香港新浪網 MySinaBlog
« 上一篇 | 下一篇 »
阿文 | 20-Jan-06 | 艾文日記, 回憶記錄 | (886 Reads)
今天天氣開始轉冷,氣溫下降到十至十四度左右,加上整日都下著細雨,我又要出外工作,更令天氣變得異常寒冷。當日出門前沒有下雨,沒有帶備雨具,下班的時候雨勢轉大,更令我顯得狼狽。

在大埔工業村找一把雨傘比在街上拾到金幣更難,我預計全身都被弄濕。回到大埔市中心,還要坐長途的冷氣巴士回家,必定著涼。記得中學寄宿時,修士們教我們一個避免著涼的良方。那時候,宿生的作息時間很有規律,每天的起床、吃飯、溫習、遊戲都按時間表進行,運動過便要洗澡。由於是一個百多人的團體,每個環節都要集合,集合好了才能洗澡,所以每每要等數分鍾的時間。不要少看這數分鐘,出了一身大汗,受了風姐姐的小把戲便很易著涼。修士們建議我們帶備一件外套,以便在等候時間保暖,免得著涼。

情況雖不同,但道理也相近。於是我將外套緊緊扣上,以減少裡面衣服沾濕的程度。到了車站的時候,有點寒意,便馬上到便利店找熱飲。剛好給我找到熱騰騰的維他奶,頓時變得溫暖萬分。回到車站等候巴士,便要抺去頭上及外套的水點。上了車,接下來的自保方法,就是找個風口位,將空調關上,並將外套扣緊,然後好好睡一覺,以減少體溫的流失。

最後,回到家裡要馬上洗澡,並將濕了的衣服送往洗衣機去清洗。就是這樣,阿文又逃過一劫。所以大家出門前,要多點留意天氣報告,以作適當的準備。若真的好像我當日遇上不測,也要設法自保,以減少著涼的機會。


[1]

哇!又會咁有研究既!俾著我就死梗都得喇,實聽冷傷風。


[引用] | 作者 silly | 25-Jan-06 | [舉報垃圾留言]

[2] 回:三姑
silly : 哇!又會咁有研究既!俾著我就死梗都得喇,實聽冷傷風。
今個月已經睇o左兩次醫生,我就唔想流住鼻涕過新年,先至咁搏。


[引用] | 作者 阿文 | 25-Jan-06 | [舉報垃圾留言]

[3] Re: 阿文
阿文 : 今個月已經睇o左兩次醫生,我就唔想流住鼻涕過新年,先至咁搏。

咁你claim 咗公司錢未呀?  兩次都係得個$100  ~ cheap cheap cheap, 但好過冇!! 

係英國時, 溶雪比落雪涷, 試過涷到喊 .   後來朋友教著住絲襪才再著襪, 幾work架, 幫我渡過六個嚴冬.

 

 


[引用] | 作者 女伯爵 | 25-Jan-06 | [舉報垃圾留言]

[4] 回:女伯爵
女伯爵 :  咁你claim 咗公司錢未呀?  兩次都係得個$100  ~ cheap cheap cheap, 但好過冇!!  係英國時, 溶雪比落雪涷, 試過涷到喊 .   後來朋友教著住絲襪才再著襪, 幾work架, 幫我渡過六個嚴冬.    
一月份糧未出,等出糧o既時候會俾返我。
好似度度溶雪都凍過落雪呢?


[引用] | 作者 阿文 | 26-Jan-06 | [舉報垃圾留言]

[5] 回:阿文
阿文 :     一月份糧未出,等出糧o既時候會俾返我。好似度度溶雪都凍過落雪呢?
原來如此, 真係唔知, 只試過英國的落雪, 唔知個分別 (個次去巴黎, 冇snowing).  有些想試下零下負幾十度的滋味  


[引用] | 作者 女伯爵 | 26-Jan-06 | [舉報垃圾留言]

[6]

啊!我比較奀皮,有時心情差又+落雨時,就會有遮都唔開,淋下雨踩下水,幾好玩架!^^


[引用] | 作者 貓糊 | 26-Jan-06 | [舉報垃圾留言]

[7] 回:女伯爵
女伯爵 : 原來如此, 真係唔知, 只試過英國的落雪, 唔知個分別 (個次去巴黎, 冇snowing).  有些想試下零下負幾十度的滋味  
因為之前去過首爾同北海道,o的導遊同我地講落雪時要留o既事項,之後又會講溶雪係比較凍。


[引用] | 作者 阿文 | 26-Jan-06 | [舉報垃圾留言]

[8] 回:貓糊
貓糊 : 啊!我比較奀皮,有時心情差又+落雨時,就會有遮都唔開,淋下雨踩下水,幾好玩架!^^
心情好、毛毛細雨、屋企附近、又是夏天的話,妳先至好試試。


[引用] | 作者 阿文 | 26-Jan-06 | [舉報垃圾留言]