你大過邊個,又細過邊個。

文當家講野越黎越有骨呀~可惡~ `:'(


[引用] | 作者 Crystal | 06-Dec-05 | [舉報垃圾留言]

[33]

都好鍾意現在呢張,因為影得我好好.
唔知第日新個張會點? `:)


[引用] | 作者 女伯爵 | 06-Dec-05 | [舉報垃圾留言]

[34]

我係去「觀塘」換證,十分鐘攪掂,之後再去「銅鑼灣」攞證。我都影左三張,不過我張相個頭影得好細.....


[引用] | 作者 舒夫真高 | 12-Dec-05 | [舉報垃圾留言]

[35] 回:舒夫真高

有幾細?細到睇唔到?咁過關實要等好耐,因為要史史用放大鏡至睇到。


[引用] | 作者 阿文 | 13-Dec-05 | [舉報垃圾留言]

[36] 回:女伯爵

正如足球一樣:咁就要睇狀態啦!


[引用] | 作者 阿文 | 13-Dec-05 | [舉報垃圾留言]

[37] 回:Crystal

有幾大條骨呢? 哈哈!


[引用] | 作者 阿文 | 13-Dec-05 | [舉報垃圾留言]

[38]

當然唔係好誇,不過一望就會覺得比一般細1.5mm左右。


[引用] | 作者 舒夫真高 | 13-Dec-05 | [舉報垃圾留言]

[39] 回:舒夫真高

1.5mm... 一望真的可以發覺. 咁勁?


[引用] | 作者 阿文 | 15-Dec-05 | [舉報垃圾留言]